Matthew 27:2 - Iñupiatun Mumiksat Uqalugiksuat

² Tavra qiḷiqsruiŋagaat, aasii aullautivlugu aitchuutigiŋagaat Pilate-mun kavanauruamun.

Matthew 27:2 Iomraidhean Croise

Genesis 22:9

Tikiññamiŋ inimun God-im quliaŋaraanun, Abraham ikipkaiviḷiuŋaruq qirriqsuqtuaqługu. Qiḷiqsruutivlugu iġñini Isaac inillakkaa ikipkaivigmun, qaaŋannun qiruich.

Matthew 20:19

Suli aitchuutiginiaġaat Jew-guŋitchuanun kipagitqulugu ipiġaqtuqulugulu, suli kikiaktuutilugu aŋarrauramun, aasii ilaa aŋipkaqtitauniaġmiuq tuqqunmiñ piŋayuagni uvluk.

Matthew 28:14

Taamnaasii kavanauruam tusaaniqpagu, iviġaumapkaġniaġikput aasii qanuqtinŋiḷḷusi.

Luke 13:1

Jesus uqaġataviksillugu iñuich tavraniinŋarut. Iḷaŋisa uqallautiŋagaat Jesus Galilee-ġmiutigun Pilate tuqunŋaraŋigun aitchuipkaqtillugich ikipkautinik God-mun, auŋich iḷḷativlugich niġrutit auŋiññun.

Luke 20:20

Tavra iliŋich nalautitchiiŋarut piviksramik. Tavra tilisiŋarut suiḷaukkirinik ukpiġnaqsisaqługich, Jesus uuktuġukługu apiqsruqtuutinik aitchuutigillasisukkaluaqługu kavanamun.

Luke 23:1

Tavra iluqaġmiŋ piqatigiich makinŋarut, aasii qaġġisivlugu Jesus Pilate-mun.

Luke 23:12

Tavraasii Herod-lu Pilate-lu avilaitqatigiiksinŋaruk avanmun taavrumanipiallak uvlumi, qanuq sivuani taavruma uumikkutiŋagaluaqtuak avanmun.

Luke 3:1

Tavra una piŋaruq akimiaŋanni ukiut umialguniŋani Tiberius Caesar-m, Pontius Pilate kavanaupkaqługu Judea-mi, aasiiḷi Herod atanauraumman Galilee-mi, ilaan aniqataa Philip atanauraumman nunaŋiññun Ituraea-m Trachonitis-lu, suli Lysanias atanauraumman Abilene-mi.

John 18:12

Tavra aŋuyaktit atanauraŋatalu Jew-guruat munaqsriŋisalu tiguŋagaat Jesus aasii qiḷiqsruivḷugu.

John 18:24

Tavra Jesus qiḷiqsruiŋavlugu, Annas-gum aullaqtitkaa Caiaphas-mun aŋaiyyuliqsiqpaich qaukłiannun taavrumani ukiumi.

John 18:28

Tavra iñuich aullautiŋagaat Jesus igluqpaŋaniñ Caiaphas isivġiġviŋmun igluqpaŋaniittuamun kavanam. Uvlaatchaurauŋaruq. Jew-guruat isiŋitchut isivġiġviŋmun salumaiḷisuŋił̣ł̣utiŋ niġiḷḷasukłutiŋ Itqaunmi Qulaurrusiqiviŋmun.

Acts 12:6

Taavrumani unnuami Herod annisiyumaalliġmagu Peter uvluqpan iñuŋnun, Peter siñiŋaruq akunġaŋni malġuk aŋuyaktik, pituqaqłuni malġuiñik kalimñanik, aasii munaqsrich munaqsriŋarut tigutaaġvium paaqpaŋani.

Acts 21:33

Tavra aŋuyaktit atanauraŋata ullakługu Paul, tigutaaŋagaa piraksriivḷuni qiḷiqsruitquvlugu malġuiñik kalimñanik. Tavra ilaan apiġiŋagai iñusalaich, Kiñauvvauna iñuk? Suniglu piŋava?

Acts 22:25

Tavra qiḷiqsruiganiŋmanni akłunaanik ipiġaqtuġukługu, Paul-gum uqallautiŋagaa aŋuyaktit atanauraŋat makitaruaq tavrani, Pitqurani nalaunŋava ipiġaqtuġuvsiuŋ iñuk Rome-miunun iḷauruaq, isivġiqsauŋaiñŋaan?

Acts 22:29

Tavra tamatkua apiqsruqtuiyumaruat Paul-mik niguutiŋarut ilaaniñ tavrauvvaa, taamnalu aŋuyaktit qaukłiat iqsitchaŋammiuq iḷitchuġivluni Paul Rome-miunun iḷautilaaŋanik ilaallu qiḷiqsruiñiqamiuŋ.

Acts 24:27

Tavra ukiuk malġuk naanmaŋnik, Felix kavanauruaq simmausiŋagaa Porcius Festus-gum, aasii Felix-gum iviġallagumavlugich Jew-guruat, qimaŋagaa Paul tigutaaqtauvlugu.

Acts 28:20

Taamna sivuniġivlugu apiqsriŋaruŋa tautugukłusi uqaqatigisukłusiḷu, atakkiataŋ ukpiġigiga Christ-guruaq qaiŋatilaaŋanik, Israel-guruat niġiugikkaŋat, aasii taamna pisigivlugu tigutaaqtauruŋa.

Acts 3:13

God-tiŋata Abraham Isaac-guvlu Jacob-lu, God-iŋata maŋŋuupta kamanaqsiḷiŋagaa kivgani Jesus. Ilivsi aitchuutigiŋagiksi ataniġnaqutiqaqtuanun, pisuŋił̣ł̣ugulu Pilate takkuani, ilaan tigutaaqtauŋaiqsitchukkaluaġmagu.

Acts 4:27

Tavra tainnatun iḷumun Herod-lu Pontius Pilate-lu kasimaŋaruk atautchimi uumani iniqpaŋmi, piqatigivlugich Jew-guŋitchuallu Israel-guruallu akiḷḷiḷiqł̣ugu Jesus, Piḷuutaitchuaq kivgan, Christ-guqtinŋaran.

Acts 9:2

aasii apiqsrivḷuni tuyuutinik, iḷitchuqqutiksranik kiutilaamiñik Jew-guruat aŋaiyyuviŋiññi Damascus-mi. Iḷaanni paqitkumi ukpiqtuanik Ataniġmun taamani tigutaaġumiñaġuqługich, aŋutikkaluat aġnakkaluallu, aasii utqutilugich Jerusalem-mun.

1 Timothy 6:13

Piraksriġikpiñ tamatkuniŋa takkuani God-im aitchuiruam iñuggunmik supayaanun, takkuaniḷu Christ Jesus uqalugaaġluataŋaruam sivuġaani Pontius Pilate,

2 Timothy 2:9

Alġaqsruutigikkaġa tusaayugaaġiksuaq pisigivlugu nagliksaaqtuŋa, tigutaaqtauruŋaunnii pitquranik navguiritun. Aglaan God-im uqalua piñaiḷutaitchuq.

Hebrews 13:3

Itqaumasigik tamatkua tigutaaqtauruat, tigutaaġviŋmiitqatigimmatun illugich, tamatkualu pimaqłuktaqtauruat, pimaqłuktaqsiqatigimmatun illugich.