12 Tavra ilaa saŋutkaluaġmanni aŋaiyyuliqsiqpaiḷḷu umialiŋnallu, kiulaiñŋagai.
Tavra Jesus nipaiñŋaruq. Tavra aŋaiyyuliqsiqpaich qaukłiata uqallautiŋagaa, Apiġipiaġikpiñ sivuġaani iñuuruam God-im, uqallauttutigut Christ-guvich, Iġñiŋa God-im?
Kiisaimmaa Pilate uqallakpuq ilaanun, Tusaqsraġiŋitpigich qanutun iñugiaktigiruat uqautigikkaŋich ilipkun?
Tavra Jesus kiuŋaitkaa sumikunnii, kavanauruaq aliuġutchapiaġataqługu.
Tavra Herod-gum sivisuuraqtuami apiqsruqtuŋagaa Jesus, aglaan ilaan kiulaiñŋagaa.
Tavra uqaluuraq Bible uqaluat taiguaġinikkaŋa uumiŋauniqsuq, “Imnaisun tasikuaqtauruatun tuqutchiviŋmun naagga imnaiyaatun sivuġaani salirimi nivliḷaitchuatun, ilaaptauq uqallaŋaiñmiuq.
Uqamaqłuurraukami, uqamaqłuunmik kiummatiŋaitchuq. Nagliksaaqami, sivuuġasaaqłiŋaitchuq, aglaan ukpiġiŋagaa God, isivġiiruaq nalaunŋaruakun.