Matthew 26:13 - Iñupiatun Mumiksat Uqalugiksuat

¹³ Iḷumun uqallautigivsi, sumipayaaq manna tusaayugaaġiksuaq alġaqsruutaukpan nunapayaani, aġnam savaaġiŋaraa quliaqtuaguniaqtuq itqaummatauluni ilaanun.

Matthew 26:13 Iomraidhean Croise

Psalms 112:6

Iḷumutuuqtuaq aulayyaktauniaŋitchuq taimuŋa; iluaqtualiqirauruaq itqaumagisuuniaġaat taimuŋa isuitchuamun.

Matthew 24:14

Aasii manna tusaayugaaġiksuaq God-im atanniqsimmataa iñuŋnun alġaqsruutauniaqtuq iluqaani nunapayaami, quliaqtuaguluni nunapayaanun, aasii tavrani nunam isua tikiññiaqtuq.

Matthew 28:19

Tavraasii aullaġitchi aasii iḷitchitquraliuġlusi nunapayaaniñ, paptaiġḷugich atqagun Aapam Iġñiġuvlu Ilitqusiġiksuavlu,

Mark 13:10

Christ-guruaq qaiŋaiñŋaan, tusaayugaaġiksuaq alġaqsruutauqqaaqtuksrauruq iñupayaanun.

Mark 14:9

Iḷumun uqallautigivsi, Sumipayaaq manna tusaayugaaġiksuaq alġaqsruutaukpan nunapayaani, aġnam savaaġiŋaraa quliaqtuaguniaqtuq itqaummatauluni ilaanun.

Mark 16:15

Tavra ilaan uqallautiŋagai, Aullaġitchi nunapayaanun, aasii alġaqsruutigilugu tusaayugaaġiksuaq iñupayaanun.

Luke 24:47

Aasii pisigilugu ilaan piraŋa, tusaayugaaġiksuat God-im suliqutigiŋaiġutaagun itqaumayumiñaiġḷugich piḷuutit isumalitqiksuanun alġaqsruutigiraksrauvlugu nunapayaanun aullaqilugich Jerusalem-miñ.

Acts 10:4

Tavra takunnaakkiutiŋagaa isaġulik iqsiḷḷaġmi, aasii uqallakłuni, Suna Ataniiq. Isaġulgum kiuŋagaa, God-im akuqtuŋagai aŋaiyyutitin, savaatillu nagliktuiñikun, suli itqaŋagaatin.

Romans 10:18

Aglaan apiqsriruŋa, tusaaŋaiḷgataqpat? Iḷumun tusaaŋarut, qanuq “Tusaayugaaġiksuat tikiurrauŋarut nunamun iluqaanun, suli iluqaiññun nunam iñuŋiñun.”

Romans 15:19

aliuġnaqtuatigullu ukpiġnaqsiḷiqługu tusaayugaaġiksuaq, suaŋŋataagullu Ilitqusiġiksuam. Alġaqsruiŋaruŋa tusaayugaaġiksuamik Christ-kun sumiḷiqaa Jerusalem-miñ Illyricum-munaglaan.

2 Corinthians 10:18

God-im akuqtulaitkaa nalliummatirualiḷugu iñuk uqaġiruaq inmiñik ilaan savaani nakuunivḷugich, aglaan iñuum savaaŋi nakuummata sivuġaani Atanġum.

Colossians 1:23

Aglaan ukpiŋaiqsuksrauŋitchusi, ukpiġutiqaġitchi suaŋapiaqtuamik, tuniqsimaruamik, suli niġiugiŋaiġñagu annaurrauniksraqsi taŋŋiqsauniaqtilaaŋanik tusaaŋakkavsisun tusaayugaaġiksuakun. Taamna tusaayugaaġiksuaq alġaqsruutauŋaruq iñupayaamun nunamiittuamun, aasii uvaŋa Paul alġaqsruutigigiga.

Colossians 1:6

Taamna tusaayugaaġiksuaq alġaqsruutauŋaruaq ilivsiññun alġaqsruutaummiuq iñuŋnun nunami iluqaani, aasii iñuvsaat ukpiliqł̣utiŋ Christ-mun, iñuugaqsivḷutiŋaasii Christ iñuutqutaagun, ilivsivsauq iñuusivsisun taimaŋŋaqaŋa tusaakavsiuŋ nagliktuutiqpaŋa God-im, kaŋiqsivḷugu iḷumun ittuaŋa.

1 Timothy 2:6

piviksraq nalautinman tuqutinŋaruaq inmiñik tasuqsaqługich iñupayaat. Taamna ukpiġnaqsiḷġutauŋaruq God-mun annaurrautqutilaaŋannik iñupayaat.

Hebrews 6:10

Qanuq God nalaunŋaruq. Naluruuraaġniaŋitkaa ikayuutiksi, piviuttaqqullu iḷisimanaqtitaqsi savautikavsigik ukpiqtuat ilaa pisigivlugu, piḷġusivsisun paŋmapak.

Revelation 14:6

Tavrani tautuŋaruŋa allamik isaġuliŋmik tiŋmiruamik qutchikł̣uni siḷami, piqaqłuni allaŋŋulaitchuamik tusaayugaaġiksuanik quliaqtuaġiraksranik iñupayauranun iñuuruanun nunami, nunauruapayaanun maŋŋuqatigiiñullu uqautchiñullu iñuŋnullu.

1 Samuel 2:30

Uvaŋa Ataniq God-iŋa Israel, unniqsuqłiiŋaruŋa taimani ilvich iḷagnullu kiŋuvaaksraġnullu savautiniaġnivḷuŋa aŋaiyyuliqsiqpaulutik isuitchuamun. Aglaan akkupak uqallaktuŋa tainnaitinniaŋitkiga! Tavraŋŋaaglaan, qiksiginiaġitka iliŋich uvamnik qiksiksraqtuat, aasii aŋalamaqługniaġitka uvamnik suuŋiḷaġiññiktuat.