Matthew 24:9 - Iñupiatun Mumiksat Uqalugiksuat

⁹ Tavraasii iñuich tigutaaġniaġaasi tatavsaqtautqulusi, tuqullusiḷu. Suli iñupayaat uumiginiaġaasi pisigiluŋa.

Matthew 24:9 Iomraidhean Croise

Proverbs 29:27

Nalaunŋaruakun iñuuruat uumigigaich pigiiḷḷiqirauruat, suli pigiiḷḷiqirauruakun iñuuruat uumigigaich nalaunŋaruakun iñuuruat.

Matthew 22:6

Iḷaŋisuli tigguġluŋagaich kivgaŋi, anaumikł̣ugich, suli tuquġaqługich.

Matthew 23:34

Tavra uqallautigivsi. Tilisiñiaqtuŋa ilivsiññun uqaqtiŋiñik God-im isumaturuaniglu iñuŋnik, iḷisaurriñiglu. Iḷaŋich tuqunniaġisi kikiaktuutilugiḷḷu aŋarrauranun, aasiisuli iḷaŋich ipiġaqtuġniaġisi aŋaiyyuvivsiññi, suli pigruqtitaġlugich nunaaqqiñiñ nunaaqqiñun.

Luke 11:49

Taamna pisigivlugu God isumaturuaq uqallaŋaruq inna, Tilisiñiaqtuŋa iliŋiññun uqaqtimnik alġaqsruiriñiglu. Iḷaŋich ilaisa iñuktaġiniaġaich, suli nagliksaaqtillugich iḷaŋich.

Luke 21:12

Aglaan tamatkua iluqaġmiŋ sivuanni, iñuich tiguniaġaasi nagliksaaqtillusiḷu. Aitchuutiginiaġaasiḷu aŋaiyyuviŋñun tigutaaġviŋñullu, qaġġirrauraġaġniaġmiusi sivuġaannun umialgich atanaurallu pisigiluŋa.

John 15:18

Nunam iñuŋisa uumigikpasi, itqaumaruksraurusi uumigiqqaaŋagaanŋa uumikłiqsaŋaunnatiŋ ilivsiññik.

John 15:21

Aglaan tamarra tamatkua piñiaġaich iluqaisa ilivsiññun uvaŋa pigikkavsi, qanuq ilaisa naluvlugu taamna tilisiruaq uvamnik.

John 16:2

Iñuich aninniaġaasi Jew-guruat aŋaiyyuviŋiññiñ. Iḷumutun, piviksraq tikitchumaaqtuq qakugu kiapayaaq tuqutkumisi isumaniaqtuq ilaa savaurriñasugaluni God-mik.

Acts 28:22

Aglaan uvva tusaasukkaluaqtugut qanuq isumaqaqtilaaġnik, iḷisimavluta sumipayaaq iñuich uqautigisuummatigik pigiitchuanik iḷauvigikkatin.

Acts 7:59

Aasiiḷi miḷuqtuipkaqługich Stephen-mik ilaa aŋaiyyuŋaruq, Ataniiq Jesus, akuqtuġuŋ ilitqusiġa.

1 Peter 4:16

Aglaattauq nagliksaaqtitauguvsi pisigilugu Christ-miuguniqsi, kanŋusuutiginagu. Quyyavigigiññaqsiuŋ God iḷisimanaqavsi Christ-mun iñugitilaavsiññik.

Revelation 2:10

Sivuuġaginagu nagliksaaġutigiyumaagaqsikkaqsi. Uvva, Tuunġaum isiqtaupkaqsaġumaagaqsigai iḷasi, uuktuaqtautquvlusi. Tavraasi uvluni qulini iłuiḷḷiuġutiqpaqaġniaqtusi. Ukpiġutiqaġitchi tuqunivsiññun aglaan, aasiiḷi akiḷiññiaġivsi iñuggusiġḷusi isuitchuamik niaquġusiġmatun.

Revelation 2:13

Iḷisimaruŋa sumi iñuutilaavsiññik, Satan-gum aŋalatchiviani iñuŋnik. Iḷumun ittuagurusi uvamnun, ukpiġutaiŋaitchusiunnii uvamnun Antipas quliaqtuaqaqtuaq uvamnik tuqutaumman, Satan-gum iñuuviani.

Revelation 7:14

Ilaa kiuŋagiga, Ilivich iḷisimarutin. Aasii ilaan uqallautiŋagaaŋa, Tamarra taapkuagurut pilluktuat kamanaqtuamiñ nagliksaaġutiqpaŋmiñ, iqaġiŋagaich annuġaatiŋ aasii qatiqsivḷugich auŋanik Imnaiyaam.