Matthew 24:7 - Iñupiatun Mumiksat Uqalugiksuat

⁷ Nunauruat aŋuyagniaqtut allanun nunauruanun. Suli umialiqaqtuat aŋuyagniaqtut allanun umialiqaqtuanun. Nunasuli aularaġaġniaqtuq sumipayaaq, iñuiḷḷu paniġniaqtut niqaiḷḷiuġlutiŋ.

Matthew 24:7 Iomraidhean Croise

Luke 21:11

Nunalu aulaviñaqtaġniaqtuq, suli sumiḷiqaa inini niqaiḷḷiuqtaġniaqtut naŋirrutiqpaiḷḷu, suli piñiaqtut iqsiñaqtuat kamanaqtuallu allayuaġnaqtuat siḷami.

Revelation 6:8

Tavra tautulgitkiga misuitchuatun qiññalik tuttuqpak, kakaksiqsuaŋa atiqaġniqsuq Tuqqunmik, suli Nagliksaaġvium maliġuaŋagaa. Iliŋik suaŋŋasiqsauŋaruk pisaġiyumiñaqsivḷugu avvaŋata avvaŋa nunam iñuŋisa, tuquġaitquvlugich savikpaŋmik niqaiḷḷiuġniġmiglu naŋirrutiqpaŋniglu niġrułłuŋiñullu nunam tuquġaquvlugich iñuich.

Acts 11:28

Aasii iḷaŋat atiqaqtuaq Agabus-mik makiłłuni aŋalałługu Ilitqusiġiksuam uqaŋaruq piyumaaqtuamik kamanaqtuaq kaaksiunaq piñiaġnivḷugu nunami iluqaani. Taamna nalaunŋaruq Claudius umialgumman Rome-mi.

Revelation 6:12

Tavra Imnaiyaam aŋmaġmagu itchaksraŋat nipitirrutit qiñilgitchuŋa. Tavra nuna aulaqparraqsiŋaruq, siqiñiq taaqsimmivḷuni maŋaqtuatun ukił̣haatun, suli naaqiŋaruaq tatqiq kaviqsivḷuni auktun.

Hebrews 12:27

Taamna uqallaun, “Atausivsaamiiġun,” sivuniqaqtuq sut aŋalayyaktauyumiñaqtuat piiqsauniaqtut, qanuq savaaguŋarut. Sut aulayyaktauyumiñaitchuat itchumaaqtut isuitchuamun.

Acts 2:19

Suli qiñiqtinniaġitka nunamiittuanun tatamaatchagnaqtuat qiḷaŋmi pamani. Suli aliuġnaqtuat nalupqinaiyautit suaŋŋatiqaqtilaamnun maani nunami. Auk maqipkaqtauluni, igniġlu, puyuġruaġlu.

Revelation 6:5

Imnaiyaam aŋmalgiñmagu piŋayuak nipitirrutik, tusaaŋagiga piŋayuak uumaruak savaak uqallaktuaq, Qaġġiiñ. Tavra tautulgitkiga maŋaqtaaq tuttuqpak, suli kakaksiqsiŋa saagaġniqsuaq uqumaisilaaġutiŋnik.

Revelation 6:6

Tavra tusaalgitchuŋa nivliqpalliqsuamik iġiñamik akunġanniñ sisamat uumaruat savaat uqallaktuamik, Akutchiñiq palauvak sivuniqaġli uvlupak savaŋniġmun akiññaktaamun, suli piŋasuni akutchiñiq barley palauvak uvlupak savaŋniġmun akiññaktaaguli, aglaan qanuq piññagu uqsruq, wine-lu.