Matthew 24:5 - Iñupiatun Mumiksat Uqalugiksuat

⁵ Qanuq iñugiaktuat iñuich qaiñiaqtut uvaŋauŋŋuaqtuat uqaġlutiŋ Uvaŋa Christ-guruŋa, aasii iñugiaktuat sagluqilugich.

Matthew 24:5 Iomraidhean Croise

Matthew 24:11

Aasiivsauq iñugiaktuat uqaqtauŋŋuaqtuat God-mun iñukpalliġñiaġmiut aasii sagluqilugich iñugiaktuat iñuich.

Matthew 24:24

Qanuq Christ-guŋŋuaqtuat uqaqtauŋŋuaqtuallu God-mun iñukpalliġñiaqtut savaglutiŋ aliuġnaqtuanik kamanaqtuanik nalupqinaiġñiaqługu kiutilaaqtiŋ, asiñuutiniaqsaalugich God-im piksraqtaaŋi, sagluqiyumiñaġumisigik.

John 5:43

Qaiŋaruŋa Aapama ataniġnaqutaagun, aasii ilivsi akuqtuŋitkivsiŋa. Alla qaikpan ilaan ataniġnaqunmigun akuqtuġayaġiksi.

John 8:24

Uqallautiŋagivsi tuquniaġnivḷusi piḷuusiqiraulusi. Qanukkiuvva ukpiŋisuaġuvsi Christ-gutilaamnik, tuquniaqtusi piḷuusiqiraulusi.

John 8:28

Kiisaimmaa Jesus uqallakpuq, Kivianikkuvsiuŋ Iġñiŋa Iñuum iḷitchuġiniaqtusi Christ-gutilaamnik, suli pisuisilaamnik sunik ataniġnaqutipkun aglaan uqaqłuŋa Aapam iḷisaurrutaagun.

1 John 2:18

Miqłiqtutkaa, piviksram isua qalliruq, aasii tusaaŋarusi akiḷḷiḷiqsuutiruaq Christ-mun qaiñiaġnivḷugu. Tavra paŋmapak iñugiaktuat akiḷḷiḷiqsuutiruat Christ-mun iñukpallianiŋarut. Taamna pisigivlugu iḷisimarugut piviksram isua qallisilaaŋanik.

1 John 2:22

Kiña sagluturuaguva? Iñuk ayyairuaq Jesus Christ-guniŋanik, God Tiliraŋanik. Tavra iñuk akiḷḷiḷiqsuqtuaq Christ-mik ayyairuq Aapamik Iġñiġmiglu.

1 John 4:3

Aasii iñupayaaq quliaqtuaqaŋitchuaq Jesus-mik tainna, piqaŋitchuq Ilitqusiġiksuamik God-miñ. Taamna ilitqusiġigaa akiḷḷiḷiqsuutiruam Christ-mun, tusaaŋakkaqsi qaiyumaaġnivḷugu, aasii paŋmapak nunam iñuŋiñiitaniŋaruq.

Revelation 13:8

Suli iluqaġmiŋ iñuuruat nunami qiksiginiaġaat nanġaġlugulu, iñupayaat atiŋich aglausimaŋitchuat sivuani nuna savaaguŋaiñŋaan makpiġaaŋiññi iñuuruat pigikkaŋisa Imnaiyaam tuqutauŋaruam.