Matthew 23:4 - Iñupiatun Mumiksat Uqalugiksuat

⁴ Iḷisaurrisuurut God-im pitquraŋiñik siġḷiġnaqsivḷugich iñuŋnun kamaksriñiksraŋat iluqaiññik, ikayuġniaġnagich suuramikunnii kamagitqulugich God-im pitquraŋi. Ikayulaitkaich.

Matthew 23:4 Iomraidhean Croise

Matthew 23:23

Qanutun naglignaqtigirusi ilivsi iḷisaurriich pitquranik, Pharisees-lu, ukpiŋŋuaqtuasii. Ilivsi quliŋŋuġutiŋiññik mikiniqsraqpiatchiat nauriavsi niġiñaqtuat aitchuisuurusi God-mun, aasii kamagiŋił̣ł̣ugich naumałhaaqtuat iḷisaurrutiŋich pitqurat, pitqiksiġautairrun nagliktuullu, ukpiġnaullu. Taapkua piraksraġiŋagaluaġisi, allallu tamatkua piḷugich.

Matthew 23:3

tavraasii kamagiraksraġigisi tuvraġlugiḷḷu supayaanik iḷisautikpasi. Aglaan pisuŋaġnasi piraŋiññik, qanuq alġaqsruisuugaluaqtut tuvralaitkaich alġaqsruutitiŋ.

Luke 11:46

Tavra Jesus uqallaŋaruq, Naglignaqtusi ilivsi iḷisaurrich, qanuq iḷisaurrutisi God-im pitquraŋigun siġḷiġnaqsisuugisi iñuich kamaksriñiksraŋannun iluqaiññik, ikayuġniuraġniaġnagich suuramik-unnii kamagitqulugich God-im pitquraŋi. Ikayulaipiaġisi.

Acts 15:10

Paŋmapak aasii summan uuktuġniaqpisiuŋ God, Jew-guŋitchuat kamaksripkaġniaġlugich pitquranik nallivsaunnii maŋŋuuptali uvagullu kamagilluatapialaisaptiŋnik?

Acts 15:28

Qanuq Ilitqusiġiksuam uqallautiŋagaatigut, uvaguttauq aasii iviġaumagivlugu aitchuġuŋił̣ł̣usi pitquravsaanik siġḷiġnaqtuanik kamaginiaqtuni, ukuniŋałhiñaq piraksriġivsi,

Galatians 6:13

Qanuq tamatkua unnii nalunaiñŋutchiqsauŋaruat timimiŋni kamagilaiñmigaich God-im pitquraŋi. Naaggauvva nalunaiñŋutchiqsautqummigaasi, uqavigaaġutigisukłusi ilimiŋnun iḷitchitqurauniḷusi.

1 John 5:3

Aasii piviuttaqsriñiq God-mik sivuniqaqtuq inna, uvagut kamagilugich pitquraŋi. Aasii pitquraŋi siġḷiġnaitchut.

Revelation 2:24

Aglaalli ilivsi iḷasi Thyatira-mi kamaksriŋaitchut taavrumiŋa pigiitchuakun iḷisaurrunmik, iḷisaaġiŋaitkiksi iñuich tairaŋat nalupkapiaġatakkaŋa Satan-gum. Sumik allamik piraksriġñiaŋitkivsi,