Matthew 22:9 - Iñupiatun Mumiksat Uqalugiksuat

⁹ Aullaġitchi apqutinun aasii aiyugaaqłiiḷusi katirrusiqutikun niqinaqunmun iñugiaktilaaŋisitun kasukkasi.

Matthew 22:9 Iomraidhean Croise

Obadiah 1:14

Kayyaagni makitaruksrauŋiñŋagaluaqtutin sapisuglugich qimaaruat. Tigupkaqtuksraġiŋaiñŋagaluaġitin akiḷḷiiŋiññun tavrani uvlumi nagliksaaġvianni.

Matthew 20:7

Iliŋisa kiuŋagaat, Qanuq kia unnii akiññaksaqtinŋaitkaatigut. Ilaan uqallautiŋagai, Savagiaġitchiḷi siiġñaqaġvimñun.

Matthew 22:10

Tavra taapkua kivgat aullaŋarut apqutinun aasii katitchiaqsivḷutiŋ iluqaiññik kasukkaġmiŋnik, piḷuktuallu nakuuruallu ativlugich, tavraasi katirrusiqivik igluqpak inaiŋaruq aiyuġaaqtauruanik.

Matthew 22:8

Tavrani uqallautilgitkai kivgani, katirrusiqutiksraq itqanaiqsuq, aglaan taipkua aiyugaaqtauŋagaluaqtuat nalliummatiŋitchut.

Luke 24:47

Aasii pisigilugu ilaan piraŋa, tusaayugaaġiksuat God-im suliqutigiŋaiġutaagun itqaumayumiñaiġḷugich piḷuutit isumalitqiksuanun alġaqsruutigiraksrauvlugu nunapayaanun aullaqilugich Jerusalem-miñ.

Acts 13:47

Qanuq Atanġum piraksriŋagaatigut Bible-ni, uqaqłuni, “Inillaŋagivsi qaummatauruatun itquvlusi Jew-guŋitchuanun, alġaqsruutigitquvlugu annaun iñupayauranun.”

Ephesians 3:8

Kamanaiññiqsraugaluaqtilluŋa iluqaiññiñ ilaaguaqtauruaniñ God-mun, ilaa naglikkutiqaŋaruq uvamnun, aasii uvamnun alġaqsruutigitquŋagai Jew-guŋitchuanun inuaŋaitchuat anniqsuusiaksraŋich iluqaġmiŋ, atausiŋŋuqatauŋaruat Christ-mun.

Revelation 22:17

Ilitqusiġiksuaġlu Nuliaksraullu uqaqtuk, Qaisitchi. Suli kiñaliqaa tusaaruaq taavrumiŋa uqallaktuksraummiuq, Qaisitchi. Suli kiñaliqaa imiġuliqsuaq qaiḷi. Akuqtuġliuŋ imiq iñuunaqtuaq aitchuusiaġilugu kiapayaaq piqaġuktuam.