Matthew 22:5 - Iñupiatun Mumiksat Uqalugiksuat

⁵ Tavra aiyugaaqtauruat suliqutigiŋaitkaat aasii aullaqsiññaqłutiŋ, iḷaŋich nunamiŋnun, allattauq tauqsiġñiaġviŋmiŋnun.

Matthew 22:5 Iomraidhean Croise

Genesis 19:14

Tavra Lot ullautiŋaruq paniutigmi uiksrautiŋigñun, aasii uqallautivlugik, “Qilamik maaŋŋa aullaġitchi; Atanġum uvva suksraunġiaqsigaa manna ini.” Aglaan mitaaqsiññaġasugiŋagaat.

Genesis 25:34

Tavraasii Jacob-gum punniksriñŋagaa suumiglu. Niġiŋaruq imiqłuniḷu aasii makiłłuni aullaŋaruq. Tainna tavra Esau-m suuŋiḷaġiŋagaa aŋayukłiuvluni kiŋuvaannaktaaksrautikkaluani.

Proverbs 1:7

Qiksiksrautiqaġniq Ataniġmun aullaqisaaguruq iḷisimmanmun, aglaan naluvyaaqtuat iñuich qiksiksrautaitchut isumattutiqaġniġmun suli iḷisaġnigmun.

Matthew 13:22

Aasiiḷi nautchiaksrat kataktuat akunġannun kakiḷḷaġnat nauruat, ittut iñuktitun tusaaruatun uqaluŋmik, aglaan uŋiarrisit mattumani iñuuniaġniġmi piviuttaqsriñġuvlu suġaliġnik nagguviksraiġaat uqaluk, aasii iñuusiŋich allaŋŋuqtauŋił̣ł̣utiŋ.

Matthew 22:4

Tilisivsaaŋaruq allanik kivganik uqaqłuni, Uqallautiyumagisi tamatkua aiyugaaqtauruat, Uvva, itqanaiganikkiga niqinaqusiaġa, qimuktitka quiñiruallu tuttuqpaiyaagutitka tuqutaniktut, suli supayaaq itqanaiqsuq. Niqinaqiyyaġitchi katirrusiqiruanun.

Matthew 22:6

Iḷaŋisuli tigguġluŋagaich kivgaŋi, anaumikł̣ugich, suli tuquġaqługich.

John 2:16

Suli uqallautiŋagai tamatkua tuniuqqairuat tiŋmianik, Aullautisigik tamatkua, tauqsiqsuġviġuġniaŋitkiksi Aapama iglua.

Acts 2:13

Aglaalli allat kipakłiqł̣utiŋ ukpiqtuanik uqaŋarut, Uvvaukua iñuich imiŋasiñiqsut.

Acts 24:25

Tavra Paul uqaaġataviksillugu iñuich nalaunŋaruakun iñuuruksrautilaaŋannik, qaaŋiulaaŋairrutikullu iñuuniaġniġmik, tikitchumaaqtuakullu isivġiġviksrautikun, Felix sivuuġatchaŋaruq aasii uqallakłuni, Piiḷḷagiñ uvaŋŋa. Piviksranikkuma qaitquvsaaġniaġikpiŋ.

Romans 2:4

Isumaruksrauŋitchutin God suaŋaiññasugalugu qanutun manimmiḷgutigimmatin tatavsalaisaaqłutin. God-im qiñuirrutigaatin piaqłuktaŋitkaatillu isumalitqiquvlutin.

Romans 8:6

Iñuich iñuusiqaqtuiññaqamiŋ kamagivlugich piḷuktuat kipiġniuġutitiŋ, tuquruksraurut. Aglaan iñuich kamaksriugaqtuat qanuq Ilitqusiġiksuam pitqutiŋiñik, piqaqtut iñuggunmik tutqiunmiglu.

2 Timothy 3:4

Aitchuutiginnigniaqtut iḷauraamiŋnik, isumamiŋni sivunmuusuusiḷutiŋ, kamasaalipiaġataġlutiŋ, piviuttaġiłhaaliġḷugu aliasuŋisaaġun piviuttaqsriñiġmiñ God-mik.

Hebrews 2:3

Qanuġluta uvagut annakkumiñaipiaqtugut ukpiġiŋisuaġuptigu kamanaqtigiruaq qanutun annaun. Taamna annaun uqautigiqqaaŋagaa Atanġum, aasii tamatkua tusaaruat qaaŋiqsinŋagaat nalupqinaiqł̣ugu uvaptiŋnun.

2 Peter 2:3

Piḷḷatuvlutiŋ tamatkua iḷumun inŋitchuanik iḷisaurrit maniññaktuġviginiaġaasi iḷisautilusi iḷumun inŋitchuanik. Aglaan ami God-im Isivġiqsiŋata pasiñaqtualianiŋagai iŋiḷġaan, aasii suksraunġiqsauniksraŋat tikiññiaqtuq.