Matthew 20:8 - Iñupiatun Mumiksat Uqalugiksuat

⁸ Tavra anaqammagu, iñua siiġñaqaġvium uqallaŋaruq suġautchiqirimiñun, Qaitqukkich savaktuat aasii akiḷiḷḷugich akiññaktaaŋiññik, isagutilugich savagiaqqaaŋitchuaniñ, sivulliġñunaglaan.

Matthew 20:8 Iomraidhean Croise

Genesis 15:2

Aglaan Abram-gum kiuŋagaa, “Qutchigñiqsrauruatiin Ataniiq, sumun imña akiḷiusiaksraq qaiññiaqtan anniqsuutauniaqpa uvamnun, uvva qitunġaisilluŋa? Kiŋuvaannaktuksratualuk tavra Eliezer, Damascus-miu.

Genesis 43:19

Tavraasii upkuaŋanukkamiŋ iglum, uqallaktut kivgamun aŋalatchiruamun,

Leviticus 19:13

“Tigligiiñasiuŋ naakkaunnii saglutaġlugu iñuk. Qaitchuŋiññagu akiññaktaaŋa iñuum savaktigiraqpich, atausimi unnii unnuami.

Matthew 20:7

Iliŋisa kiuŋagaat, Qanuq kia unnii akiññaksaqtinŋaitkaatigut. Ilaan uqallautiŋagai, Savagiaġitchiḷi siiġñaqaġvimñun.

Matthew 20:9

Tavra taapkua savaktiksraqtaaguruat vaivukłaaqpalliġman qaiŋarut, aasii iñullaa akiññakłuni nutim akikaamik uvlumi savaktuni.

Matthew 25:19

Tavra sulluataġman atanġat taapkua kivgat utiŋaruq aasii makpiġarriqutiaqsivḷugich.

Matthew 25:31

Tavra Iġñiŋa Iñuum qaikpan umialiguġluni, piqatigilugich iluqaisa isaġulgich, tavrani ilaa aquvinniaqtuq kamanaqtuani umialgunikun aquppiutamiñi.

Luke 10:7

Nayuutiyumausi taavrumani iglumi, niġiḷusi sunik niqiksritpasi imiġlusiḷu, qanuq savakti nalliummatiruq akiḷiusiaksramiñun. Nuktaġnasi iglumiñ iglunun.

Luke 12:42

Tavra Atanġum kiuŋagaa, kiuniaqpaasii ukpiġnaqtuaguvluni isumaturuaguvluniḷu kivgaq? Taamnauniaqtuq kivgaq atanġata qaukłiḷiutiniakkaŋa allanun kivganun niqiksritqulutiŋ piñaqsikpan.

Luke 8:3

Joanna-lu, nuliaŋa Chuzam, Herod-gum suġautchiqiriŋata, Susanna-lu, iñugiaktuallu allat aġnat ikayuiruat Jesus-mik iḷitchitquraŋiñiglu ilaisa pimiŋniñ.

2 Corinthians 5:10

Qanuq iluqata niptaqtuksraupiaqtugut sivuġaanun Christ aasii isivġiqsauluta, atausiullaaluta, akiḷiusiaqaġumaugut sutigun piŋaraptigun iñuuŋŋapta timigikkaptiŋni nunami, nakuuruatigun naagga pigiitchuatigun.

Deuteronomy 24:15

Uvlutuaġaġikpan siqiñġum nipiŋaiññiŋani akiḷiḷḷaalugich uvlumi akiññaktaaksraŋatitun; inuġiluqługu akiññaktaaksraqtik. Akiḷiḷaitkupkich qirrugniaqtut Ataniġmun pisigilutin, pasiraulutin aasii piḷuusiqirualiḷutin.

Titus 1:7

Qanuq umialiŋnaq qaunaksrauruq God-mun savaanik, pasiñaqtuksrauŋitchuq. Isumamisun piruksrauŋitchuq naaggaunnii piavsayaruksrauŋitchuq naagga taaŋŋaqtauluni naagga anayaitchuaguluni naagga piḷḷaturuaguluni.

Hebrews 9:28

Tainnatulli Christ, tuqutauganiŋavluni atausiaqłuni piiġiaqługich piḷuutiŋich iñugiaktuat, niptatqigñiaġmiuq, piḷuun piiġiasuŋaġnagu aglaan annautiyaqtuġlugich niġiupiaqtuat inmiñik.

1 Peter 4:10

Iñullaam atuġligich inmigun aitchuusiallaani God-miñ ikayuutigisaġlugich allanun iñuŋnun. Tainna pigumi, aŋalatchiriḷḷuatauniaqtuq allakaaġiiñik God-im aitchuutiŋiñik inmiñun.

Ruth 2:6

Aŋutim kiugaa, “Allaniñ nunaninŋaqtaq, Moab-miñ qairuaq, Naomi piqatigivlugu.