Matthew 20:16 - Iñupiatun Mumiksat Uqalugiksuat

¹⁶ Tavra Jesus uqallavsaaŋaruq, Tamatkua qamalliuruat paŋmapak salliġuutiniaqtut taimanigu, aasii salliuniataktuat qamalliġuurraulutiŋ.

Matthew 20:16 Iomraidhean Croise

Matthew 19:30

Aglaan qaunagisitchi. Tamatkua salliuniataktuat paŋmapak qamalliġuurrauniaqtut taimanigu, aasii qamalliuruat salliġuutilutiŋ.

Matthew 21:31

Nalliakta nalautpauŋ aapami pisuutaa? Ilaisa kiuŋagaat, aŋayukłium. Jesus uqallautiŋagai, Iḷumun uqallautigivsi, tax-iñik katitchirit akiitchullu isiqqaaġniaqtut atanniqsimavianun God-im sivuliglusi.

Matthew 22:14

Tavraasii Jesus uqallavsaaŋaruq iñugiaktuat aiyugaaqtaugaluaqtut atanniqsimatquvlugich Taavrumuŋa qiḷaŋmiittuamun, aglaan iñukitchuat piksraqtaagurut.

Matthew 7:13

Isiġitchi niġukitchuakun isiġiakun. Isiġiaq niġukitchuq siġḷiġnaqtuġlu apqun kaŋŋiññaqtuaq qiḷaŋmun aasii iñukitchut iñuich paqitchiruat tamattumiŋa apqunmik. Aasiivsauq igḷuani iñugiaktuat isiŋagaat niġuturuaq isiġiaq aasii iglauvigivlugu siġḷiġnaitchuaq apqun kaŋŋiññaqtuaq nagliksaaġviŋmun.

Mark 10:31

Aglaan qaunagisitchi. Iñugiaktuat paŋmapak salliuniataktuat qamalliġuurrauniaqtut. Suli iñugiaktuat paŋmapak qamalliuruat salliġuutiniaqtut.

Luke 14:24

Uqallautigivsi, nalliat unnii taipkua aiyugaaqtaugaluaqtuat niġiyumiñaiññiaqtut niqinaqusiuqtamnik. Tainna piñiaġmiuq God-im atanniqsimaviani.

Luke 15:7

Tavra Jesus uqallaŋaruq, Uqallautigivsi, tainnatuttauq quviasuutigiłhamaaġniaġaat qiḷaŋmi atausiq piḷuusiqiri isumalitqiksuaq taapkunaŋŋa tallimakipiaġuutaitchuaniñ nalaunŋaruaniñ iñuŋniñ isumalitqiaksraitchuaniñ.

Luke 7:47

Tavraasii uqallautigikpiñ, kamanaqtuaq piviuttaqqutaa iḷitchuqqutauruq iñugiaktuat piḷuutiŋi suliqutigiŋaiqsautilaaŋannik itqaumayumiñaiqł̣ugich. Iñuk isumaruaq piḷuutiqapiaŋiññasugaluni suliqutigiŋaigaksranik piviuttaqsripiaġniaŋitchuq.

Romans 5:20

God-im aitchuutigimmagich pitqurani Moses-kun, iñuich iḷitchuġivsaaŋarut piḷuun kamaksriŋirrutautilaaŋanik God-im pitquraŋiñik. Tavra kamasuŋirrun aglimman, tainnatuttauq God-im nagliktuutiqpaŋa aglił̣haaŋaruq.

Romans 8:30

Tavra tamatkua sivunniŋakkani taimani Iġñiġmisun iḷiñiaġnivḷugich, ilaan ququaŋagai, aasii tamatkua ququakkani ilaan nalaunŋasiŋagai, aasii nalaunŋasipkaqtauruat, ilaan suli kamanaqsipkaqługich.

Romans 9:30

Sumik tamatkua iluqaġmiŋ sivuniqaqpat? Sivuniqaqtut Jew-guŋitchuat nalaunŋasiñiataŋitchuat God-im pitquraŋigun, nalaunŋasipkaqtauŋarut pisigivlugu ukpiġutaat.

1 Thessalonians 2:13

Aasiisuli quyyavigimmigikput God ataramik uumuuna, ilivsi akuqtuqavsiuŋ uqalua God-im tusaaŋakkaqsi uvaptiŋniñ, akuqtuŋaitkiksi uqalugipkaqtaġlugu iñuŋnun aglaan irrusipiaġataŋatun, uqalua God-im, savaktuaq ilivsiññi ukpiqtuani.