Matthew 20:1 - Iñupiatun Mumiksat Uqalugiksuat

¹ Aasiisuli atanniqsimmataa Taavruma qiḷaŋmiittuam arriqaqtuq iñuŋmik siiġñaqaġviŋmik nunaqaqtuamik. Ilaa aullaŋaruq uvlaatchaurami akiññagniaġlugich iñuich savaktiksraqsiuqłuni siiġñaqaġviŋmiñi.

Matthew 20:1 Iomraidhean Croise

Matthew 13:24

Allamiksuli uuktuunmik Jesus uqautiŋagai, Atanniqsimmataa Taavruma qiḷaŋmiittuam ittuq iñuktun kanġaqsruiruatun palauvaksraġiksuanik nautchiaqaġviŋmiñun.

Matthew 13:31

Allamiksuli uuktuunmik Jesus quliaqtuaġutiŋagai, uqaqłuni, Atanniqsimmataa Taavruma qiḷaŋmiittuam nausaiññaġniŋa arriqaqtuq mustard-mik nautchiaksramik iñuum nautchirriutikkaŋatun nautchiaqaġvigmiñun.

Matthew 13:33

Jesus uqallautivsaaŋagai allamiksuli uuktuunmik. Atanniqsimmataa Taavruma qiḷaŋmiittuam nausaiññaġniŋa arriqaqtuq imaksramik. Aġnam imaksraq akutqatigigaa palauvaŋmun, iluqaan puvlagataqtillugu.

Matthew 13:47

Aasiisuli Atanniqsimmataa Taavruma qiḷaŋmiittuam ittuq kuvratun kuvriutauruatun, aasii kuvraqługich qanusipayaat iqaluich.

Matthew 20:2

Sivunniuqatigiqqaaqługich savaktiksrat nutim akikaamik uvlumi savaktuni, tiliŋagai siiġñaqaġviŋmiñun.

Matthew 21:28

Qanuq isumavisi? Iñuk malġugnik iġñiqaŋaruq. Ilaan ullaŋagaa aŋayukłiq aasii uqallautivlugu, Iġñiiŋ, savagiaġiñ siiġñaqaġviŋmi uvlupak.

Matthew 22:2

Atanniqsimmataa Taavruma qiḷaŋmiittuam arriliñaġumiñaqtuq umialiŋmun katirrusiqutikun niqinaqipkairuamun iġñiġmiñik.

Matthew 23:37

Jerusalem-miut. Yaqhii Jerusalem-miuguruasii, tuquġairuasii uqaqtiŋiñik God-im, uyaġagniglu miḷḷuuqługich tamatkua God-im tiliraŋi ilivsiññun. Qanutun akulaisigilugu katitchumiñaġaluaġaġigivsi iluqasi atautchimun, tiŋmiatun katitchiruatun piayaamiñik isaqquŋmi ataaŋnun, aasii pisulaitchusi.

Matthew 25:1

Taivrumani uvlumi, iñuich atanniqsimapkaqtuat Taavrumuŋa qiḷaŋmiittuamun inniaqtut qulitun niviaqsiatun, tiguvlugich qullisiŋ aullaqtuatun paaqsaqługu uiksraun.

Matthew 25:14

Taivrumani uvlumi, iñuich atanniqsimapkaqtuat Taavrumuŋa qiḷaŋmiittuamun inniaqtut kivgaŋisun iñuum aullaaqsiruam. Qaitquŋagai kivgani aasii qaunaksriḷiutivlugich suġauttamiñun.

Matthew 3:2

Uqaqłuni, isumalitqigitchi, qanuq God-im atanniqsimasaaqsigai iñuich.

Mark 13:34

Qanuq Iġñiŋa Iñuum ittuq iñuktun uŋasiksuamun iglauruatun. Qimaaqsikamiuŋ igluni kivgani savaaksriḷḷaaŋagai, suli piraksriqł̣ugu upkuamik qaunaksri quviqtaiḷitquvlugu utiqtilaaksramiñun.

John 15:1

Uvaŋa iḷumun napaaqtuayaapiatun ittuŋa, aasii Aapaga qaunaksritun ittuq napaaqtuayaamik.

1 Corinthians 15:58

Taamna tainnainman, piviuttaġikkavsi aniqatiit, suaŋasitchi ukpiġutiqaġnivsiññi iḷumun ittuamun, tuniqsimatitchi, ataramik savaurriyumalaaġlusi Ataniġmik, iḷisimaugaġlusi savaurriñiqsi Ataniġmik piuŋiḷauŋisilaaŋanik.

Hebrews 13:21

Aasii paŋmapak God-im suaŋŋasiġḷisisuq naamaruamik, kamaksriyumiñaqsiḷusi pisuunmiñik, iñuupkallasiḷusi iviġaumanaqtuakun inmiñun Jesus Christ-kun nanġakkaptigun isuitchuamun. Amen.