Matthew 2:4 - Iñupiatun Mumiksat Uqalugiksuat

⁴ Aasii katitiłługich iluqaisa aŋaiyyuliqsiqpaich, iḷisaurriḷḷu pitquranik, apiqsruqtupiaŋagai sumi Christ aniyumaaġmagaan.

Matthew 2:4 Iomraidhean Croise

Psalms 2:2

Umialiŋich aasii paaqłaŋasivḷutiŋ, Atanniqsuiriŋich atautchimukhutiŋ sivunniuġaqtut paaqłaŋaruanik Ataniġmun paaqłakługulu umialiksraqtaaġikkaŋaa.

Matthew 13:52

Tavra ilaan uqallautiŋagai, Tavraasii kaŋiqsiñiġuvsi, itqaumasitchi tamatkua iḷisaŋaruat Atanniqsimmataanik Taavruma qiḷaŋmiittuam igluqpiraqtuatun ittut, salapqiiḷḷaruatun sunik nutauruanik naagga utuqqauruanik suġalliqpiŋmiŋniñ.

Matthew 2:3

Herod-gum umialgum tusaakamiuŋ taamna, isumaaluliŋaruq iluqaġmiglu iñuŋi Jerusalem.

Matthew 2:5

Ilaisa kiuŋagaat, nunaaqqimi Bethlehem-mi Judea-miittuami, qanuq God-im uqaqtaata aglaaġiŋagaa uqalua God-im inna,

Matthew 21:15

Tavra tautukamisigik aliuġnaqtuat sut piraŋi Jesus, miqłiqtullu nipaalaruat aŋaiyyuvikpaŋmi, Nanġaqtauli Iġñiŋa David, aŋaiyyuliqsiqpaiḷḷu iḷisaurriḷḷu pitquranik sunŋutchaŋarut.

Matthew 21:23

Tavra Jesus isiġman aŋaiyyuvikpaŋmun, aŋaiyyuliqsiqpaich umialignaŋisalu Jew-guruat ullaŋagaat iḷisaurripkaqtillugu, aasii uqallautivlugu, Sum ataniġnaqutaagun savaaġivigich tamatkua? Kia aitchuŋavatin taavrumiŋa ataniġnaqunmik?

Matthew 26:3

Tavra aŋaiyyuliqsiqpaich umialiŋnaŋiḷḷu Jew-guruat katinŋarut igluqpaŋanun aŋaiyyuliqsiqpaich qaukłiata, atiqaqtuam Caiaphas-mik.

Matthew 26:47

Jesus uqaġniaqtillugusuli Judas qaiŋaruq, iḷaŋat qulit malġuk, piqatiqaqłuni iñusalaŋnik savikpiraqtuanik anautchiraqtuaniglu, qairuanik aŋaiyyuliqsiqpaŋniñ umialiŋnaŋiññiḷḷu Jew-guruat.

Matthew 27:1

Uvlaatchaurami iluqaġmiŋ aŋaiyyuliqsiqpaich umialiŋnaŋiḷḷu Jew-guruat sivunniuqatigiiŋarut Jesus-kun tuqutchukługu.

Matthew 7:29

qanuq ilaan iḷisautiŋagai iñuktun ataniġnaqusiraqtuatun, iḷisaurriŋił̣aaŋisitun pitquranik.

Mark 8:31

Tavra Jesus iḷisautirraqsiŋagai iḷitchitqurani, Iġñiŋa Iñuum nagliksaaqpaktuksrauruq, pisuŋiññiaġaallu Jew-guruat atanauraŋisa, aŋaiyyuliqsiqpaiḷḷu, iḷisaurriḷḷu pitquranik. Aasiisuli tuqutauluŋa, piŋayuagniasii uvluk aŋiḷuŋa.

Luke 20:19

Tavra iḷisaurriḷḷu pitquranik aŋaiyyuliqsiqpaiḷḷu tigutaaqsaġumaalliŋagaluaġaat Jesus tavrauvvaa, qanuq ilaisa puttuqsriŋagaat ilaan quliaqtuaġikkaŋa uuktuun inmiŋnun tuttiłługu, aglaan sivuuġagivlugich iñuich tiguŋaitkaat.

Luke 23:10

Tavra aŋaiyyuliqsiqpaich iḷisaurriḷḷu pitquranik makitaruat tamaani, suammakłutiŋ saŋunŋagaat Jesus.

John 18:3

Tavra Judas aullaŋaruq piqasiqł̣uni aŋuyaktinik, suli iḷaŋiññik munaqsrich tilikkaŋiññik aŋaiyyuliqsiqpaich Pharisee-ḷḷu. Tavruŋaŋarut naniġuaqtuqłutiŋ satkuliraqłutiglu.

John 3:10

Tavra Jesus kiuŋagaa, Iḷisaurraugaluaqłutin Israel-nun taamna kaŋiqsiḷaitpiuŋ?

John 7:32

Tavra Pharisees tusaakamisigik iñusalaich uqautiqaqtuat Jesus-mik, iliŋich aŋaiyyuliqsiqpaiḷḷu tilisiŋarut tigurinik tigutaaquvlugu.

John 8:3

Iḷisaurrit pitquranik Pharisees-lu qaġġisiŋagaat aġnaq paqitauruaq allatuqłuni, aasii inillakługu qitiġmun.

Acts 23:9

Tavra kasimaruat nipatusisaiññaŋarut, aasii iḷaŋich iḷisaurrit pitquranik iḷauruat Pharisee-ñun makinŋarut, aasii qapiqtaiḷiqpakłutiŋ uqaqłutiŋ, Iḷitchuġiŋitchugut suuramik-unnii piḷuktuamik uumani iñuŋmi. Iḷaanniḷuunnii ilitqutchim naagga isaġulgum uqautipiaŋagaa.

Acts 4:5

Uvlaakumman Jew-guruat atanauraŋiḷḷu, umialiŋnaŋiḷḷu, iḷisaurriḷḷu pitquranik katinŋarut atautchimun Jerusalem-mi,

Acts 6:12

Tavra ilaisa tainnaqłutiŋ aŋalayyauŋagaich iñuich, umialiŋnallu, iḷisaurriḷḷu pitquranik. Tavra Stephen ullakługu tigguġluŋagaat, aasii qaġġisivlugu uqaqsitaaqtitchiriñun.