Matthew 2:23 - Iñupiatun Mumiksat Uqalugiksuat

²³ Aasii iñuurraqsiŋaruq iniqpaŋani Nazareth, taamnaptauq uqautigiŋakkaŋat miqłiqtukun uqaqtiŋisa God-im taŋŋiqsauŋaruq inna, “Ilaa tairauniaqtuq Nazareth-miumik.”

Matthew 2:23 Iomraidhean Croise

Numbers 6:13

Naatkupku Nazirite-guruam unniqsuqłiisaa, una piraġausiq nalautitkisigiñ. Paaŋanuglutin Tupqum

Matthew 1:22

Tamatkua iluqaġmiŋ piŋarut taŋŋiqsaqługu Atanġum uqautigiŋaraa ilaan uqaqtimigun inna.

Matthew 21:11

Tavra iñusalaich uqaŋarut, Tavra uqaqtiŋa God-im, Jesus Nazareth-miñ Galilee-miittuamiñ.

Matthew 26:71

Tavra ilaa animman qanitchaġuanun, allam niviaqsiam kivgam tautuŋagaa, aasii uqallautivlugich tamaani makitaruat, Uvvauna iñuk piqatauruaq Jesus-mun Nazareth-miumun.

Mark 1:24

uqaqłuni, Jesus Nazareth-miu, summan iḷaksiavisigut? Uvaniitpich suksraunġiġukłuta? Iḷisimagiga kiutilaan. Ilivich piḷuutaitchuaq God-im pia.

Mark 1:9

Taipkunani uvluni, Jesus qaiŋaruq iniqpaŋmiñ Nazareth-miñ, Galilee-miittuamiñ, aasii paptaiqsiłłuni John-mun kuuŋmi Jordan-mi.

Luke 1:26

Tavra itchaksrat tatqich pianiŋmata Elizabeth siŋaiyausaaniŋman, isaġulik Gabriel tiliŋagaa God-im iniqpaŋmun atiqaqtuamun Nazareth-mik, Galilee-miittuamun.

Luke 18:37

Ilaisa uqallautiŋagaat, Jesus Nazareth-miu tamaunnaaqtuq.

Luke 2:39

Tavra taŋŋianikamitkik supayaurat pitquraŋiguaqtuat Atanġum, utiŋarut Galilee-mun, aimaaġviŋmiŋnun Nazareth-mun.

John 18:5

Ilaisa kiuŋagaat, Jesus Nazareth-miu. Tavra Jesus uqallautiŋagai, Ilaaguruŋa. Judas, aitchuutiginniktuaq ilaanik, makitaqatauŋaruq ilaiññun.

John 18:7

Jesus apiġitqiŋagai, Kiña ivaqpisiuŋ? Ilaisa kiuŋagaat, Jesus Nazareth-miu.

John 19:19

Pilate suli aglaŋaruq aasii iḷivḷugu aŋarrauramun taiguaġnaqtuaq, Jesus Nazareth-miu, Umialgat Jew-guruat.

Acts 2:22

Iñuŋi Israel, tusaasigik ukua uqaluich. Ilivsiññun God-im ukpiġnaqsiḷiŋagaa Jesus Nazareth-miu ilaan piksraqtaaġiŋatilaaŋanik, savakłuni ilaagun kamanaqtuanik, aliuġnaqtuaniglu. Taamna iḷisimagiksi, qanuq tamatkua piŋagai akunnavsiññi.

Acts 24:5

Una iñuk iḷitchuġigikput iññuqłuuvlugu, ilaan aullaqisuugai tuavaallatit Jew-guruani nunami iluqaani, aullarrauvluniḷu Nazarene-guruanun.

1 Samuel 1:11

Hannah uummanmiñiñ unniqsuqłiiruq: “Ataniiq Suaŋaruatiin, qiñiŋŋa, uvaŋa kivgan! Qiñiġuŋ iłuirrutiga aasii itqaumasaġiŋma! Piiguġnaŋa! Iġñiksritkumŋa, unniqsuqłiiruŋa iliŋnun qaiññiaġiga pigitqulugu iñuuniqtutilaaŋani suli nusani kivraqtilġataġniaŋitkai.”