Matthew 2:2 - Iñupiatun Mumiksat Uqalugiksuat

² Sumi imma aniva umialgat Jews? Tautuŋagikput uvluġiaŋa paaniinŋapta, aasiuvva qairugut sitquġvigiyaqtuqługu nanġaġukługu.

Matthew 2:2 Iomraidhean Croise

Psalms 2:6

“Zion-mi, Uvaŋa salumaruaġivlugu qimiqqamni,” uqallaktuq, “Uvaŋa ilaaguaġiga umialiksraqtaaġa.”

Psalms 45:11

Aġnaġikł̣utin umialgum pigiliutisukpagniaġaatin; ilaa ataniġigiñ, kamagiraksraġigiñ.

Numbers 24:17

Tautugniaġiga, aglaan akkupaŋiḷaaq; Qiñiġaluaġiga, aglaan qanitkaluaġnagu: aullarri qaiñiaqtuq Jacob-miñ, umialik makinniaqtuq Israel-miñ. Siqummaaġniaġaich qauŋich Moab, suksraunġiġḷugiḷḷu iñuŋich Seth-gum.

Matthew 2:3

Herod-gum umialgum tusaakamiuŋ taamna, isumaaluliŋaruq iluqaġmiglu iñuŋi Jerusalem.

Matthew 21:5

“Uqallautisigik iñuŋi Zion, Uvva, umialivsi ullakkaasi! Kamasaaŋitchuq, suli kakaksiqsuq kakaktimi, nuġġaŋani kakaktim.”

Matthew 27:11

Tavra Jesus makitaŋaruq sivuġaani kavanauruam, aasii kavanauruam apiġiŋagaa, Umialigivatin Jew-guruat? Jesus kiuŋagaa, Tainna uqallaktutin.

Luke 19:38

uqaqłutiŋ, God-im piḷḷuataqtilliuŋ Umialik qairuaq pisivlugu Ataniq. Nanġaqtauli God qiḷaŋmiittuaq tutqiutiqaqtitchiruaq.

Luke 2:11

Qanuq uumani unnuami aniruq annaurriksi, iniqpaŋani David, Christ-guruaq Ataniq.

Luke 23:3

Tavra Pilate-gum apiġiŋagaa Jesus, Umialigivatin Jew-guruat? Tavra ilaan kiuŋagaa, Tainna uqallaktutin.

Luke 23:38

Ukua uqaluich aglautiŋammigaich qulaanun, Unauvva Umialgat Jew-guruat.

John 1:49

Nathanael-gum kiuŋagaa, Rabbi, Iġñiġigaatin God-im. Umialigigaatin Israel-guruat.

John 12:13

Tavra tigusiŋarut qisiqsiutinik palm napaaqtuŋiññiñ, aasii aullaqłutiŋ paaqsaqługu nipaalavlutiŋ, Hosanna. Nanġaqtauli God. Nanġaqtauli qairuaq pisivlugu Ataniq. God-im piḷḷuataqtilliuŋ umialgat Israel.

John 18:37

Tavra Pilate uqallautiŋagaa, Uvva umialgurutin? Jesus kiuŋagaa, Ilivich uqallaktutin umialgunivḷuŋa. Taamna pisigivlugu aniŋaruŋa. Suli qaiŋaruŋa nunamun quliaqtuaġisukługu iḷumun ittuaq. Iñupayaam ivaqłiaruam iḷumun ittuamik naalaġnigaaŋa.

John 19:19

Pilate suli aglaŋaruq aasii iḷivḷugu aŋarrauramun taiguaġnaqtuaq, Jesus Nazareth-miu, Umialgat Jew-guruat.

John 20:28

Thomas kiuŋagaa Jesus, Ataniiŋ, God-iiŋ.

John 5:23

Iñupayaanun taluġitquvlugu Iġñiq, tainnatuttauq taluġimmatun Aapa. Iñuum taluqsraŋitchuam Iġñiġmik taluġiŋiñmigaa Aapa tilisiruaq ilaanik.

John 9:38

Tavra ilaa uqallaŋaruq, Ataniiq, ukpiqtuŋa. Suli ilaan qiksiksrautikun sitquġvigiŋagaa.

Hebrews 1:6

Aasiisuli, God-im tilimmagu nunamun Iġñitualuni qaukłiuruaq, uqallaŋaruq, “Iluqaġmiŋ isaġuliŋma nanġaġlirruŋ.”

Revelation 22:16

Uvaŋa Jesus tiliŋagiga isaġuliga iliŋnun quliaqtuaksrił̣ł̣ugu aŋaiyyuliqiruanun. Uvaŋa maŋŋuuruŋa kiŋuniġigaaŋalu David, qaummaġiksuaq uvluġiaq nuisuuruaq uvlum sivuuraŋani.