Matthew 2:16 - Iñupiatun Mumiksat Uqalugiksuat

¹⁶ Tavra Herod, iḷitchuġikami sagluqitilaamiñik iḷitchiruanun, qinnalipiaġataŋaruq. Aasii piraksriiŋaruq tuquġaquvlugich iluqaisa aŋugaurat ukiuqaqtuat malġugnik naagga inuŋallaktuamik Bethlehem-miittuat iluqaaniḷu tamattumani nunami, miksrautchaqługu taimani nalupqinaiyaani iḷitchiruaniñ.

Matthew 2:16 Iomraidhean Croise

Genesis 39:14

ququulaŋagai iglumi kivgatiŋ aasii uqaqhuni, “Uvva una tautuksiuŋ! Uuma uvva Hebrew-m, tuvaaqanma qaġġirraŋata igluptinnun, pisaaŋagaatigut. Isiqłuni uvva inimnun payariñiatakkaaŋa nalaqatigisukłuŋa, aglaan avaalaruaŋa nipatutilauraptun.

Genesis 39:17

Tavraasii uqautigaa quliaqtuaġiramiñik. “Aptuma Hebrew-guruam kivgam qaġġisiŋaran mauŋa isiqtuaq inimnun aasii kipagivluŋa.

Genesis 49:7

Piaġiiḷḷiuġutauli qinnautiŋak, qanukkii suaŋapiaġataqtuq, Suli qinnautaagnun, qanukkii naglikkutaipiaġataqtuk. Siamitinniaġikka sumupayauraq nunaŋani Israel. Suŋnamulliqaa aullaqtinniaġikka akunġanni iñuŋisa.

2 Kings 8:12

“Summan imña qiavich, aŋuun?” Hazael-gum apiġigaa. “Iḷisimaruŋakii uvva piaġiipiaġataqtuakun aŋalanniaġisi iñuŋich Israel,” Elisha-m kiugaa. “Ikipkaġniaġisi sapukutaŋich, tuquġaġlugich nukatpiaŋich, anaullaġlugich miqłiqtuŋich tuqullugich, suli siŋaiyauruat aġnat agmaaġlugich narraaŋich.”

Makpiġaaŋa Job-gum 12:4

Avilaitqatiuraġniatka unnii uvva iglautikłiġaqtut uvamnun; iglautigiraġigaanŋa, uvvauvaŋa nalaunŋaruagummiuŋa pasiñaġuminaił̣ł̣uŋalu; sivuani God-im kiusuuŋagaich aŋaiyyutitka.

Proverbs 28:15

Suiḷḷiuqtuat iñuich qanuqsausiiqaġumiñaitchut akiḷḷiqsruġniḷukkumirruŋ pigiiḷḷiqirauruaq aullarri; anayanapiaġataqtuq lion-paktun naagga naġiuqtuatun akłatun.

Proverbs 28:17

Iñuk tuqutchiŋaruaq allamik iñugmik inmiñik iḷuvviviḷiuqtuq. Ilaatun pipkaġli.

Numbers 22:29

Balaam-gum kiugaa, “Kipagigiŋmakii uvva! Savikpaqaġuma tavra, tuqunnayaġikpiñ.”

Numbers 24:10

Balak-gum qinnaliutiŋagaa Balaam, patiutiłłagniġaik argagni; aasii Balak-gum uqallautigaa Balaam, “Ququaŋaraqpiñ uqamaqłuunmik uqallaquvlutin akiḷḷiimnun, aasiuvva, ikayuunmik qaitchisiññaġitin piŋasuiqsuaqługich.

Matthew 2:1

Jesus aniŋaruq Bethlehem-mi Judea-miittuami, Herod umialgumman. Tavra Iḷitchiruat iñuich paaŋŋamiñ tikiññamiŋ Jerusalem-mun, apiqsriŋarut.

Matthew 2:17

Tavrani taŋŋiqsauŋaruq Jeremiah-m God-im uqaqtaata uqautigiŋakkaŋa inna,

Matthew 2:7

Tavraasii Herod qaitquŋagai iḷitchiruat nalunautchivḷuni apiqsruqtummaġiksaaŋagai nalupqinaimmaġiksisukługu qanuq iḷimman uvluġiaq niptaqtilaaŋanik.

Revelation 12:4

Ilaan pamiuŋan kaligaŋagai piŋayuiŋich uvluġiaŋisa qiḷaum, aasii miḷuqsautivlugich nunamun. Tavra nimiġiaqłuk makitaŋaruq sivuġaani aġnam iġñisaġumaaqtuam, niġisukługu miqłiqtua anipqauraqpan.

Revelation 17:6

Tavra tautuŋagiga aġnaq, imiŋasiruaq auŋannik God-im iñuŋisa auŋanniglu iñuktauruat pisigivlugu iḷumun inniqtiŋ Jesus-mun. Tautukapku aġnaq, aliupiaġataŋaruŋa.