Matthew 19:6 - Iñupiatun Mumiksat Uqalugiksuat

⁶ Tavraŋŋaaglaan malġuuŋaiqsuk aglaan atausiŋŋuqtuk. Taamna pisigilugu, iñuum avinŋaiḷḷiuŋ tuvaaqatini God-im atautchimuktinŋammatik.

Matthew 19:6 Iomraidhean Croise

Proverbs 2:17

allatuqtuaq avataagun uigmi suli asivaqługich unniqsuqłiisiñi katinnamik Ataniġmun.

Matthew 19:5

Aasii uqallakłuni, Taamna pisigivlugu, aŋutim qimaguugik aapaniḷu aakaniḷu aasii nayuqsiutivlugu nuliani. Tavra iliŋik malġuuruak atautchisun iñuktun iḷiñiaqtuk.

Matthew 19:7

Pharisees uqallautiŋagaat, Moses suŋiññiŋagaa iñuk makpiġaamun aglagluni nalupqinaiġutinik avirrusiuqpan, aasii aullaqtillugu nuliani.

Mark 10:9

Taamna pisigilugu, iñuum avinŋaiḷḷiuŋ tuvaaqatini God-im atautchimuktinŋammatik.

Romans 7:2

Uvva urriqatiksraŋa taavruma. Pitqurat uqaluqaqtut aġnamun iñuuqatigitquvlugu uiŋa iñuuniqtutilaaŋatun. Aglaan uiŋa tuqukpan, pitquram tuvaaqatigiiksitaŋakta aŋalataġiŋaiġaa.

Ephesians 5:28

Uiguruat piviuttaġiraksraġigaich nuliatiŋ nanmiñiq timimiktun iḷiḷugich. Iñuk piviuttaqsriruaq nuliamiñik piviuttaġiruq inmiñun.

Hebrews 13:4

Katitirrun isummatigipkaġluataqsiuŋ akunġanni iñupayaat, suli katitirrutim unniqsuqłiisiŋi sumikunnii navignasigik, qanuq God-im isivġiġñiaġai allatuqtit tuvaaqataitchuallu tuvaaqatiqaqtuallu atunim.