Matthew 18:9 - Iñupiatun Mumiksat Uqalugiksuat

⁹ Suli irivsi piḷuksipkaqpasi, iñuusitchi iraiqsuatun piḷusi. Iłuałhaaġayaqtuq isiġuvsi atanniqsimavianun God-im atautchimik iriqaġlusi malġugnik iriqaġluni igitauniġmiñ nagliksaaġvium igniŋanun.

Matthew 18:9 Iomraidhean Croise

Matthew 16:26

Iñuk suġallakkaluaġumi supayauranik nunamiittuanik aasii tammautigilugich, ilaa suuramikunnii anniqsuġumiñaitchuq inmiñik. Sumik piitchuq iñuum simmiutiksraŋanik iñuggunmiñun.

Matthew 18:8

Tavra argavsi naagga isigavsi piḷuksipkaqpasi, iñuusitchi argaiqsuatun naagga isigaiqsuatun piḷusi. Iłuałhaaġayaqtuq isiġuvsi atanniqsimavianun God-im argaiḷḷusiunnii naagga isiġaiḷḷusi piqaġniġmiñ iluqaaktun argaqaġlusi isigaqaġlusiḷu igitauniġmiñ isuitchuamun igniġmun.

Matthew 19:17

Tavra Jesus uqallautiŋagaa, Summan apiġiviŋa sum nakuutilaaŋanik? Atausiuruq nakuuruaq. Iñuusarraqsisukkuvich kamagikkich God-im pitquraŋi.

Matthew 5:22

Aglaalli uvaŋa uqallautigivsi uumiŋa. Iñupayaaq qinnaurriruaq aniqanmiñik anayasaaġniaqtuq isivġiqsauniġmun. Kialiqaa uqamaqłuutigumiuŋ aniqatini, anayasaaġniaqtuq isivġiqsauniġmun ataniġnaqusiraqtuaniñ. Kiñaliqaasuli uqallaurrigumi inna, Ilivich isumalluaġiitchuatiin, ilaa anayasaaġniaqtuq nagliksaaġviŋmugniksramun igniġmun.

Matthew 5:29

Taliqpium irivsi piḷuksipkaqpasi, iñuusitchi ilivsiññik iraiġḷusi iksiruatun irivsiññik. Iłuałhaaġayaqtuq iraitkuvsiunnii aasii iñuulusi nalaunŋaruakun, timisi suġġaiḷḷugich igitauniġmiñ nagliksaaġviŋmun.

Mark 9:47

Suli irivich piḷuksipkaqpatin, iñuugiñ iraiqsuatun piḷutin. Iłuałhaaġayaqtuq isiġuvich God-im atanniqsimavianun iriqaġlutin atautchimik malġugnik iriqaġniġmiñ aasii nagliksaaġviŋmuktitaulutin.

Acts 14:22

iliŋikta suaŋasiḷaaŋagaich ukpiqtuat ukpiġutiŋich, qapiŋaisaaqługich kiikaa ukpiqsimaaquvlugich God-mun, uqautivlugich inna, Uvagut nalautchiruksraupiaqtugut iñugiaktuanik iłuiḷḷiuġutinik isiġumiñaqsisugluta God-im atanniqsimavianun.

Hebrews 4:11

Tavraasii isiġniḷupiaqta taavrumuŋa unaŋuiqsiġviŋmun, nalliqputunnii suksraunġiŋitchumauq tuvrautiluni tainnatchimun ukpiġutairrunmun.

Revelation 21:27

Aglaan sunapayaaq salumaitchuaq isiġumiñaitchuq iniqpaŋmun naaggaunnii kiñaliqaa piḷġusiqaqtuaq naġġunapiaġataqtuanik naagga saglunmik. Aglaan kisimiŋ tamatkua atiŋich aglausimaruat Imnaiyaam makpiġaaŋiñi iñuuruatigun isiġniaqtut iniqpaŋmun.