Matthew 18:3 - Iñupiatun Mumiksat Uqalugiksuat

³ aasii uqallakłuni, Iḷumun uqallautigivsi, ilivsi isumalitqiŋisuaġuvsi aasii iḷiḷusi miqłiqtutun, sumikunnii isiġumiñaitchusi atanniqsimavianun Taavruma qiḷaŋmiittuam.

Matthew 18:3 Iomraidhean Croise

Psalms 131:2

Aglaan uvva, tuaksruitchuami inmatun tutqiksuŋa. Miqłiqtuuraq aakamiñi tigumiaqsiaġmatun, tainnatun uummatiga tutqiksigiruq.

Matthew 13:15

Qanuq ilivsi iñuich puqiiḷiŋarusi, suli tusaallaiŋarusi, siqunġiqł̣usiḷu. Iḷaanni iḷisaqsriñasugalusi suli tusaanasugalusi aasii kaŋiqsiḷusi, aasii saallusi uvamnun iłuaqsitqulusi.”

Matthew 18:2

Tavra Jesus tuksiaqługu inmiñun miqłiqtuuraq inillaŋagaa qitqannun,

Matthew 18:4

Kiñaliqaa kamanaqsiḷiŋaiġumi inmiñik uuma miqłiqtum irrusiatun iḷiḷuni ilaa kamanaġniqsrauruq atanniqsimaviani Taavruma qiḷaŋmiittuam.

Matthew 19:14

Tavra Jesus uqallaŋaruq, Miqłiqtuurat qaipkaqsigik uvamnun, suli pitquŋiññagich. Qanuq tainnaiḷiŋaruat atanniqsimagai Taavruma qiḷaŋmiittuam.

Matthew 19:23

Tavra Jesus uqallautiŋagai iḷitchitqurani, Iḷumun uqallautigivsi. Qanutun siġḷiġnaqtigiruq suġalliruam isiġniaġniksraŋa atanniqsimavianun Taavruma qiḷaŋmiittuam.

Matthew 5:18

Qanuq iḷumun uqallautigivsi, qiḷaglu nunalu piiŋaiñŋaagnik, atausiuraqunnii God-im pitquraŋiñi naumaŋiññiqsrakkaluaq unnii piiġumiñaitchuq iluqaisa pitqurat taŋŋiġataqtillugich.

Matthew 5:20

Qanuq uqallautigivsi, Iñuuniaġusiqsi nalaunŋaruakun nakuułhaaŋitpan iñuuniaġusianniñ iḷisaurrit pitquranik Pharisees-lu, suuramikunnii isiġumiñaitchusi atanniqsimavianun Taavruma qiḷaŋmiittuam.

Matthew 6:16

Suli niġiḷaitkuvsi aŋaiyyuuġlusi, qiññaqaġnasi ipiqtunaqsiḷusi ukpiŋŋuaqtuatun, qanuq ilaisa qiññaġiiḷiraġigaich kiiññatiŋ niġiḷaisilaaqtiŋ tautuquvlugu iñuŋnun. Iḷumun, uqallautigivsi, akiḷiusiaqaaniktut.

Matthew 6:2

Tavra, aitchuiguvsi nagliktuutinik, nipauqłuktautiginagich, ukpiŋŋuaqtuat piḷġusiatitun aŋaiyyuviŋñi apqutiniḷu, nanġaqusaaqłutiŋ iñuŋnun. Iḷumun uqallautigivsi, akiḷiusiaqaaniktut.

Matthew 6:5

Aasiisuli aŋaiyyuguvsi, piññasi ukpiŋŋuaqtuatun, qanuq iliŋich makitavlutiŋ aŋaiyyullaturut aŋaiyyuviŋñi apqutillu kayyaaŋiññi, tautuqusaaqłutiŋ iñuŋnun. Iḷumun uqallautigivsi, akiḷiusiaqaaniktut.

Mark 4:12

Tamatkua iñuich taŋŋiġaich Isaiah-m uqaluŋi Bible-ni, “Tautukkaluaqłutiŋ iḷisaqsriḷaitchut, tusaagaluaqłutiŋ kaŋiqsiḷaitchut; Kaŋiqsiñiġumiŋ, saannasugalutiŋ God-mun, aasii ilaan suliqutigiŋaiġḷugich itqaumayumiñaiġḷugich piḷuutiŋich.”

Luke 13:24

Isiġniaġniq qiḷaŋmun ittuq isiġniataŋmatun kapittuakun isiġiakun. Isiġniḷupiaġitchi kapittuakun isiġiakun, qanuq uqallautigivsi, iñugiaktuat isiġniaqsaaniaġaluaqtut isiġumiñaiññiaqtut.

Luke 22:32

Aglaan Simon, aŋaiyyutiŋagikpiñ ukpiġutaiquŋił̣ł̣utin, aasii isumalitqianikkuvich, suaŋasiḷaagaksraġigitin aniqatiitin.

John 1:51

Suli Jesus uqallautivsaaŋagaa, Iḷumutupiaġataq uqallautigikpiñ, tautugniaġiñ qiḷak aŋmaqtuaq, suli God-im isaġuliŋi mayuqtuat atqaqtuallu Iġñiŋanun Iñuum.

John 3:3

Jesus kiuŋagaa, Iḷumutupiaġataq uqallautigikpiñ. Iñuk anitqiŋisuaġumi, iḷitchuġiyumiñaitchuq God-im atanniqsimmataanik.

John 3:5

Tavra Jesus kiuŋagaa, Iḷumutupiaġataq uqallautigikpiñ. Iñuk aniŋisuaġumi imikun Ilitqusiġiksuakullu, isiġumiñaitchuq God-im atanniqsimavianun.

Acts 14:22

iliŋikta suaŋasiḷaaŋagaich ukpiqtuat ukpiġutiŋich, qapiŋaisaaqługich kiikaa ukpiqsimaaquvlugich God-mun, uqautivlugich inna, Uvagut nalautchiruksraupiaqtugut iñugiaktuanik iłuiḷḷiuġutinik isiġumiñaqsisugluta God-im atanniqsimavianun.

Acts 28:27

Qanuq ilivsi iñuich puqiiḷiŋarusi, suli tusiḷḷaqsiŋarusi siqunġiqł̣usiḷu, iḷaanni iḷisaqsriñasugalusi suli tusaanasugalusi suli kaŋiqsiḷusi, aasii saallusi uvamnun iłuaqsitqulusi.”

Acts 3:19

Isumalitqigitchi, suli God-mun saallusi, ilaan piiġumagai piḷuutisi,

1 Corinthians 14:20

Aniqatiit, miqłiqtutun kaŋiqsisiqaġnasi Ilitqusiġiksuam aitchuutiŋigun, aglaan irrusiqaġitchi iñuguaksraiŋaruatun. Aglaattauq, ittitchi miqłiqtuuratun kaŋiqsisivsiññi pigiitchuamik.

1 Peter 2:2

Aniqqammiuratun miqłiqtuuratun ataramik immuktuġuktuatun aasii aglivḷutiŋ milugivlugu immuk, tainnatulli kipiġniuġutigisiuŋ iḷitchuġisaiññaġuglugu God-im iḷumun ittuaq uqalua, aasii ukpiqtuagulusi agliḷḷuataŋaruatun, iḷumutun annaurrauŋalusi.

2 Peter 1:11

Suli paġlakkusiaqaġluataġniaqtusi isiġuvsi isuitchuamun atanniqsimavianun Atanipta Annaurriptalu Jesus Christ.