Matthew 17:9 - Iñupiatun Mumiksat Uqalugiksuat

⁹ Tavra atqallaġmiŋ iġġimiñ, Jesus piraksriŋagai, Quliaqtuaġnasi iñuŋmun tautukkavsiññik, Iġñiŋa Iñuum aŋitchiaġilugu tuqqunmiñ.

Matthew 17:9 Iomraidhean Croise

Matthew 12:16

Ilaan piraksriŋagai quliaqtuaġitquŋił̣ł̣uni.

Matthew 17:12

Aglaalli uqallautigivsi Elijah qaiganiŋaruq, aasii iñuich iḷisaġiŋaitkaat, aglaan iñuich piŋagaat qanupayauraq pisukamirruŋ. Tainnatuttauq aasii Iġñiŋa Iñuum nagliksaaqtinniaġmigaat.

Matthew 17:20

Jesus uqallautiŋagai, Patchisauruq ukpiġutikiññiqsi. Qanuq iḷumun uqallautigivsi, ukpiġutiqaġuvsi nautchiaksratun mustard-tun mikipiaġaluaqłuni naullaruatun napaaqtuqpaġuqłuni, uqallautiyumiñaġiksi una iġġiq, Nuuttin maaŋŋa avuŋaqpanun, aasii nuunniaqtuq. Suli sunaliqaa piḷḷasiñiaġiksi.

Matthew 17:22

Tavra kukiḷuŋniallaġmiŋ Galilee-mi, Jesus uqallautiŋagai iḷitchitqurani, Iġñiŋa Iñuum aitchuutauniaqtuq iñuŋnun,

Matthew 17:23

aasii tuqunniaġaat, aglaan ilaa aŋipkaqtauniaqtuq uvluk piŋayuanni. Tavra iḷitchitqurat ipiqtutchapiaŋarut.

Matthew 17:8

Tavrani aaġluqamiŋ, tautuŋitchut iñuŋmik aglaan Jesus kisian.

Matthew 8:20

Tavrali Jesus uqallautiŋagaa, Pisukkaat sisiqaqtut, tiŋmiallu ugluqaqłutiŋ, aglaan Iġñiŋa Iñuum aimaaġviitchuq pimaaqtuġumiñakkamiñik.

Matthew 8:4

Tavra Jesus uqallautiŋagaa, uqaqsaiḷiyumautin sumikunnii iñupayaamun, aglaan aullaġiñ, tautuktitchaktuġiñ aŋaiyyuliqsiqpaŋnun, aasii aitchuiḷutin aitchuunmik Moses-kun piraksriutauruamik, iñuich iḷitchuġiyumaut salummaqtautilaaġnik piqataullasivḷutin iñuŋnun.

Mark 8:30

Jesus piraksriŋagai, Uqautiginagu taamna kimulliqaa.

Luke 8:56

Tavra ilaan aŋayuqaak aliuŋaruk, aasii Jesus piraksriŋagik uqaquŋił̣ł̣ugik kimulliqaa taavrumiŋa piruamik.

Luke 9:36

Tavra nipi uqallaaniŋman, Jesus kisiŋŋuqtauŋaruq. Taipkunani uvluni iliŋich quliaqtuaqsaiḷiŋarut kisupayaamun supayaamik tautukkaġmiŋnik.