Matthew 17:5 - Iñupiatun Mumiksat Uqalugiksuat

⁵ Uqaġataviksillugu suli, qaummaġiksuam nuvuyam qulaŋiġmagich, nipi nuvuyamiñ uqallaŋaruq, Uvva piviuttaġivlugu Iġñiġa iviġaummatigilluatakkaġa. Naalaġnisiuŋ.

Matthew 17:5 Iomraidhean Croise

Makpiġaaŋa Job-gum 38:1

Anuqłiqpaum iḷuaniñ Ataniq nivliŋaruq Job-mun.

Psalms 81:7

Iḷuiḷḷiuġunmun tikiññavsi, ququulaŋagivsiñŋa, aasii annautiŋagivsi. Kiuŋagivsi nalunaqtuamiñ inimniñ kallugmiñ. Uuktuŋagivsi imaŋiññi Meribah-m.

Exodus 19:19

Nipaa nipauqłuktautim nipatusisaiññaqpaŋaruq. Moses uqallaktuq, aasii God-im kiuniġaa kallukun.

Matthew 12:18

“Uvva kivgaġa piksraqtaaġiŋaraġa, piviuttaġiraġa iviġaummatigilluatakkaġa. Iḷiñiaġiga Ilitqusiġiksuaġa ilaanun, aasii ilaan quliaqtuaġutiniaġai iñupayaat uvaŋa piḷġusiġitqukkamnik.

Matthew 17:6

Iḷitchitqurat tusaakamirruŋ nipi, punŋarut nunamun, suli iqsitchapiaġataŋarut.

Matthew 3:17

Aasii tusaaŋagaa nipi qiḷaŋmiñ, Uvva piviuttaġikkaġa Iġñiġa. Ilaa iviġaummatigilluataġiga.

Mark 1:11

Tavra tusaaŋagaa nipi qiḷaŋmiñ, Ilivich piviuttaġivlutin Iġñiġigikpiñ, iviġaummatigilluataġikpiñ.

Mark 9:7

Tavra nuvuyam qulaunŋagai, aasii nuvuyamiñ iġiña, uqallaŋaruq. Uvva piviuttaġiraġa Iġñiġa. Naalaġnisiuŋ, aasii kamagilugu.

Luke 3:22

aasii Ilitqusiġiksuaq atqaŋaruq ilaanun timiqaqłuni tiŋmiatun. Aasii nipi tusaġnaŋaruq qiḷaŋmiñ, Ilivich piviuttaġivlutin Iġñiġigikpiñ, iviġaummatigilluataġikpiñ.

John 3:16

God-im piviuttaġivaił̣ł̣ugich nunam iñuŋi aitchuutigiŋagaa Iġñitualuni, kiñaliqaa ukpiqtuaq iġñiŋanun tammaquŋił̣ł̣ugu aglaan iñuggutiqaquvlugu isuitchuamik.

John 3:35

Aapam piviuttaġigaa Iġñiq, aasii aitchuutigiŋagai supayaat ilaanun.

John 5:37

Aapa ilaa tilisiŋaruaq uvamnik iḷitchuġipkairuq uvapkun. Ilaan nipaa qaŋaunnii tusaaŋaitkiksi, suli kiiñaŋa tautuŋaitkiksi qaŋaunnii,

Acts 1:9

Tavra taapkuniŋa uqautianikkamigich takunnaqtillugich, ilaa mayuurrauŋaruq qiḷaŋmun, suli nuvuyam tautugnaiqsinŋagaa ilaiññiñ.

Acts 7:37

Taamnauruq Moses uqaŋaruaq Israel-guruanun, God-im tiliñiaġaa ilivsiññun uqaqtini aniqatiivsiññiñ uvamniktauq tilisimmatun.

Ephesians 1:6

Tavraasii nanġaġlakput God, qanuq atqunapiaġataq nagliktuutiqpaqaŋaruq uvaptiŋnun, atausiŋŋuqataullasikamisigut piviuttaġiramiñun Iġñiġmiñun.

Deuteronomy 18:15

Aglaan, tiliriñiaqtuq ilivsiŋñun God-im uqaqtaanik uvaptun ittuamik akunnavsiŋniñ, aasii kamagiraksraġigiksi.

Deuteronomy 18:19

Uqaġniaqtuq atipkun, uvaŋa tatavsaġniaġiga kiñapayaaq kamaksrisuŋitchuaq ilaanik.

Deuteronomy 5:22

“Tavra taapkua pitqurat Atanġum qaisaŋi iluqavsigñun katinnamisi iġġimun. Uqaqłuni nipatuvluni ignikun, akunġaniḷḷu nuviyaqłuum, qaitchiŋaruq taapkuniŋa pitquranik, allanik piitchuq. Tavraasii aglakługik malġuugnun uyaqqagnun saatuquyaagnun aasii qaił̣ł̣ugik uvamnun.

Colossians 1:13

God-im annautiŋagaatigut atanniqsimmataaniñ Tuunġaum, iñuummatun ittuamiñ taaqtuami, nuurrutivluta atanniqsimmataanun Iġñiġmi piviuttaġirami.

Hebrews 5:9

Aasii piḷḷuatapiaġataġman, kaŋiutaġuŋaruq isuitchuamun annaunmun iluqaiññun kamaksriruanun inmiñik.

Revelation 1:7

Iḷisimasitchi uvva, ilaa qaiñiaqtuq nuvuyatigun, aasii iñupayaat tautugniaġaat iluqaġmiglu kapiriŋisa. Suli iluqaġmiŋ iñuŋi nunam uiġualaniaqtut isumaaliqpaiḷḷutiŋ ilaa pisigilugu. Tainna piḷi. Amen.

Revelation 14:14

Tavrani uvaŋa John qiviaŋaruŋa, aasii tautukługu qatiqtuaq nuvuya, aquppiruaġlu nuvuyami iñuk inniqsuaq Iġñiŋatun Iñuum, kaviqsuamiñ maniŋmiñ niaquġutilik niaqqumiñi, suli ipiktuamik kivriñmik saagaqłuni.