Matthew 17:4 - Iñupiatun Mumiksat Uqalugiksuat

⁴ Tavra Peter uqallaŋaruq Jesus-mun, Ataniiq, iłuaqtuq tavraniinnapta. Pisukkuvich tupiġniaqtuŋa piŋasunik mauŋa, atautchimik iliŋnun, suli atautchimik Moses-mun, suli atautchimik Elijah-mun.

Matthew 17:4 Iomraidhean Croise

Psalms 16:11

Iḷisautiniaġiŋma apqunmik kaŋŋirviqaqtuamik iñuggunmun; nayuutiniqpich siḷipkaaġaaŋa quvianamik quviasuktuallasivḷuŋalu taimuŋa isuiḷaamun.

Psalms 4:6

Iñugiaktuat inna uqaqtut, “Kia nakuuruanik qiñiqtinniaqpatigut, Atanġuruatiin? Qiñiqtigut iviġaumagiluta!”

Matthew 17:3

Tavraasii niptaŋaruk ilaiññun Moses-lu Elijah-lu, uqaaqatigivlugu Jesus.

Luke 9:33

Tavra iññuk aullaqsaġmagnik ilaaniñ, Peter uqallaŋaruq Jesus-mun, Iḷisaurrii, iłuaqtuq uvaniinnapta. Piŋasunik tupiqta, atautchimik iliŋnun, atautchimik Moses-mun, suli atautchimik Elijah-mun. Iḷisimaŋitchuq sumik uqaqtilaamiñik.

John 17:24

Aapaaŋ, kipiġniuqtuŋa taapkua aitchuutigiŋaratin uvamnun itqatigitquvluŋa sumiitkuma, tautuqulugu kamanaqsiḷiqtauniġa. Kamanautiqaqtinŋagiŋma piviuttaġiŋavluŋa nuna savaaguŋaiñŋaan.

John 7:2

Tavra Jew-guruat niqinaqiviat tupiġni tikiyasiŋaruq.

Philippians 1:23

Qanuqsausiitchuŋa, iñuuluŋa naagga ullaglugu Ataniq. Qimagupiaġaluaġiga maani iñuuniq aasii nayuqsiutilugu Christ, qanuq taamna nakuułhaasaktaqtuq.

1 John 3:2

Piviuttaġirauruasii, paŋmapak God-im miqłiqtuġigaatigut. Salapqiŋaitchuq suli suuniaqtilaaqput, aglaan iḷisimarugut Christ salapqiqpan iḷiñiaqtugut ilaatun, qanuq tautugniaġikput irrusiatun.

Revelation 21:23

Suli iniqpak siqiñiqtuŋitchuq naaggaunnii tatqimik qaummatiksraŋanik, qanuq qaumanġa God-im qaummatigigaa, suli qulliġivlugu Imnaiyaaq.