Matthew 17:12 - Iñupiatun Mumiksat Uqalugiksuat

¹² Aglaalli uqallautigivsi Elijah qaiganiŋaruq, aasii iñuich iḷisaġiŋaitkaat, aglaan iñuich piŋagaat qanupayauraq pisukamirruŋ. Tainnatuttauq aasii Iġñiŋa Iñuum nagliksaaqtinniaġmigaat.

Matthew 17:12 Iomraidhean Croise

Matthew 11:2

Tavra John tusaakami tigutaaqtaullaġmi savaaŋigun Christ, tilisiŋaruq uqaluŋmik iḷitchitquramigun

Matthew 16:21

Tavraŋŋaaglaan Jesus iḷisautirraqsiŋagai iḷitchitqurani aullaqtuksraupiaġnivḷuni Jerusalem-mun aasii nagliksaaġutiqaġluni iñugiaktuanik umialiŋnaŋiññiḷḷu Jew-guruat aŋaiyyuliqsiqpagniḷḷu iḷisaurriñiḷḷu pitquranik, aasii tuqutauluni, aasiisuli uvluk piŋayuanni aŋipkaqtauluni.

Matthew 17:11

Ilaan kiuŋagai, Iḷumun ittuq Elijah qaiqqaaġniaqtuq Christ-miñ aasii itqanaiġñiaġai supayaat.

Matthew 17:13

Tavrani iḷitchitqurat kaŋiqsiŋarut ilaanun uqautitilaamiŋnik sivuniġivlugu John Paptaiqsi.

Matthew 17:22

Tavra kukiḷuŋniallaġmiŋ Galilee-mi, Jesus uqallautiŋagai iḷitchitqurani, Iġñiŋa Iñuum aitchuutauniaqtuq iñuŋnun,

Matthew 17:9

Tavra atqallaġmiŋ iġġimiñ, Jesus piraksriŋagai, Quliaqtuaġnasi iñuŋmun tautukkavsiññik, Iġñiŋa Iñuum aŋitchiaġilugu tuqqunmiñ.

Matthew 21:32

Qanuq John Paptaiqsi qaiŋaruq ilivsiññun iḷisautivlusi nalaunŋaruakun iñuuniaġniġmik, aasii ilivsi ukpiġiŋaitkiksi. Aglaan tax-iñik katitchirit akiitchullu ukpiġiŋagaat, aasiiḷi ilivsi tautugluġisiunnii isumalitqiksuat, aquvatigununnii ukpiġiliŋaitkiksi isumalitqigḷusi.

Matthew 8:20

Tavrali Jesus uqallautiŋagaa, Pisukkaat sisiqaqtut, tiŋmiallu ugluqaqłutiŋ, aglaan Iġñiŋa Iñuum aimaaġviitchuq pimaaqtuġumiñakkamiñik.

Luke 7:33

John Paptaiqsi qaiŋaruq. Qaikami niġiḷaitqataŋaruq imiġaluaġnaniḷu wine-mik, aasii uqautigigiksi ilaa ilitqusiqł̣uqaġnivḷugu.

John 1:11

Ilaa qaiŋaruq pimiñun, aasii nanmiñiq iñuŋisa akuqtuŋaitkaat.

Acts 2:23

God-im ilaan pisuutigivlugu, iḷisimavluniḷu, sivunniutianiŋagaa Jesus aitchuutautquvlugu ilivsiññun. Aasii ilivsi tuqunŋagiksi, piḷuusiqirinun kikiaktuutipkaqługu aŋarrauramun.

Acts 4:10

iḷisimaruksraurusi iluqasi, iluqaġmiglu iñuich Israel-guruat iḷisimaruksraummiut, una iñuk makitaruaq sivuqqavsiññi iłuaqsiraupiaġataŋaruq suaŋŋataagun Jesus Christ Nazareth-mium, ilivsi kikiaktuutiŋakkaqsi aŋarrauramun, aasiiḷi God-im aŋipkakkaŋa tuqqunmiñ.

Acts 7:52

Atausiq unnii uqaqtaa God-im maŋŋuuvsi nagliksaaqtinŋaiñŋitkaat. Suli tuquġaŋagaich God-im kivgaŋi uqaluqaqtuat sivuani qaiñiksraŋanik Nalaunŋaruam Kivgaŋata, ilaa ilivsi paŋmapak aitchuutigianiŋagiksi, suli tuqułługu.