Matthew 17:1 - Iñupiatun Mumiksat Uqalugiksuat

¹ Tavra itchaksrat uvlut pianiŋmata Jesus piqasiutiŋagai inmiñun Peter-lu, aniqatigiigḷu James-lu John-lu, aasii aullautivlugich qutchiksuamun iġġimun kisiisa.

Matthew 17:1 Iomraidhean Croise

Matthew 17:2

Tavra ilaa qiññaġmiñi allaŋŋuŋaruq sivuġaanni, suli kiiñaŋa qaummaġiksivḷuni siqiñiqtun, annuġaaŋiḷu qatiqsivḷutiŋ qaummaqtun.

Matthew 26:37

Aasii piqasiutivlugich ilimiñun Peter-lu malġuglu iġñiŋik Zebedee-m, ilaa ipiqtutcharraqsiŋaruq iłuiḷḷiurraqsivḷuniḷu.

Mark 13:3

Tavra Jesus aquppiŋaruq iġġiani Olives qiñiqługu aŋaiyyuvikpak. Peter-lu James-lu John-lu Andrew-lu ullautiŋarut ilaanun iñuiġman.

Mark 5:37

Tavra Jesus iñuŋmun maliktinŋaitchuq, aglaan Peter-mun James-mullu John-mullu aniqataanun James.

Luke 8:51

Tavra tikiññamiuŋ iglu, isiqasiqsinŋaitchuq iñuŋmun, aglaan Peter-lu John-lu James-lu, aapaŋalu aakaŋalu miqłiqtum.

2 Corinthians 13:1

Uvva piŋatchiġikka ullautisaġnika ilivsiññun. Kiñaliqaa pasikkutiqaqpan iñuŋmun, malġuk naagga piŋasut iñuich iḷisimmaġiksuat taavrumuuna pasikkusiaŋagun ukpiġnaqsiraksraġigaat nalaunŋatilaaŋa uqaġilugu iḷisimakkaqtiŋ.

2 Peter 1:16

Qanuq uvagut unipkaaligiññaġluta quliaqtuaġutiŋaitkivsi iḷitchuġipkaqsaqavsi suaŋŋataanik Atanipta Jesus Christ qaitqigñiksraŋaniglu. Uvagut tautupiaġataŋagikput kamanaqtuaq qaumaniŋa.

2 Peter 1:18

Uvagut tusaaŋagikput taamna nipi nivliqsuaq qiḷaŋmiñ, itqatigiŋavlugu Jesus iġġimi God-im salapqiġmagu kamanautini.