Matthew 16:8 - Iñupiatun Mumiksat Uqalugiksuat

⁸ Tavra Jesus, iḷisimavlugu qanuq uqaqtilaaŋat uqallaŋaruq, Uvvailivsi summan uqaaġutiqaqpisi akunnavsiññi punniġutaiññivḷusi? Iñuich ilivsi ukpiġutikitchusi.

Matthew 16:8 Iomraidhean Croise

Matthew 14:31

Jesus tavrauvvaa isaaŋagai argagni aasii tiguvlugu, uqallautivlugu, Ilivich ukpiġutikitchuatiin. Summan nalupqisukpich?

Matthew 16:7

Tavra uqaarraqsiŋarut avanmun uqaqłutiŋ, Ilaan uqallausiġigaa taamna punniliraaŋiññapta.

Matthew 6:30

Tainnatun God-im qaunagillaniqpagich nauriallu ivgiḷḷu uvlupałhiñaq nauruat aasii uvlaakun qirriutivlugich igniġviŋmun, nalupqinaitchuq annuġaaksraqaqtinniaġaasi. Qanutun ilivsi ukpiġutikisigirusi uŋiariruasii.

Matthew 8:26

Tavra ilaan uqallautiŋagai, Summan iqsivisi? Qanutun ukpiġutikisigivisi? Tavra Jesus makinŋaruq, aasii suakługik anuġiḷu imaġlu, aasii quunniġupaluŋaruq.

Mark 16:14

Aquvatigun Jesus niptaŋaruq qulit atautchimun niġiñiaqtillugich. Aasii suaŋagai arguasuutaatigun ukpiġuŋirrutaatigullu, qanuq ukpiġiŋaitkaich tautuŋaruat ilaanik aŋianiŋman.

John 16:30

Paŋmapak iḷitchuġirugut iḷisimatilaaġnik supayaanik. Nalupqisuŋaiqsugut apiqsruutiksraiqsugullu. Taamna pisigivlugu ukpiqtugut ilivich qaiŋatilaaġnik God-miñ.

Hebrews 4:13

Suli God-im sivuġaani qanusipayaaq uumaruaq iriqsimaŋitchuq, aglaan supayaat aŋmarut tallutaitchullu irraŋnun ilaan isivġiiyumaaqtuam uvaptiŋnik.

Revelation 2:23

Suli uvaŋa tuqunniaġitka miqłiqtuŋi. Aasii aŋaiyyuliqiruapayaat nunallaani iḷitchuġiniaqtut uvaŋautilaamnik iḷisimaruaq iñuich isumaŋiññik piyummatiŋiññiglu. Suli paaqłiġñiaġivsi atausiullaalusi sutigun piŋaravsigun.