Matthew 16:3 - Iñupiatun Mumiksat Uqalugiksuat

³ Aasii uvlaami uqallaguummiusi, sialugniaqtuq uvlupak qanuq qiḷak kaviqsiularuq maŋaaqsiruġlu. Iḷisimagaluaqłusi sivunniuġniŋanik qiññaŋata qiḷaum, iḷitchuġilaiññiġisi sivuniŋich aliuġnaqtuat savaaguruat akunnavsiññi.

Matthew 16:3 Iomraidhean Croise

Matthew 11:5

Ayauŋaruat tautullasirut, tusiattuallu pisuaqtut, kiḷḷiġruaqtuqtuat mamititaurut, tusiḷḷaqtuatsuli tusaallasirut, tuquŋaruallu aŋipkaqtaurut, suli piqaqtuksrauruat tusaayugaaġiksuanik alġaqsruusiaqaqtut.

Matthew 15:7

Ilivsi ukpiŋŋuaqtuasii. Qanutun nalautigiŋaruq Isaiah uqaqtaa God-im uqallausiġikamisi. Ilaan aglaŋagai God-im uqaluŋi inna, “Ukua iñuich nanġaġaluaġaanŋa uqalułhiñamiŋnik, sivuniqasuŋaġnagich uqalutiŋ.

Matthew 22:18

Tavra Jesus, iḷisimavlugu pigiitchuakun sivunniuġutaat uqallaŋaruq, Summan uuktuqpisiŋa? Ukpiŋŋuaqtuasii.

Matthew 23:13

Qanutun naglignaqtigirusi ilivsi, iḷisaurriich pitquranik Pharisees-lu, ukpiŋŋuaqtuasii. Ittusi pitchiġiiyaqsimammatun upkuaŋa atanniqsimaviata Taavruma qiḷaŋmiittuam, qanuq ilivsi atanniqsimatquŋitchusi God-mun, suli iñuich atanniqsimatqugaluaqtuat pitchaiḷiraġisi.

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Matthew 7:5

Ukpiŋŋuaqtuasii, iłuaqsruqqaaġitchi ilivsiññun, aasii ikayuġumiñaqsivaalluglugich aniqatisi killukuaġutiŋiññik.

Luke 11:44

Naglignaqtusiuvva ilivsi Pharisees, qanuq iḷuvviviktun ittusi nalunaiñŋutaitchuatun. Iñuich pisuaġvigikkaŋisun qaaŋatigun naluvlugich, aasii salumaiḷivḷutiŋ pitqurat uqaluatigun. Ukpiŋŋuaġnivsigun asiñuutigisi iñuich.

Luke 12:56

Ilivsi ukpiŋŋuaqtuasii, iḷisimagaluaqtusi siḷaksramik qiññaŋagun nunam qiḷauvlu, aglaan kaŋiqsiḷaiññiġiksi suliqitilaaġa.

Luke 13:15

Tavra Atanġum kiuŋagaa, Ilivsi ukpiŋŋuaqtuasii, atausiullaavlusi savaitchuani pituiqł̣ugich qimuktisi naagga kakaktisi niġrutiqaġviŋmiñ tasikuaqługich imiqtitchaqtuġuugisi savaitchuani.

Hebrews 5:14

Aglaan niqipiaq sivuniqaqtuq agliŋaruanun, tamatkunuŋa iḷitchuġipkaqtitauŋaruanun sum nalaunŋatilaaŋanik piḷuktilaaŋaniglu.