Matthew 13:12 - Iñupiatun Mumiksat Uqalugiksuat

¹² Qanuq iñuk kaŋiqsiñiḷuktuaq kaŋiqsipkavsaaqtauniaqtuq kaŋiqsiḷḷuataġumiñaqsiḷugu. Aglaan iñuk kaŋiqsiñiḷuŋitchuaq piiguiñiaqtuq kaŋiqsił̣auraġaluakkaġmiñik.

Matthew 13:12 Iomraidhean Croise

Matthew 21:43

Tavrasuli Jesus uqallavsaaŋaruq, God-im atanniqsimaniaŋitkaasi, ukpiŋiññavsi, aasii atanniqsimalugich allat kamaksriyumiñaqtuat inmiñik, iñuatun siiġñaqaġvium qaitchiruatun siiġñaqaġviŋmiñik allanun aitchuiḷḷaruanun siiġñanik inmiñun piviksrakun.

Matthew 25:29

Kiñaliqaa aŋalatchiḷḷuataqtuaq aitchuusiamiñik aitchuusiaqavsaaġniaqtuq, aasii sippaksraqaġmiḷuni. Aglaan taamna naurrutinnaŋitchuaq mikiruuraqunnii pigikkaŋa piiqsauniaqtuq ilaaniñ.

Mark 12:9

Qanuġniaqpaasiiñ iñua siiġñaqaġvium? Qaiñiaqtuq aasii tuqullugich napaaqsiqirit, aasii atukkirrutigilugu siiġñaqaġvik allanun.

Luke 10:42

Atausiq piraksraupiaqtuq. Mary-m piksraqtaaġiŋagaa nalaunŋaruaq. Piiġumiñaitchuq ilaaniñ.

Luke 12:48

Aglaan kivgaq naluruaq ataniġmi piraksriutaanik, pigaluaqtuaq ipiġaqtuusiaqaġnaġumiñaqtuamik, ipiġaqtuusiaqapiaġniaŋitchuq. Iñupayaaq savaaksriusiaqpaqaqtuaq Atanġum niġiugviginiaġaa tainnatun pitqulugu, suli iñupayaaq savaaksriusiaqavsaaqtuaq niġiugvigirauvsaaġniaġmiuq tainnatuttauq pitqulugu.

Luke 16:2

Tavra suġalliruam ququaqługu uqallautiŋagaa, Sunaimña tusaavigu ilipkun? Qaitkich aglaich suġautchiqiraunipkun, qanuq tavraŋŋaaglaan suġautchiqirigiŋaiġñiaġikpiñ.

Luke 16:25

Tavra Abraham uqallaksiññaŋaruq, Iġñiiŋ, itqaġiñ iñuuniġni aitchuusiaqaġuuruatiin nakuuruanik sunik, aasiiḷi Lazarus tainnatuttauq pigiitchuanigli. Aasii paŋmapak quviasaaġusiaqaqtuq uvani, aasiiḷi ilivich nagliksaaġnami ittutin.

Luke 8:18

Naalaġnimmaġiksaaqsiuŋ tusaakkaqsi. Qanuq iñuk naalaġniḷḷuataqtuaq kaŋiqsipkavsaaqtitauniaqtuq, aasiiḷi iñuk naalaġniḷḷuatalaitchuaq tammaiñiaqtuq kaŋiqsił̣auraġasugigaluakkaġmiñik.

Luke 9:26

Qanuġviitchuq, iñuum kanŋugikpaŋa iḷisaurrutitkalu iñuŋnun, uvaŋaptauq Iġñiŋan iñuum kanŋuginiaġmigiga qaiguma qaumanġani Aapama piqatigilugich piḷuutaitchuat isaġulgich.

James 4:6

Aglaan taavrumaŋŋa kipiġniuġunmiñ suaŋałhaaqtuq God-im nagliktuutiqpakun ikayuun aitchuutaa. Taamna pisigivlugu Bible uqaluŋich uqaqtut inna, “God-im akiḷḷiḷiqsuġai kamasaaqtuat, aglaan aitchuiruq nagliktuutiqpaŋmik kamasaaŋitchuanun.”

Revelation 2:5

Isumalaaġutigisiuŋ piviuttaqqutiqqaaqsi uvamnun ukpiqqaaqavsi. Isumalitqigitchi, aasii piqqaaġusivsisun savautilluatatqiksalgiḷḷuŋa. Isumalitqiŋisuaġuvsi, qaiḷuŋa piiġiaġniaġiga qulliqaġviksi inaaniñ.