Matthew 13:11 - Iñupiatun Mumiksat Uqalugiksuat

¹¹ Ilaan kiuŋagai, God-im kaŋiqsipkaŋagaa ilivsiññun kaŋiqsiñaiñŋaruaq sivuani atanniqsimmatini iñuŋnun, aglaalli allat iñuich tusaqsraġigaat uuktuutitigun.

Matthew 13:11 Iomraidhean Croise

Psalms 25:14

Ataniq avilaitqatauruq inmiñik kamaksriruanun tunulliḷiqsuqługulu sivunniuġutini iliŋiññun.

Matthew 13:10

Tavra iḷitchitqurat qaivḷutiŋ Jesus apiġiŋagaat, Summan uqaqpich iñuŋnun uuktuutitigun?

Matthew 16:17

Jesus kiuŋagaa, Quviatchaktitaugiñ Simon iġñiŋa John, qanuq iñuum satqummiŋaitkaa iliŋnun taamna uqallautin, aglaan Aapama qiḷaŋmiittuam.

Matthew 19:11

Tavrali ilaan uqallautiŋagai, Taamna iḷisaurrun tamatkiġḷugich aŋutit sivuniqaŋitchuq, aglaan tamatkunuŋa God-im ikayukkaŋiñun iñuuyumiñaqsivḷugich taavrumuuna iḷisaurrutikun.

Matthew 20:23

Ilaan uqallautiŋagik, Imiġniapiaqtutik qallugauramniñ, aglaan uvaŋa piksraqtuksrautauŋitchuŋa aquppiruksranik taliqpimñi saumimñiḷu. Aapama aitchuutiginiaġik taapkuak inik kisunun itqanaiyautikkaġmiñun inigitquvlugik.

Mark 10:40

aglaan uvaŋa piksraqtuksrautauŋitchuŋa aquppiruksranik taliqpimñi saumimñiḷu. God-im aitchuutiginiaġik taapkuak inik kisunun itqanaiyautikkaġmiñun inigitquvlugik.

Mark 4:11

Tavra ilaan uqallautiŋagai, God-im kaŋiqsipkaŋagaa ilivsiññun kaŋiqsiñaiñŋaruaq atanniqsimmatini iñuŋnun. Aglaalli allat iñuich tusaqsraġigaat uuktuutitigun.

Luke 8:10

Jesus kiuŋagai, God-im kaŋiqsipkaŋagaa ilivsiññun kaŋiqsiñaiñŋaruaq sivuani atanniqsimmatini iñuŋnun, aglaalli allat iñuich tusaqsraġigaat uuktuutitigun, qiñiġaluaqłutiŋ iḷisaqsriḷaitquvlugich, suli naalaġnigaluaqłutiŋ, kaŋiqsiḷaitquvlugich.

John 6:65

Tavra ilaa uqallaŋaruq, Taamna pisigivlugu uqallautiŋagivsi kiñaliqaa qaiyumiñaiññivḷugu Aapam qaiyumaliqsinŋisuaqpagu uvamnun.

John 7:17

Kiñaliqaa pisukkumi tuvraġuglugu God-im pisuutaa, ilaa iḷisimayumiñaqtuq iḷisaurrutiga God-miŋŋaqtautilaaŋanik naaggaqaa uvamniġruiññaq.

Acts 16:14

Iñuich iḷaŋat tusaarikput aġnaq atiqaŋaruq Lydia-mik, iniqpaŋaniñ Thyatira-m, tuniuqqairi suŋauraammaġiksuanik ukił̣haanik, aŋaiyyurauruaq God-mun. Atanġum puttuqsripkaŋagaa akuqtuġumiñaqsivḷugich uqaluŋi Paul.

Romans 11:25

Aniqatiit, kaŋiqsitqugivsi uumiŋa sivuani kaŋiqsiñaiñŋaruamik, kamasaaquŋił̣ł̣usi isumatuniḷusi. Iñugiałhamaaqtuat Jews paŋmapak akuqtuaġiŋitkaat tusaayugaaġiksuaq, taamna igliġniaqtuq Jew-guŋitchuat ukpiġumaaqtuat Christ-mun naatitchiaġilugich.

Romans 16:25

Qaitkivsi God-im munaqqutaanun, suaŋasiḷaaġiḷḷaruamun ukpiġutivsiññik nalaułługu tusaayugaaġiksuat uqautaat, uvaŋa uqausivsun ilivsiññun. Taamna tusaayugaaġiksuaq Christ-kun kaŋiqsiñaiñŋaruaq aippaapak.

1 Corinthians 13:2

Suli aitchuusiaqaġmiguma uqaqtauniġmik God-mun, kaŋiqsiḷḷalugich iluqaisa sivuani kaŋiqsiḷaisaŋich iñuich iḷisimaluŋa supayaanik, naaggaqaa suaŋapiaġataqtuamik ukpiġutiqaġaluaġuma nuktallalugich iġġich aasii piviuttaqqutaiḷḷuŋa iñuŋnun, anniqsuutauŋitchuŋa.

1 Corinthians 15:51

Uvva uqallautigivsi kaŋiqsiñaiñŋaruamik qaŋapak. Tamatkiġḷuta siñigniaŋitchugut tuqqunmi, aglaan uvagut iluqata allaŋŋuqtauniaqtugut,

1 Corinthians 2:14

Iñuum piqaŋitchuam Ilitqusiġiksuamik aitchuusiaġiyumiñaitkai sut God-im Ilitqusiġiksuaŋan aitchuutiŋi, qanuq asiḷiqqutaurut ilaanun iñuŋmun. Kaŋiqsiyuminaitkai qanuq qanuqitilaaġumiñatualukkaich kisimiŋ iñuich puttuqsripkairiqaqtuat Ilitqusiġiksuamik.

1 Corinthians 2:7

Aglaan iḷisaurrutigigikput God-im isumattutaa iriqsimaŋaruaq, kaŋiqsiḷaisaŋat iŋiḷġaan taimani. God savaŋaiñŋaġmiunnii nunamik, sivunniŋaniqsuq taavrumuŋa isumattunmun piqataullasiñiaġnivḷuta ilaan kamanaunmiñun.

1 Corinthians 4:1

Uvagut iḷisaurrit isummatigiraksraurugut Christ-mun kivgaġiniḷuta, aitchuusiaqaqłuta savaaksrapiaġatamik iḷisaurriruaguluta God-im iḷumun ittuaŋanik kaŋiqsiñaiñŋaruamik sivuani.

1 Corinthians 4:7

Anniqsuusiat pigikkasi iluqaġmiŋ God-miŋŋaqtaurut. Aasii aitchuusiaġiniqavsigik, summan uqavigaaqpisi aitchuusiaġiŋitchuatun iḷivḷugich?

Ephesians 1:18

Suli apiġigiga God iḷitchuġipkaquvlusi nalupqigiŋaiġḷugu annagumman taavrumuŋa God-im ququaŋammasi, suli iḷitchuġilugu inuaŋaiññiŋa kamanautim, God-im ilaaguaqtaŋisa kiŋuvaannaktaaġiniakkaŋat.

Ephesians 1:9

Qanuq God isumatupiaġataqtuaq suli kaŋiqsiŋavlugich supayaurat, salapqiŋagaa pisuutini uvaptiŋnun. Ilaan sivunniuġutigiŋakkaŋa iḷisimanaŋaitkaluaqtuaq sivuani, Christ-gum paŋmapak taŋŋiŋagaa.

Ephesians 5:32

Kamanaqtuaq iḷisaurrun salapqiŋaruq taavrumuuna Bible uqaluatigun tuvaaqatigiikkun, aasiivsauq kaŋiqsigiga sivuniqaqtilaaŋanik Christ-mullu aŋaiyyuliqiruanullu.

Ephesians 6:19

Aŋaiyyutiluŋalu uvaŋa, God-mun aitchuquluŋa uqaluksramnik, uqaqtuksraġuġaġiguma uqaurriyumauŋa sapiqsrautaiḷḷuŋa, iḷitchuġipkallalugulu tusaayugaaġiksuam kaŋiqsiñaitchuaŋa.

Colossians 2:2

Qapiŋaisaaqtautqugitka atautchimuktitauŋammata piviuttaqqutikun avanmun. Tavra nalupqigiŋaipiaġniaġaat kaŋiqsiḷḷuataġlugulu suna God-im salapqiŋakkaŋa sivuniġivlugu Christ kaŋiqsiñaiñŋaruaq qaŋapak.

1 Timothy 3:16

Kialiqaa piiḷaaġiyumiñaitkaa qanutun kamanaġniŋa kaŋiqsiñaiñŋaruam ukpiġikkapta. Christ qiñiġnaqsiŋaruq timiqaqłuni iñuktun, iḷumun inniŋagaa Ilitqusiġiksuam, tautuŋagaat isaġulgich. Ilaa alġaqsruutauŋaruq akunġanni nunauruat, ukpiġiŋagaat iñuich, mayuurrauŋaruq qiḷaŋmun.

1 Timothy 3:9

Iliŋisa ukpiġipiagaksraġigaat iḷumun ittuaq nayummataulutiglu iḷumun ittuanun iḷisaurrutinun Christ-kun, qiñiġnaił̣ł̣uni kaŋiuruamun ukpiġunmiŋnun.

James 1:5

Kiñapayaaq isumattutaiḷḷiuġumi, qiññuaġli God-miñ aasii isumattutiksriññiaġaa. Qanuq God aitchuiḷḷaruq iñupayaanun nauttaasuŋaġnani, qiññuaġniġaqłilaitchuġlu.

1 John 2:20

Aglaan Christ iḷiŋagaa Ilitqusiġiksuaq iḷuvsiññun, aasii taamna pisigivlugu iluqasi iḷisimagiksi iḷumun ittuaq.

1 John 2:27

aglaan Christ iḷiŋagaa Ilitqusiġiksuaq iḷuvsiññun. Sivisutilaaŋatun Ilitqusiġiksuam inniŋan iḷuvsiññi iḷisaurrituŋitchusi iñulimaamik. Qanuq Ilitqusiġiksuam puttuqsrisiqaqtitaaġaasi sum nalaunŋatilaaŋanik, suli iḷisaurrutiŋi iḷumun ittuagurut sagluuŋitchut. Tavraasii kamagiugaqsigik Ilitqusiġiksuam iḷisaurrutiŋi aasii atausiŋŋuqatigimaaġlugu Christ.