Matthew 12:7 - Iñupiatun Mumiksat Uqalugiksuat

⁷ Iñuich killukuaŋitchuat isivġiġumiñaitkaluaġisi pikpata taapkunatun iḷisimaguvsi sivuniŋiññik God-im uqaluŋisa inna uqaqtuat, “Kipiġniuġutigigiga nagliktautquvlusi ikipkautiłhiñanik aitchuiŋaiġḷusi.”

Matthew 12:7 Iomraidhean Croise

Makpiġaaŋa Job-gum 32:3

Elihu-m qinnaliutiŋammigai Job-gum avilaitqatiŋi. Qanuqsausiiñŋarut kiggutiksramignik Job-mun, iḷiuqługuasii God killukuaġnivḷugu.

Psalms 109:31

qanukkii makitaraqtuq taliqpianni piiḷḷiuqtuaguruat suli annautivlugich suksraaqtikkaluaŋiññiñ tuqqunmun.

Psalms 94:21

atautchimunmukłutiŋ akiḷḷiġiraġigaich iluaqtualiqiruat aasiiñ tatavsaqtaksriuqługich tuqqunmun patchisaitchuat.

Proverbs 17:15

Suksraunġiqsauniq patchisaitchuamun naagga pigiiḷḷiqiruamun suliqutigiŋaiqsiñiq— iluqaaktun Atanġum uumigigaik.

Matthew 22:29

Tavra Jesus kiuŋagai, Qanutun killukuaqtigirusi. Killukuaġutigigiksi naluvlugich Bible uqaluŋich, God-tivlu suaŋŋataa.

Matthew 9:13

Aullaġlusi iḷitchaqtuqsiuŋ una sumik sivuniqaġmagaan, “Kipiġniuġutigigiga nagliktautquvlusi, ikipkautiłhiñaŋiḷaanik aitchuutinik.” Qaiŋaitchuŋa ququaġiaġlugich nalaunŋaruat aglaan isumalitqiquvlugich piḷuusiqirit.

Mark 12:33

Suli iñuum piviuttaġipiagaksraġigaa God iḷumiñiñ, iluqaani isumaniġmiñi, iluqaaniḷu piḷġusimiñi, aasiisuli piviuttaġipiaġmiḷugu siḷalliñi ilimisun iḷiuġlugu. Iłuałhaasaktaqtuq kamagiruni taapkuak malġuk pitqurak qaġġirriñiġmiñ niġrutinik ikipkautiksranik ikipkaiviŋmi, allaniglu ikipkautinik God-mun.

Acts 13:27

Taipkua iñuuruat Jerusalem-mi umialiŋnaŋisalu, akuqtuŋił̣ł̣ugu annaurrigitilaaŋanik, kaŋiqsiŋił̣ł̣ugiḷḷu uqaluŋich uqaqtiŋisa God-im, taiguaġuukkaŋich Savaiññipayaaŋiññi, nalautinŋagaich God-im uqaqtiŋisa uqaluŋich suksraunġiqł̣ugu Jesus.

James 5:6

Suksraunġiiŋarusi iñuaŋarusiḷu nalaunŋaruamik iñuŋmik, akiḷḷiḷiqsuŋaiñmigaasi.

1 Samuel 15:22

Samuel uqallaktuq, “Nalliak Atanġum nakuaġiłhaaqpauŋ: kamaksriñiq naagga aitchuiñiġlu ikipkaiñiġlu? Nakuułhaaqtuq kamagiruni ilaa ikipkaiñiġmiñ aitchuutigilugu ilaanun nakuuniqsrauruaq imnaiq.