Matthew 12:4 - Iñupiatun Mumiksat Uqalugiksuat

⁴ David isiŋaruq igluanun God-im aasii niġivḷutiŋ punniġmik aitchuutauŋaruamik God-mun, nalaunŋaitkaluaqtuamik ilaallu piqatiniḷu niġikparruŋ, kisiiññun aŋaiyyuliqsiqpaŋnun niġiñaqtuat.

Matthew 12:4 Iomraidhean Croise

Exodus 25:30

Niġġiviuraq inillaglugu sivuġaanun Sivunniuġutim Kiguunniŋata, suli ataramik niġġiviuramiittuksrauruq ilaaguaqtauruaq punniq aitchuutauruaq uvamnun.

Leviticus 8:31

Moses-gum uqallautiŋagai Aaron-lu iġñiŋiḷḷu, “Niqi paaŋanuutisiuŋ Tupqum Atanġum nayuqtauviata, qalatillugu, aasii niġiḷugu tavrani, punniġlu aguummaŋmiittuaq ilaaguaqtauniġmun aitchuutiksrani, Atanġum piraksriutaatun.

Matthew 12:3

Tavra Jesus kiuŋagai, Nalupqinaitchuamik taiguaŋarusi qanuq David piŋatilaaŋanik kaaksiuliqamiŋ piqatiniḷu.

Matthew 12:5

Nalupqinaitchuamik taiguaŋarusi pitqurat piraksriutiŋiññik aŋaiyyuliqsiqpaŋnun ikipkaitquvlugich aitchuutinik uvlutuaqpan. Savakkaluaqamikunnii Savaitchuani aŋaiyyuvikpaŋmi, pasiraulaitchut navgiñiḷugich Savaiññikun pitquramik.

Mark 2:26

David isiŋaruq igluanun God-im aasii niġivḷugu punniq aitchuutauŋaruaq God-mun. Taamna piŋaruq Abiathar aŋaiyyuliqsiqpaumman. Pitqurat uqaluatigun aŋaiyyuliqsiqpaich kisimiŋ niġiyumiñakkaŋat taamna punniq.

Luke 6:4

Ilaa isiŋaruq God-im igluanun aasii punniksraqłuni ilaaguaqtauŋaruanik God-mun, niġitquŋisauruanik iñuŋnun aglaan aŋaiyyuliqsiqpaŋnun kisian. David niġiŋaruq suli aitchuqługich piqatini.

Hebrews 9:2

Qanuq tupiq nappaqtauŋaruq siḷalliġuaqaqługu tairauruamik ilaaguaqtamik inimik God-mun. Aasii iḷuaniinŋarut qulliqaġvigḷu, niġġiviiḷḷu, qaamiutaqaqtuat punniġnik ilaaguaqtauruanik God-mun.

1 Samuel 21:4

Aŋaiyyuliqsiqpak uqallaktuq, “Punniġruiññanik piitchuŋa, salumaruałhiñanik; pigiyumiñaġiñ aŋutitin aġnaqiŋaitpata.”

1 Samuel 21:6

Tavraasii aŋaiyyuliqsiqpaum qaiñŋagaa salumaruaq punniq David-mun, qanukkii punniġich pigitualuktaŋich aitchuutausuuruat God-mun, piiŋaraŋich salumaruamiñ niġġivigmiñ simmausiŋaruanik uutqammianik punniġnik.