Matthew 11:8 - Iñupiatun Mumiksat Uqalugiksuat

⁸ Summanmi aullaġuuniqpisi? Tautugiaqpisiuŋ iñuk annuġaaqaqtuaq akisuruanik annuġaanik? Iḷisimarusi tamatkua akisuruanik annuġaaqaqtuat umialgich igluqpaŋiññiittut.

Matthew 11:8 Iomraidhean Croise

2 Kings 1:8

“Qaliġuaqaġniqsuaq niġrutit amiŋiñik, tavsiaqaqłuni qisigmik,” kiugaat. “Elijah-aumaruq!” umialik uqallaktuq.

Matthew 11:7

John-gum iḷitchitquraŋik utiqsaġmaŋnik, Jesus uqautisarraqsiŋagai iñusalaich John-kun. Tautugiaqavsiuŋ John nunagluktuamun, sumik tautugniaġasugiraġivisi? Tautugiaqtaqpisiuŋ iñuk maliksuktaqsiññaqtuaq ivigruatun anuġim aulataġikkaŋatun? Naumi.

Matthew 11:9

Summanmi ullautiraġivisi? Tautugiaqpisiuŋ uqaqtaa God-im? Aaŋ, uqallautigivsi nalupqinaitchuq, kamanałhaaqtuq unnii uqaqtiŋiññiñ God-im.

Matthew 3:4

Tavra John annuġaaqaŋaruq kakaktim pikukturuam amianik, suli qisiŋmik tavsiqaqłuni, aasii niqigivlugich nuttagayuich qupilġut igutchaiḷḷu honey-ŋannik paqinnaqtuamik nunagluktuami.

Luke 7:25

Suna tautugiaqtaġuuvisiuŋ? Tautugiaqtaqpisiuŋ iñuk annuġaaġiksuaq akisuruanik? Iḷisimarusi tamatkua annuġaaġipiaqtuanik annuġaaqaqtuat suli iñuuruat sunik ayuqsraŋił̣ł̣utiŋ umialgich igluqpaŋiññiittut.

1 Corinthians 4:11

Paŋmapaŋmun aglaan ikarraġmun kaaksiurugut imiġuksiuvlutalu, annuġaagiḷḷiuġmiugut, pimaqłuktaqtauvluta, aimaaġviiñmiugut.

2 Corinthians 11:27

Igḷutuŋammigiga savaalaniq siġġaġniuġniġlu, unnuani iñugiaktuani siñillaiġaġniġlu kaaksiuniġlu imiġuksiuniġlu, akulaitchuami niqiksraiḷḷiuġniġlu qiqisianiġlu siḷamiutauniġlu.

Deuteronomy 28:54

Iñulluatapiaguŋagaluaqtuaq-unnii qanuġviiqpaiḷḷuni miqłiqtumiñik niġiñiaqtuq allamik niqiksraiḷḷuni. Avvakunianiñmigaa aŋayuni naakka nuliani nakuaġirani, miqłiqtuniḷu aŋuyait avasimakpatin.

Revelation 11:3

Aasii uvaŋa tiliñiaġikka malġuk uqaqtikka annuġaaqaġlugik miitchuŋnik ukił̣haanik, aasii iliŋik suaŋŋasiqsauniaqtuk alġaqsruiyumiñaqsiḷugik taapkunani 1,260 uvluni.