Matthew 11:7 - Iñupiatun Mumiksat Uqalugiksuat

⁷ John-gum iḷitchitquraŋik utiqsaġmaŋnik, Jesus uqautisarraqsiŋagai iñusalaich John-kun. Tautugiaqavsiuŋ John nunagluktuamun, sumik tautugniaġasugiraġivisi? Tautugiaqtaqpisiuŋ iñuk maliksuktaqsiññaqtuaq ivigruatun anuġim aulataġikkaŋatun? Naumi.

Matthew 11:7 Iomraidhean Croise

Genesis 49:4

Qaiḷḷiqpakłuni ulittuatun ittutin, Aglaan nuimaruaguniqtauniaŋitchutin, Siñiqatigiŋavlugu nukaġaġa Suli salumaiḷiŋagiñ aapavich siñigviŋa.

Matthew 11:8

Summanmi aullaġuuniqpisi? Tautugiaqpisiuŋ iñuk annuġaaqaqtuaq akisuruanik annuġaanik? Iḷisimarusi tamatkua akisuruanik annuġaaqaqtuat umialgich igluqpaŋiññiittut.

Matthew 12:20

Ilaan suksraunġiġñiaŋitkai pasiñaqtuat iñuich, ivigruatun ittuat navviraliŋaruatun ataiḷaisaŋatun iñuum, naaggaunnii qamiyasiuraqtuaq qulliq iñuum qamilaiñmatun. God-im pitqiksiġautairrutaa akimmatitchiaġilugu,

Matthew 21:25

Kia ataniġnaqutiksriñŋavauŋ John paptaiqsiñiksraŋagun, God-im naagga iñuich? Tavra iliŋich uqavaaqatigiirraqsiŋarut avanmun, Uqallakkupta God-miŋŋaqtauniḷugu, ilaan uqallautiniaġaatigut, Summanmi ukpiġiŋaitpisiuŋ John?

Matthew 3:5

Tavra iñuich ullaaŋagaat John Jerusalem-miñ iluqaaniḷḷu Judea-miñ, suli iluqaiññiñ nunaaqqiñiñ avataaniittuaniñ kuugum Jordan.

Luke 8:18

Naalaġnimmaġiksaaqsiuŋ tusaakkaqsi. Qanuq iñuk naalaġniḷḷuataqtuaq kaŋiqsipkavsaaqtitauniaqtuq, aasiiḷi iñuk naalaġniḷḷuatalaitchuaq tammaiñiaqtuq kaŋiqsił̣auraġasugigaluakkaġmiñik.

John 1:38

Jesus kiŋiaqłuni tautuŋagik maliktuak, aasii uqallautiŋagik, Suvisik? Iliŋikta apiġiŋagaak, Rabbi, (sivuniqaqtuaq Iḷisaurrii), sumi iniqaqpich?

John 5:35

John inŋaruq ikualaruatun qaummaġiksuatullu qulliqsun, aasii quviasuutigillakkaluaġiksi qaummaŋa.

Ephesians 4:14

Tavraŋŋaaglaan inŋaiġñiaqtugut miqłiqtutun maliksuyaruatun, asiñuutipkaġumiñaiġḷuta killukun iḷisaurrutiŋiññun sagluqinnigniaqtuat iñuich, pisaasuunmikkun killukun ukpiqtitchisuuruat iñuŋnik.

James 1:6

Aglaan apiqsriḷi ukpiġutiqaġluni, nalupqisuutaiḷḷuni suuramikunnii, qanuq iñuk nalupqisuktuaq ittuq qaiḷḷiŋatun taġium uŋugrugikkaŋatun nalluakkaŋatullu anuġim.