Matthew 11:6 - Iñupiatun Mumiksat Uqalugiksuat

⁶ Aasii quviasugli iñuk ukpiŋaiŋitchuaq uvamnun.

Matthew 11:6 Iomraidhean Croise

Psalms 119:1

Quviasuglich iñuuniaġusiqaqtuat pasiraksraiḷḷutiŋ, iñuuvlutiŋ maliġuaqługu pitquraŋa Atanġum.

Matthew 13:21

Aglaan akuqtuaġiŋiññiġaat uqaluk naamasiḷugu tuniqsimmatiksraqtiŋ, nautchiaksratun maŋŋuqavigruaŋitchuatun iłłutiŋ. Tavraasii iłuiḷḷiuġutit nagliksaaqtirrusiallu qaimmata uqaluk pisigivlugu, iliŋich tavrauvvaa nikatchaktut aasii qapiqłutiŋ.

Matthew 18:7

Qanutun naglignaqtigirut nunam iñuŋi ukpiġutaiqsitchiruat iñuŋnik. Tainnainniaġniqsuq ataramik, aglaan qanutun naglignaqtigiruq ukpiġutaiqsitchiruaq iñuŋnik.

Matthew 24:10

Tavraasii iñugiaktuat iñuich ukpiġutaiġñiaqtut, suli aitchuutigiraġautilutiŋ avanmun, uumikkutiliġḷutiglu avanmun.

Matthew 26:31

Tavra Jesus uqallautiŋagai, Iluqasi qimaŋniaġivsiŋa suksraaġluŋa uumani unnuami, qanuq aglausimaruq Bible-ni God uqallagnivḷugu inna, “Uvaŋa tuqunniaġiga imnaiḷiqiri, aasii imnaich siaminniaqtut.”

Matthew 5:29

Taliqpium irivsi piḷuksipkaqpasi, iñuusitchi ilivsiññik iraiġḷusi iksiruatun irivsiññik. Iłuałhaaġayaqtuq iraitkuvsiunnii aasii iñuulusi nalaunŋaruakun, timisi suġġaiḷḷugich igitauniġmiñ nagliksaaġviŋmun.

Mark 6:3

Kaamniġuŋitpauna, Mary-m iġñiŋa, aapiyaŋa James-gum Joses-lu Judas-lu Simon-lu? Aasiisuli nayaaluŋi uvaniinŋitpat itqatigivluta? Tavra iliŋich qanuqpaaŋaliŋarut ilaanun.

Luke 2:34

Suli Simeon qiññuaġutiŋagik quviasuunmik, suli uqallautivlugu Mary aakaŋa. Sivunniutauŋaruq una miqłiqtuq agvisauniaġnivḷugu annagniksraŋannun iñugiaktuat Israel-guruani, suli iñugiaktuat tammaġniksraŋannun. Suli pisigilugu ilaan suutilaaŋa, iñugiaktuat akiḷḷiḷiqsuġniaġaat uqaluŋmiŋni,

Luke 7:23

Quviasugli iñuk ukpiŋaiŋitchuaq uvamnun.

John 16:1

Uqallausiġiŋagitka tamatkua iluqaisa ukpiġutaiquŋił̣ł̣usi.

John 6:66

Taavruma aquagun iñugiaktuat iḷitchitquraŋiñiñ qapiŋarut aasii kukiḷuqatigiŋaiqł̣ugu tavraŋŋaaglaan.

1 Corinthians 2:14

Iñuum piqaŋitchuam Ilitqusiġiksuamik aitchuusiaġiyumiñaitkai sut God-im Ilitqusiġiksuaŋan aitchuutiŋi, qanuq asiḷiqqutaurut ilaanun iñuŋmun. Kaŋiqsiyuminaitkai qanuq qanuqitilaaġumiñatualukkaich kisimiŋ iñuich puttuqsripkairiqaqtuat Ilitqusiġiksuamik.

Galatians 5:11

Aniqatiit, iñuich imma iḷaŋisa uqautigivalliġñiġaanŋa alġaqsruiñivḷuŋa iñuk annaurraunivḷugu nalunaiñŋutchiqsauŋavluni kamagivlugiḷḷu Jew-guruat pitquraŋich. Taamna iḷumun itpan, summan nagliksaaqtitauvik? Tainnatchimik alġaqsruiguma, iñuich piavsaktautiginayaitkaat alġaqsruutauruaq annaun Christ tuqqutaagun aŋarraurami.

1 Peter 2:8

Suli allami Bible uqaluŋich uqallaktut inna, “Uyaġaum taavruma putukkisinniaġai iñuich, uyaġak ulġutchiñiaqtuq iliŋiñik.” Qanuq iliŋich puukaqtut pisigivlugu ukpiŋiññiqtiŋ uqaluŋmik. Tainna God-im pisuutaa inŋaniqsuq ilaisigun.