Matthew 11:5 - Iñupiatun Mumiksat Uqalugiksuat

⁵ Ayauŋaruat tautullasirut, tusiattuallu pisuaqtut, kiḷḷiġruaqtuqtuat mamititaurut, tusiḷḷaqtuatsuli tusaallasirut, tuquŋaruallu aŋipkaqtaurut, suli piqaqtuksrauruat tusaayugaaġiksuanik alġaqsruusiaqaqtut.

Matthew 11:5 Iomraidhean Croise

2 Kings 5:14

Tavraasii Naaman saaviłłuni Jordan-mun kiñił̣ł̣uni ilimiñik tallimat malġugni, Elisha-m piraksriutaatun, tavraasii iluqaġmi iłuaqsivḷuni. Uviñiŋa irrusiñiŋaruq miqłiqtum uviñiŋatun.

2 Kings 5:7

Umialgata Israel taiguaqamiuŋ tuyuun, aligaŋagaich annuġaani qanuqsausiipiallakhuni aasii uqaqłuni, “Qanuġluni umialga Syria-m isumayumiñaqpa uvamnun mamititchumiñaġnasugilugu una aŋun? God-iunasugivaŋaaptuma, suaŋŋatiqaġluŋa iñuggunmun suli tuqqunmun? Nalunaitchuq qanaaġutiksraqsiuqsiññaqtuq uvamnun!”

Psalms 146:8

Suli qiñillasipkaqługich ayauŋaruat. Makititchuugaich tamatkua ulġuŋasiruat; nakuaġigaich iluaqtualiqirauruat.

Psalms 22:26

Piiḷḷiuqtuat qanutulimaaq niġisuiqsuaġniaqtut; tamatkua qairuat Ataniġmun nanġaġniaġaat. Piḷḷuataqtuasuŋaiññaġlitchuq!

Exodus 4:11

Atanġum uqallautigaa, “Kia una iñuk qaniksritpauŋ? Kia tusaalaisitpauŋ naagga uqalaisitpauŋ? Kia tautullapkaqpauŋ naagga ayaupkaqpauŋ? Tavra uvaŋa, Atanġuruam.

Matthew 10:8

Iłuaqsisigik naŋittuat, aŋipkaqsigik tuquruat, mamititchigik kiḷḷiġruaqtuqtuat, anittaqsigik ilitqusiqł̣uich. Suaŋŋasiqsauŋarusi akiḷiġaluaġnagu, aasiiḷi atuqsiuŋ suaŋŋan akiiḷaaġlugu.

Matthew 11:4

Tavra Jesus kiuŋagik, Aullaġlutik quliaqtuaġutiyaqtutku John sunik tusaaravsiññik tautukkavsiññiglu.

Matthew 12:13

Tavrani ilaan uqallautiŋagaa iñuk, Isaakkich argaktin. Tavra isaaŋagai, aasii argaŋi iłuaqsirauŋarut igḷumiktun.

Matthew 21:14

Tavra ayauŋaruallu tusiattuallu ullautiŋarut Jesus-mun aŋaiyyuvikpaŋmi, aasii ilaan iłuaqsiŋagai.

Matthew 5:3

Quviasuglich tamatkua iḷisimaruat piqaqtuksrautilaamiŋnik God-im ikayuutaanik, qanuq ilaisa pigigaich God-im umialgutiŋi.

Matthew 9:30

Tavra iriŋik tautullasiŋaruk. Tavraasii Jesus piraksripiallaŋagik, Suuramikunnii uqaġnatik kimulliqaa.

Mark 7:37

Iluqaġmiŋ tusaaruat kamasupiaġataŋarut, uqaqłutiŋ, Ilaa savaŋaruq supayaanik piḷḷuataqługich. Ilaan tusiḷḷaqtuat tusaallasigai, uqayuitchuallu uqallasivḷugich.

Mark 9:25

Tavra Jesus tautukamigich iñuich qairuat aqpamik atautchimun, ilaan suaŋagaa ilitqusiqł̣uk, Ilivich ilitqusiqł̣uuk, uqalaisitchiruatiin tusaalaisitchiruatiillu anitqugikpiñ nukatpiaġruŋmiñ. Isitqigñak ilaanun.

Luke 4:18

“Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

John 10:25

Jesus kiuŋagai, Uqallautianiŋagaluaġivsi arguagigivsiŋa. Savaama ataniġnaqutaagun Aapama nalupqinaiyaġaluaġaa kiutilaaġa,

John 10:38

Aglaan savaaġigupkich God-im savaaŋi ukpiliutigisigik uvaŋaġruiññaq ukpiġiŋitkaluaġuvsiŋa. Tavraasii puttuqsriñiaqtusi nalupqisuŋaiġḷusi Aapam uvamniitilaaŋanik suli uvaŋa Aapamiitilaamnik.

John 2:23

Tavra ilaa Jerusalem-miinman Itqautaanni Qulaurrusiqiviŋmun niqinaqiviŋmi, iñugiaktuat ukpiŋarut ilaanun tautukamisigik aliuġnaqtuat pikkaŋi nalupqinaiyautit kiutilaaŋanun.

John 3:2

Taamna iñuk qaiŋaruq Jesus-mun unnuami aasii uqallautivlugu, Rabbi, iḷisimarugut iḷisaurrautilaaġnik qairuaq God-miñ, qanuq kialiqaa piyumiñaitkai tamatkua aliuġnaqtuat nalupqinaiyautauruat savaaġiratin, God-im itqatigiŋisuaqpani.

John 5:36

Aglaan savaatka ukpiġnałhamaaqtut John unnii quliaqtuaŋiñiñ uvapkun, qanuq savaat Aapam piraksriutigikkaŋi naatquvlugich iḷitchuġipkautaurut iñuŋnun Aapamun tiliŋatilaamnik.

John 9:7

uqallautivlugu ilaanun, Aullaġiñ iqaġiyaqtuaġiñ imaqsuanun Siloam, sivuniqaqtuam Tiliramik. Tavra ilaa aullaŋaruq aasii iqaġivluni. Utiŋaruq tautullasivḷuni.

Acts 2:22

Iñuŋi Israel, tusaasigik ukua uqaluich. Ilivsiññun God-im ukpiġnaqsiḷiŋagaa Jesus Nazareth-miu ilaan piksraqtaaġiŋatilaaŋanik, savakłuni ilaagun kamanaqtuanik, aliuġnaqtuaniglu. Taamna iḷisimagiksi, qanuq tamatkua piŋagai akunnavsiññi.

James 2:5

Piviuttaġikkavsii aniqatiit, naalaġnisitchi, God-im piksraqtaaġiŋagai piiḷḷiuqtuat mattumani nunami piiḷḷiuquŋił̣ł̣ugich ukpiġunmi, kiŋuvaannaquvlugiḷḷu atanniqsimaviŋmiñi unniqsuqłiisauŋaruamik ilaan piviuttaġirimiñun.