Matthew 11:1 - Iñupiatun Mumiksat Uqalugiksuat

¹ Tavra Jesus naatchikami iḷisaurrunmiñik qulit malġuk iḷitchitquramiñun, tavraŋŋa aullaŋaruq iḷisaurriyaqtuqłuni alġaqsruiyaqtuqłuniḷu nunaaqqiñun tamaaniittuanun.

Matthew 11:1 Iomraidhean Croise

Matthew 28:20

iḷisautilugich kamaksritqulugich iluqaiññik piraksriutigiŋaramnik ilivsiññun. Aasiuvva, itqatigigivsi ataramik, isuanunaglaan nunam.

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Matthew 7:28

Tavra Jesus uqaŋaiġataġman taapkuniŋa uqaluŋnik, iñusalaich kamasuutiqaŋarut iḷisaurrutiŋiñik,

Matthew 9:35

Tavra Jesus kukiḷuŋaruq iluqaiññi iniqpaŋni nunaaqqiuraniḷu, iḷisaurrivḷuni aŋaiyyuviŋiññi, alġaqsruivḷuniḷu tusaayugaaġiksuaŋiñik God-im atanniqsimmataata iñuŋnun, iłuaqsivḷugiḷḷu naŋirrutipayaat suaŋairrutipayaallu.

Mark 6:12

Tavra aullaŋarut, aasii alġaqsruivḷutiŋ iñuich isumalitqiksuksraunivḷugich piḷuunmiŋniñ.

Luke 23:5

Tavra iliŋich katchuŋaiñŋarut uqaqłutiŋ, Ilaan aŋalayyauġai iñuich, iḷisaurrivḷuni iluqaani Judea-mi, Galilee-miñqaŋa uumuŋaaglaan inimun.

Luke 8:1

Taavruma aquuraŋagun Jesus kukiḷuŋaruq iniqpaktigun nunaaqqiuratigullu, alġaqsruivḷuni tusaayugaaġiksuanik God-im atanniqsimmataagun iñuŋnun. Suli qulit malġuk kukiḷuqatigiŋagaat.

John 15:10

Ilivsi kamagiguvsigik pitquratka, piviuttaġipkaġniaqtusi uvamnun, uvaŋaptauq kamagimmatun Aapama pitquraŋi aasii piviuttaġipkaqłuŋa ilaanun.

John 15:14

Avilaitqatigigivsi kamaksriguvsi pitquramnik ilivsiññun.

Acts 1:2

uvlumun-aglaan mayuurrauvianun qiḷaŋmun. Mayuurrauŋaiñŋaan Ilitqusiġiksuam suaŋŋasiŋagaa piraksriiyumiñaqsivḷugu iñuŋnun piksraqtaaġiŋaraŋiñun tilisukługich.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

Acts 10:42

Aasii ilaan piraksriŋagaatigut alġaqsruitquvluta tusaayugaaġiksuanik iñuŋnun, suli uqalugaaġitquvlugu ilaagutilaaŋanik piksraqtaaŋa God-im isivġiquvlugich iñuuruallu tuquŋaruallu.

1 Thessalonians 4:2

Qanuq iḷisimagisi sut iḷisaurrutigiŋaravut ilivsiññun ataniġnaqutaagun Atanġum Jesus.

2 Thessalonians 3:10

Nayuŋŋavsiunnii uvagut piraksriŋagivsi inna, Iñuk kiñaliqaa savagulaitchuaq, niġiŋaiḷḷi.

2 Thessalonians 3:6

Aniqatiit, paŋmapak piraksriġivsi ataniġnaqutaagun Atanipta Jesus Christ, niguaqtuqsiuŋ iñuk kiñaliqaa ukpiqtuaguvluni ataramik iḷatchiqsuaq, kamagigaluaġnagu iḷisaurrutikput ilivsiññun.

1 Timothy 6:14

kamaksritquvlutin iluqaiññik ilaan piksraksriutiŋiññik iliŋnun, iñuŋmun kimulliqaa pasiyumiñaiġḷutin paŋmapaŋmiñ qaiñiŋanun aglaan Atanipta Jesus Christ.