Matthew 10:6 - Iñupiatun Mumiksat Uqalugiksuat

⁶ aglaan aullaqsiññaġitchi tammaŋaruatun imnaisun ittuanun Israel-guruani.

Matthew 10:6 Iomraidhean Croise

Psalms 119:176

Asivaġuguuruŋa imnaisun tammaaruatun; ullagluŋa qiñaaŋŋa, ilvich kivgan, suuŋiḷaqsriŋitchuŋakii ilvich pitquraġnik.

Matthew 18:10

Qaunagisitchi suuŋiḷaġitchaiḷisiuŋ atausiqunnii makua iḷaŋat miqłiqtutun iḷivḷuni ukpiqtuaguruaq uvamnun. Qanuq uqallautigivsi, qiḷaŋmi isaġuliŋich qakuguliqaa ullautillarut Aapamnun qiḷaŋmiittuamun.

Matthew 18:11

[Qanuq Iġñiŋa Iñuum qaiŋaruq annautiyaqtuqługich tammaŋaruat.]

Luke 24:47

Aasii pisigilugu ilaan piraŋa, tusaayugaaġiksuat God-im suliqutigiŋaiġutaagun itqaumayumiñaiġḷugich piḷuutit isumalitqiksuanun alġaqsruutigiraksrauvlugu nunapayaanun aullaqilugich Jerusalem-miñ.

Acts 13:46

Tavra Paul-lu Barnabas-lu uqaŋaruk iqsiŋaiqł̣utik, uqaqłutik, God-im uqalua uqautigiraksraupiaqtuq ilivsi sivulliġilusi Jews. Aasii ayyakavsiuŋ, sivunniqsusi ilivsiññik iñuusuŋił̣ł̣usi isuitchuamun. Iḷisimatitchi. Aullaġniaqtuguk Jew-guŋitchuanun.

Acts 18:6

Tavraasii akiḷḷiḷiqsuġmanni uqamaqłuutivluniḷu, ilaan ivsuktuŋagai annuġaani aasii uqallautivlugich, Annaurrauŋitkuvsi ilivsiññik pasiruksraurusi. Uvaŋa patchisauŋitchuŋa. Paŋmapaŋmiñ alġaqsruiñiaqtuŋa Jew-guŋitchuanun.

Acts 26:20

Aasii isagutiŋaruŋa Damascus-miñ Jerusalem-miḷḷu suli nunaaqqiñiñ iluqaani Judea-miittuani, akunġanniḷu Jew-guŋitchuat alġaqsruiŋaruŋa isumalitqiksuksraunivḷugich iñuich aasii mumigḷutiŋ God-mun, suli iñuuniaqtuksraunivḷugich iḷisimanaqsiḷugu allaŋŋuqtautilaaqtiŋ.

Acts 3:26

Tavraasii God piksraŋaruq, aasii tilivḷugu kivgani ilivsiññun, sivulliġivlusi anniqsuġukłusi iluqasi isumalitqiksillusi piḷuktuaniñ piḷġusivsiññiñ.

1 Peter 2:25

Qanuq tammaŋaruaguŋarusi imnaisun, aglaan paŋmapak utiŋarusi Imnaiḷiqirimun Qaunaksriŋannullu ilitqusivsi.