Matthew 10:41 - Iñupiatun Mumiksat Uqalugiksuat

⁴¹ Iñuk paġlaruaq uqaqtaanik God-im pisigivlugu uqaqtauniŋa God-mun aitchuusiaqaġniaqtuq uqaqtaata God-im akiḷiusiaŋatun. Suli iñuk paġlaruaq nalaunŋaruamik iñuŋmik pisigivlugu nalaunŋaniŋa, aitchuusiaqaġniaqtuq nalaunŋaruam iñuum akiḷiusiaŋatun.

Matthew 10:41 Iomraidhean Croise

Genesis 20:7

Aglaan uvva, qaitqiguŋ aġnaq uiŋanun. Uqaqtauruq God-mun, suli aŋaiyyutiniaġaatin, tuquŋitchumautin. Aglaan utiqtinŋisuaġupku, tavra kilikkikpiñ tuquniaqtutin, ilviḷḷu suli iluqaġmiŋ iñugiratin.”

Matthew 16:27

Qanuq Iġñiŋa Iñuum qaiyumaaqtuq piqatigilugich isaġuliŋni qaumanġagun Aapami, aasii tavrani akiḷiġḷugu iñupayaaq savaaŋigun.

Matthew 25:44

Tavraptauq iliŋisa kiuniaġaat, Ataniiq, qaŋa tautuŋavisigiñ kaaktillutin naagga imiġuksiupkaqłutin naagga iglaagupkaqłutin annuġaaksraisillutin naagga naŋinnavich, naagga tigutaaġviŋmi innavich aasii ikayuŋił̣ł̣utin?

Matthew 25:45

Tavra umialgum kiuniaġai, Iḷumun uqallautigivsi, ikayuġuŋiññavsiuŋ atausiqunnii makua iḷaŋat naglignaqtuat, ikayuġuŋiñŋagivsiŋa.

Matthew 6:1

Qaunagisitchi piraġausiqaġuŋiḷḷusi nagliktuutivsiññik qiñiqusaaqsiññaġlusi sivuġaŋanni iñuich. Tainnatuaġuvsi Aapavsi qiḷaŋmiittuam akiḷiġumiñaitkaasi.

Matthew 6:18

iñuich naluyumagaat niġiḷaiññiqsi aŋaiyyuuqłusi, aglaan Aapavsi nalunaqtuamiittuam iḷisimagaa, aasii Ilaan tautuaġiruam nalunaqtuami akiḷiġñiaġaasi.

Matthew 6:4

Nagliktuisitchi nalunaqtuakun, aasiiḷi Aapavsi tautullaruam nalunaqtuami akiḷiġñiaġaasi.

Matthew 6:6

Aglaan ilivsi aŋaiyyuguvsi, isiġitchi inauravsiññun aasii umiqqaaġlugu upkuaq aŋaiyyuaqsiḷusi Aapavsiññun nalunaqtuamiittuamun, aasiiḷi Aapavsi tautullaruam nalunaqtuami, akiḷiġñiaġaasi.

Matthew 7:8

Qanuq iñupayaaq qiññuaqtuqtuiññaqtuaq aitchuusiaqallaruq, suli ivaqłiatuiññaqtuaq paqitchivḷuni, iñuk suli tigluktuqtuiññaqtuaq upkuiġurriqaġniaqtuq.

Acts 16:15

Tavra ilaalu igluqatiniḷu paptaiqsauŋarut. Tavrani ilaan aiyugaaŋagaatigut uqaqłuni, Isummatigiguvsiŋa iḷumun ukpiqtuaġuġniḷuŋa Ataniġmun, qaisitchi iglumnun aasii tukkulusi. Tavra kamagiŋagikput.

Romans 16:23

Gaius-gum tukkuuruam uvamnun iluqaiññullu aŋaiyyuliqiruanun, paġlagaasi. Erastus-gum iniqpaum manniqiraata, Quartus-lu aniqatipta, paġlagaasi.

1 Corinthians 9:17

Alġaqsruisuksiññaġluŋa alġaqsruiguma akiḷiusiaqaġniaġaluaqtuŋa. Aglaan uvaŋa alġaqsruiŋitchuŋa pisuksiññaġluŋa, aglaan alġaqsruiruŋa God-im aitchuŋavluŋa savaaksrapiaġatamik.

Hebrews 6:10

Qanuq God nalaunŋaruq. Naluruuraaġniaŋitkaa ikayuutiksi, piviuttaqqullu iḷisimanaqtitaqsi savautikavsigik ukpiqtuat ilaa pisigivlugu, piḷġusivsisun paŋmapak.

2 John 1:8

Qaunagisitchi iliŋiññiñ asiñuurrauŋitchumausi aasii tammaiŋiḷḷusi akiḷiusiaksramik ilivsiḷu uvaŋalu siġġaqutigiŋaraptiŋnik aitchuusiaġiyumavlugu. Piññaktaġiniaqsiuŋ inuaŋaitchuaq akiḷiusiaksraqsi Ataniġmiñ.