Matthew 10:3 - Iñupiatun Mumiksat Uqalugiksuat

³ Philip-lu, Bartholomew-lu, Thomas-lu, Matthew-lu tax-nik katitchiri, James-lu iġñiŋa Alphaeus, Thaddaeus-lu,

Matthew 10:3 Iomraidhean Croise

Matthew 18:17

Naalaġnisuŋiḷgitpan, quliaqtuaġili aŋaiyyuliqiruanun, aasii naalaġnisuŋiḷgitpan aŋaiyyuliqiruanik iḷiuqsiuŋ aunniuġutiŋaisavsisun katitchiritullu tax-iñik.

Matthew 27:56

Iḷagiŋagaat Mary Magdalene, Mary suli aakaŋak James-lu Joseph-lu, aakaŋaglu iġñakisa Zebedee-m.

Matthew 9:9

Tavra Jesus aullaqłuni tavraŋŋa, tautuŋagaa iñuk atiqaqtuaq Matthew-mik aquppiruaq tax-iḷiqiviŋmi, aasii uqallautiŋagaa, Maliŋŋa. Tavra makiłłuni maliŋagaa.

Mark 15:40

Tavranivsauq aġnat qiñiŋarut uŋasiñiñ. Iḷagiŋagaich Salome, Mary-ḷu Magdalene, suli Mary aakaŋak James-lu kamanaiññiqsram Joses-lu.

Mark 2:14

Pisuallaġmi Jesus tautuŋagaa tax-nik katitchiri, Levi iġñiŋa Alphaeus, aquppiruaq akiḷiiviŋmi tax-iñik. Jesus uqallaŋaruq ilaanun, Maliŋŋa. Levi-m makiłłuni maliŋagaa Jesus.

Mark 3:18

aasii Andrew-lu, Philip-lu, Bartholomew-lu, Matthew-lu, Thomas-lu, James-lu iġñiŋa Alpheus, Thaddaeus-lu, Simon-lu Zealot-guruaq,

Luke 18:10

Malġuk iññuk aŋaiyyuvikpaŋmuŋaruk aŋaiyyuyaqtuqłutik. Igḷua Pharisee aasii igḷua tax-iñik katitchiri.

Luke 18:11

Pharisee makitavluni aŋaiyyuŋaruq inna, God, quyanaaġikpiñ iñuusiqaŋiññama allatun iñuktitun, piḷḷaturuatun, pitqiksiġaqtitun, allatuqtitun, naaggaunnii uumatun tax-iñik katitchiritun.

Luke 18:13

Tavrali tax-iñik katitchiri, makitavluni taavanisaaq, aaġluqsausiiñŋaruq unnii qiḷaŋmun, aglaan patiksiññaqługu satqani aŋaiyyuŋaruq inna, God nagligiŋŋa uvaŋa piḷuusiqiri.

Luke 19:2

Tavra iñuqaŋaruq atiqaqtuamik Zacchaeus-mik, umialguniqsuamik tax-iñik katitchirauruanun, suli suġalliruaguvluni.

Luke 5:27

Taavruma aquagun Jesus aniŋaruq, aasii tautuŋagaa tax-iñik katitchiri atiqaqtuaq Levi-mik, aquppiñiqsuaq tax-iḷiqiviŋmi. Tavra Jesus uqallautiŋagaa, Maliŋŋa.

John 1:48

Nathanael-gum uqallautiŋagaa Jesus, Qanuqłutin iḷisimaviŋa? Tavra Jesus kiuŋagaa, Philip-mun qaitquŋaiñŋaqpich tautuŋagikpiñ ataaniitillutin fig napaaqtuata.

John 11:16

Thomas taggisiqaqtuaq igḷuanik Malġim uqallautiŋagai iḷitchitqurauqatini, Uvagullu aullaqta tuquqatigiyumagikput Ataniq.

John 14:22

Judas Iscariot-guŋitchuaq uqallaŋaruq ilaanun, Ataniiq, qanuġlutin iḷisimapkaġniaqpich uvaptiŋnun, iḷisimapkaġaluaġnak nunam iñuŋiñun?

John 14:5

Thomas uqallautiŋagaa, Ataniiq, nalurugut sumugniaqtilaaġnik, qanuġlugu iḷisimaniaqpisigu apqun?

John 14:9

Jesus uqallautiŋagaa, Itqatigiŋagaluaġikpiñ sivisuruamik, naluviŋa suli Philip? Iñuum tautuŋaruam uvamnik tautuŋammigaa Aapa. Qanuġlutin uqallakkumiñaqpich, tautuktittigut Aapamik?

John 21:2

Simon Peter, Thomas taggisiqaqtuaq igḷuanik Malġim, Nathanael Cana-miu Galilee-miittuami, iġñiŋiglu Zebedee-m, suli malġuk allak iḷaŋich iḷitchitquraŋisa atautchimiinŋarut.

Acts 1:13

Tavra tikiññamiŋ Jerusalem-mun mayuŋarut qiḷaguamun inigikkamiŋnun, Peter-lu John-lu James-lu Andrew-lu Philip-lu Thomas-lu Bartholomew-lu Matthew-lu James-lu iġñiŋa Alphaeus, Simon-lu Zealot-guruaq, Judas-lu iġñiŋa James.

Acts 12:17

Tavra urriqavluni argaŋmiñik nipaiquŋagai, aasii quliaqtuaġutiŋagai qanuq Ataniġmun annisisilaamiñik tigutaaġviŋmiñ. Tavra uqallaŋaruq, Quliaqtuaġiyumagiksi taamna James-mun, aniqatiinullu. Tavraniasii ilaa aullaŋaruq allamun inimun.

Acts 15:13

Tavra uqaaniŋmata, James uqallaŋaruq, Aniqatiit, naalaġnisiŋa.

Acts 21:18

Uvlaakumman Paul piqasiŋagaatigut tautugiaqługu James, aasii umialiŋnat iluqaġmiŋ tavraniinŋarut.

Galatians 1:19

Aglaan tautuŋiñmigitka nalliat-unnii allat tiliraunikun alġaqsruirit aglaan James, Atanġum aniqataa.

Galatians 2:9

Tavra James-lu Cephas-lu John-lu suaŋavlutiŋ sivulliuqtauniqsuat, puttuqsrikamiŋ God-im nagliktuutiqpaŋanik uvamnun, aitchuqłuŋa taavrumiŋa savaamik, iḷisimanaqsiŋagaat ikayuqtigiiksilaaptiŋnik iḷalivḷunuk, uvaŋalu Barnabas-lu, atisivḷutiŋ alġaqsruitquvlunuk kiikaa Jew-guŋitchuanun, iliŋiḷḷi alġaqsruiñiaġnivḷutik-suli Jew-guruanun.

James 1:1

James, kivgaŋa God-im Atanġuvlu Jesus Christ, tuyuqtuq paġlatinik iluqaiññun God-im iñuŋiñun siaminŋaruanun iluqaani nunami.

Jude 1:1

Jude kivgaŋata Jesus Christ suli aniqataata James-gum tuyuġigai ukua iñuŋnun ququaŋakkaŋiñun God-im, piviuttaġikkaŋiñun God-im Aapam ukpiġutiqaqtituiññakkaŋiñullu Jesus Christ-gum.