Matthew 10:2 - Iñupiatun Mumiksat Uqalugiksuat

² Atiŋich qulit malġuk tilirauruat uvva, sivulliq, Simon tairauruaq Peter-mik, Andrew-lu ilaan aniqataa, James-lu, John-lu iġñiŋik Zebedee-m,

Matthew 10:2 Iomraidhean Croise

Matthew 17:1

Tavra itchaksrat uvlut pianiŋmata Jesus piqasiutiŋagai inmiñun Peter-lu, aniqatigiigḷu James-lu John-lu, aasii aullautivlugich qutchiksuamun iġġimun kisiisa.

Matthew 20:20

Tavra aakaŋakta iġñakisa Zebedee-m ullaŋagaa Jesus, piqatigivlugik iġñagni, sitquqłuni sivuġaanun qiññuaġvigiŋagaa pisitquvlutiŋ.

Matthew 26:37

Aasii piqasiutivlugich ilimiñun Peter-lu malġuglu iġñiŋik Zebedee-m, ilaa ipiqtutcharraqsiŋaruq iłuiḷḷiurraqsivḷuniḷu.

Matthew 4:18

Jesus pisuaġniallaġmi siñaagun tasiata Galilee-m, tautuŋagik aniqatigiik, Simon tairauruaq Peter-mik, Andrew-lu aniqataa, kuvriqsuak tatchimun, iqalugniaqtauvlutik.

Matthew 4:21

Tavraŋŋa aullalgiññami Jesus tautulgitkik malġuksuli aniqatigiik, James-lu John-lu Zebedee-m iġñiŋik, umiuramiinniqsuat Zebedee-lu aapariŋ, allaiyaqługich kuvratiŋ. Ilaan ququaŋagik.

Mark 1:29

Tavra anikamiŋ aŋaiyyuviŋmiñ, tavrauvvaa isiŋarut igluagnun Simon-lu Andrew-vlu, tuvaaqatigivlugik James-lu John-lu.

Mark 13:3

Tavra Jesus aquppiŋaruq iġġiani Olives qiñiqługu aŋaiyyuvikpak. Peter-lu James-lu John-lu Andrew-lu ullautiŋarut ilaanun iñuiġman.

Mark 6:30

Tavra tilirauŋaruat iḷitchitqurat utiŋarut Jesus-mun, aasii quliaqtuaġutivlugu supayaanik, savaamiŋniglu, suniglu iḷisaurrutigikkamiŋnik.

Luke 11:49

Taamna pisigivlugu God isumaturuaq uqallaŋaruq inna, Tilisiñiaqtuŋa iliŋiññun uqaqtimnik alġaqsruiriñiglu. Iḷaŋich ilaisa iñuktaġiniaġaich, suli nagliksaaqtillugich iḷaŋich.

Luke 22:14

Tavra ikarraq tikiñman, Jesus aquvinŋaruq niġġiviŋñun piqatigivlugich tilirat iḷitchitqurani.

Luke 22:8

Tavra Jesus tiliŋagik Peter-lu John-lu uqallakłuni, Aullaġlutik itqanaiyautiyaqtuqtigut qulaurrusiqinikun niġiyumaugut.

Luke 5:10

Taapkuagluami James-lu John-lu iġñiŋik Zebedee-m alġaiguruak Simon-mun. Tavra Jesus uqallautigaa Simon, Iqsiñak. Iqalugniaġusiqsun, tavraŋŋaaglaan iñunnagniaġniaqtutin.

Luke 9:10

Tavra tilirauŋaruat iḷitchitqurat utiqamiŋ, quliaqtuaġutiŋagaat Jesus savaamikkun. Tavra ilaan piqasiutiŋagai aasii aullautivlugich iñuił̣aamun qaniŋanun nunaaqqim Bethsaida-m.

John 12:22

Philip aullaqłuni uqallautiŋagaa Andrew. Tavra Andrew-vlu Philip-lu uqallautiŋagaak Jesus.

John 13:23

Iḷaŋat iḷitchitquraŋisa, Jesus piviuttaġikkaŋa, ikusiksimaaŋaruq qaniłłuni Jesus-mun.

John 20:2

Tavra aqpamik aullaŋaruq Simon Peter-mun allamullu iḷitchitquramun taavrumuŋa Jesus piviuttaġikkaŋanun, aasii uqallautivlugik, Aullautiniġaat Ataniq iḷuvviviŋmiñ, aasii nalugikput sumun iḷisilaaŋanik.

John 21:2

Simon Peter, Thomas taggisiqaqtuaq igḷuanik Malġim, Nathanael Cana-miu Galilee-miittuami, iġñiŋiglu Zebedee-m, suli malġuk allak iḷaŋich iḷitchitquraŋisa atautchimiinŋarut.

John 21:20

Peter-m kiŋiaqłuni tautuŋagaa iḷitchitquraq Jesus piviuttaġiraŋa maliktuaq inmiŋnun. Taamnauŋaruq iḷitchitquraq ikusiksimaaŋaruaq qaniłłuni Jesus-mi nullautchiqamiŋ aasii apiqsrivḷuni, Ataniiq, kia aitchuutiginiaqpatin?

John 21:24

Taamna iḷitchitquraq taamnauruq quliaqtuaqtuaq tamatkuniŋa, suli ilaaguruq aglaktuaq tamatkuniŋa, aasii iḷisimarugut ilaan quliaqtuaŋi iḷumun ittut.

John 6:67

Jesus uqallaŋaruq qulit malġugnun, Ilivsivsauq aullaġniaġmivisi?

John 6:70

Jesus kiuŋagai, Piksraqtaaġiŋagivsi, ilivsi qulit malġuk, naaggauvva iḷari tuunġauruq.

John 6:71

Uqautigiŋagaa Judas iġñiŋa Simon Iscariot, qanuq iḷaŋata qulit malġuk aitchuutigiyumaaŋagaa.

John 6:8

Iḷaŋata iḷitchitquraŋisa, Andrew-m Simon Peter-m aniqataata, uqallautiŋagaa Jesus.

Acts 1:13

Tavra tikiññamiŋ Jerusalem-mun mayuŋarut qiḷaguamun inigikkamiŋnun, Peter-lu John-lu James-lu Andrew-lu Philip-lu Thomas-lu Bartholomew-lu Matthew-lu James-lu iġñiŋa Alphaeus, Simon-lu Zealot-guruaq, Judas-lu iġñiŋa James.

Acts 1:26

Tavra tiguullaivḷutiŋ atiġnik piksraqtaaġiŋagaat Matthias. Tavra Matthias iḷḷatiŋagaat qulit atautchimun tilirauruanun.

Acts 12:2

Ilaan tuqutinŋagaa savikpaŋmik James aniqataa John.

Acts 3:1

Tavra Peter-lu John-lu aŋaiyyuvikpaŋmuŋaruk aŋaiyyunaqsimman piŋasunuŋman.

1 Corinthians 15:7

Tautuktinŋammiuq suli James-mun, maanna iluqaiññun tiliraŋiñun God-im.

Ephesians 4:11

Aasii aitchuutiŋi innasiuŋarut, iñuich iḷaŋich tilirautquvlugich, iḷaŋich uqaqtautquvlugich God-mun, iḷaŋich tusaayugaaġiksuanik alġaqsruitquvlugich, iḷaŋich aŋaiyyuliqsautquvlugich iḷisaurrautquvlugiḷḷu.

Hebrews 3:1

Tavraasii, aniqatitkaa, ilaaguaqtauvlusi God-mun, piqatauruasii iluqasi ququakkaŋasii God-im qiḷaŋmiittuam, isumalaaġutigisiuŋ Jesus God-im tiliŋakkaŋa aŋaiyyuliqsiqpaŋnun qaukłiuruaq ukpiġikkaptiŋnun.

1 Peter 1:1

Peter, tiliraŋa Jesus Christ, tuyuqtuq God-im iñuksraqtaaŋiñun iñuuruanun pigruŋavlutiŋ nunaaqqiñun Pontus-mun Galatia-mullu Cappadocia-mullu Asia-mullu Bithynia-mullu.

2 Peter 1:1

Simon Peter, kivgaŋa tiliŋaraŋalu Jesus Christ, tuyuqtuq ukuniŋa iñuŋnun ukpiġutiniŋaruanun piqpaŋnaqtuamik uvaptiktuttauq, nalaunŋasipkaqtiqaŋaruanun God-mik Ataniptiŋniglu Jesus Christ-mik.

2 John 1:1

John umialiŋnauruaq tuyuqtuq ukuniŋa aġnamun God-im piksraqtaaŋanun miqłiqtuŋiñullu piviuttaġipiaġatakkamnun. Kisimałhiñaq piviuttaġiŋitkivsi aglaallu iluqaġmiŋ iḷisimaruat God-im iḷumun ittuaŋanik,

3 John 1:1

John umialiŋnauruaq tuyuqtuq ukuniŋa avilaitqatipiamnun Gaius-mun, piviuttaġipiaġatakkamnun.

Revelation 1:1

Ukunani taiguani aglausimarut sut Jesus Christ salapqikkaŋi. Ilaanun God-im qaiñŋagai qiñiqtitquvlugich kivgamiñun sut piñasuaqtuksraupiaqtuat. Christ tamarra iḷitchuġipkaŋagai kivgamiñun John-mun tilivḷugu isaġulini ilaanun.

Revelation 1:9

Uvaŋa John-guruŋa, aniqatiksi atausiŋŋuqatauŋavluŋa piqatigigivsi nagliksaaġutini pisigivlugu Christ, piqatigipkaqtuaq ilivsiññun atanniqsimmanmiñi, suli piqatigipkaqłuni ilivsiññun qimmaksaliyairrunmi Jesus Christ pigipkakkaŋani uvaptiŋnun. Qikiqtamuktitauŋaruŋa atiqaqtuamun Patmos-mik pisigivlugu alġaqsruiñiġa God-im uqaluanik pisigivlugulu quliaqtuaqaġniġa iḷisimakkamnik Jesus Christ-kun.

Revelation 18:20

Quviasukpautigiuŋ qiḷaak suksraunġiqsauniŋa. Quviasukpagitchi God-im iñuŋi tilirauruasiḷu uqaqtauruasiḷu God-mun, qanuq God-im tatavsaŋagaa iniqpak savaaŋigun.

Revelation 22:8

Uvaŋauvva John-guruŋa tusaaŋaruaġlu tautuŋaruaġlu tamatkuniŋa iluqaiññik. Aasii tusaaganikapkich tautuanikługiḷḷu punŋaruŋa isigaŋiñun isaġulgum qiksigivlugu qiñiqtitchiruaq tamatkuniŋa uvamnun,