Matthew 10:16 - Iñupiatun Mumiksat Uqalugiksuat

¹⁶ Uvva, aullaqtitkivsi imnaisun akunġannun amaqqut, iḷimasuktuaġitchiasii nimiġiatun suli anniaqłiŋisigilusi tiŋmiatun.

Matthew 10:16 Iomraidhean Croise

Genesis 3:1

Nimiġiagguuq pisaasuġniqsrauŋaruq niġrun Atanġum God-auruam savaaġiŋaraŋiññiñ. Nimiġiam apiġigaa aġnaq, “God-im tavra uqallautipiaqpatin niġitquŋił̣ł̣utin nallipayaaŋanniñ napaaqtut nautchiaqagvigmi?”

Genesis 3:13

Atanġum God-auruam apiġigaa aġnaq, “Summan tainna piruatin?” Aġnam kiugaa, “Nimiġiam pisaasuġmiaġunmigun sagluqivluŋa niġipkaġaaŋa.”

Matthew 24:25

Uvva, kilikkivsi piyumaaqtuat sivuanni.

Matthew 24:45

Kiuniaqpaasii ukpiġnaqtuaguvluni isumaturuaguvluniḷu kivgaq? Taamnauniaqtuq kivgaq atanġata qaukłiḷiutiniakkaŋa allanun kivganun niqiksritqulutiŋ piñaqsikpan.

Matthew 25:2

Tallimat taapkunani isumatupiaŋitchuat, aasii tallimattauq isumaturuaguvlutiŋ.

Matthew 25:4

Aglaan isumaturualli uqsritqiutiksraligaaġniġaich qullisiŋ.

Matthew 25:9

Isumaturuagutiŋisa kiugiññaŋagaich, Iḷaanniuvagut naamaniaŋitkisiuraaġmiugut uvaptiŋnullu ilivsiññullu. Aullaqsiññaġitchi tuniaksraliŋnun aasii tauqsiġḷusi uqsruksravsiññik.

Luke 10:3

Aullaġitchi. Uvva, tiligivsi imnaiyaatun akunġannun amaqqut.

Luke 21:15

Qanuq aitchuġniaġivsi uqaluksravsiññik isumattutiksravsiññiglu. Nalliataunnii uumigirivsi igḷutuġumiñaisaŋannik qapiqtaġumiñaisaŋanniglu.

Acts 20:29

Iḷisimaruŋa aullaanikkuma, iḷisaurriruat iḷumun inŋitchuanik iqsiñaqtuatun amaqqutun akunnaaġutiniaqtut ilivsiññun, aasii ukpiġutaiqsinniaġniaġaich ukpiqtuat.

1 Corinthians 14:20

Aniqatiit, miqłiqtutun kaŋiqsisiqaġnasi Ilitqusiġiksuam aitchuutiŋigun, aglaan irrusiqaġitchi iñuguaksraiŋaruatun. Aglaattauq, ittitchi miqłiqtuuratun kaŋiqsisivsiññi pigiitchuamik.

2 Corinthians 1:12

Quyaruŋa isumama killuliqirualiŋiñmaŋa itqaġaġikapku iñuuniaġusiġa sivuġaanni iñupayaat, ilivsił̣haaġluami takkuvsiññi, qanuq iñuuŋaruŋa piḷuutaitchuakun piŋŋuaġutaitchuakullu sivuġaani God-im. Iluqaan iññiqiniġa aulanŋitkaa iñugruiññaum pisaasuutaata, aglaan God-im nagliktuutiqpaŋata.

2 Corinthians 11:14

Aasii aliuġnaitchuq, qanuq Satan unnii isaġulgatun qaummaum iḷiŋŋuaġuuruq.

2 Corinthians 11:3

Siŋñagigivsi, anayasukłuŋa asiñuurraunasugalusi iḷumun ittuamiñ piviuttaqqunmiñ Christ-mun, Eve-tuttauq nimiġiam sagluqikkaŋatun pisaasuġmiaġunmigun.

2 Corinthians 8:20

qaunakłaaġuktugut aŋalatchiñiptigun taapkuniŋa aitchuutisalaŋnik maniŋñik, kimulliqaa iḷimagiyumiñaiġḷuta.

Philippians 2:15

pasiñaġumiñaitchumausi iḷumutuuqtuagulusiḷu God-im miqłiqtuŋi, qanuqinniġausiaksraiḷḷusi iñuullavsi akunġanni pigiitchuat uniuŋaruallu iñuich. Akunġanni tainnatchich iñuich taaqtuatun ittuat, ilivsi qaummaġiksuksraurusi qaummatitun,

Colossians 1:9

Taimaŋŋaqaŋa uvlumiñ tusaaviptiŋniñ taavrumiŋa, aŋaiyyutigivsi-suli, apiġivlugu God ataramik ikayuquvlusi iḷitchuġipiaquvlugu qanuq God-mun pitqutilaaqsi, Ilitqusiġiksuamun isumatusipkaquvlusi kaŋiqsipkaquvlusiḷu sumik God-im pitquyumakkaŋanik ilivsiññun.

Colossians 4:5

Piqataukavsi ukpiŋaitchuanun aŋalataġisitchi ilivsiññik isumattutikun, atuġlugu piviksraq quliaqtuaġilugich tusaayugaaġiksuat.

1 Thessalonians 2:10

Iḷisimarusi, God-ttauq iḷisimammiuq, uvagut iññiqusiqput ilivsiññik ukpiqtuanik piḷuutaiñŋaruq, suli nalaunŋavluni, pasiñaġumiñaił̣ł̣uniḷu.

1 Thessalonians 5:22

Piiññiaġitchi qanusipayaamiñ pigiitchuamiñ.