Matthew 10:1 - Iñupiatun Mumiksat Uqalugiksuat

¹ Tavra Jesus qaitquŋagai inmiñun qulit malġuk iḷitchitqurani aasii suaŋŋasiŋagai ilitqusiqł̣uiyaiḷḷasivḷugich, suli iłuaqsiriyumiñaqsivḷugich naŋirrutipayaanik suaŋairrutipayaaniglu.

Matthew 10:1 Iomraidhean Croise

Matthew 19:28

Jesus uqallautiŋagai, Iḷumun uqallautigivsi. Nunatchiami, Iġñiŋa Iñuum aquvitpan kamanaqtuanun umialgum aquppiutaŋiñun, ilivsi iḷitchitqurat maliġuaŋaruasii uvamnik aquppiñiaġmiusi qulit malġugni umialgich aquppiutaŋiññi, isivġiġḷugich qulit malġugnik maŋŋuqaqtuat Israel.

Matthew 26:20

Unnuksraaġmagu, Jesus aquvinŋaruq niġġiviŋñun piqatigivlugich qulit malġuk iḷitchitqurani.

Matthew 26:47

Jesus uqaġniaqtillugusuli Judas qaiŋaruq, iḷaŋat qulit malġuk, piqatiqaqłuni iñusalaŋnik savikpiraqtuanik anautchiraqtuaniglu, qairuanik aŋaiyyuliqsiqpaŋniñ umialiŋnaŋiññiḷḷu Jew-guruat.

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Matthew 6:13

Suli ikł̣igutchaktinniaqtinnatigut, annautilutalu piḷuktuamiñ. [Qanuq ilivich umialgurutin suaŋŋatiqaqłutin kamanautiqaqłutillu isuitchuamun. Aamian.]

Matthew 9:35

Tavra Jesus kukiḷuŋaruq iluqaiññi iniqpaŋni nunaaqqiuraniḷu, iḷisaurrivḷuni aŋaiyyuviŋiññi, alġaqsruivḷuniḷu tusaayugaaġiksuaŋiñik God-im atanniqsimmataata iñuŋnun, iłuaqsivḷugiḷḷu naŋirrutipayaat suaŋairrutipayaallu.

Matthew 9:38

Tavraasii qiññuaqtuġitchi Atanġanun nautchiaqaġvium tilisivsaaqulugu savaktiksravsaamiñik.

Luke 10:19

Uvva, suaŋŋasiŋagivsi tunmaġumiñaqsivḷusi nimiġianun igutchaqpaŋnullu kapputiliŋnun, suli payariyumiñaqsivḷugu iluqaan suaŋŋataa uumigirim, suli sum anniġumiñaitkaasi.

Luke 21:15

Qanuq aitchuġniaġivsi uqaluksravsiññik isumattutiksravsiññiglu. Nalliataunnii uumigirivsi igḷutuġumiñaisaŋannik qapiqtaġumiñaisaŋanniglu.

Luke 24:49

Aasiuvva, uvaŋa tiliñiaġiga ilivsiññun unniqsuqłiisaa Aapama. Aglaan utaqqiruksraurusi iniqpaŋmi, God-im suaŋŋataa atqaqsiaġilugu ilivsiññun.

Luke 6:13

Tavraasii uvluġman, ilaan qaitquŋagai iḷitchitqurani, aasii piksraġvigivlugich qulit malġugnik, tairauruanik ilaan tiliraŋiñik.

John 17:2

qanuq ilivich ataniġnaqusiŋagiŋma kamanałhaaġumiñaqsivḷuŋa iñupayaaniñ. Taamna pisigivlugu iñuupkaiyumiñaqtuŋa isuitchuamun iluqaiññik qaisaġnik uvamnun.

John 3:27

John kiuŋagai, Iñupayaaq piyumiñaqtuq kisianik God-im pitqukpani.

John 3:35

Aapam piviuttaġigaa Iġñiq, aasii aitchuutigiŋagai supayaat ilaanun.

John 6:70

Jesus kiuŋagai, Piksraqtaaġiŋagivsi, ilivsi qulit malġuk, naaggauvva iḷari tuunġauruq.

Acts 1:8

Aglaan Ilitqusiġiksuam qaigumi ilivsiññun suaŋŋasiġñiaġaasi quliaqtuaġumiñaqsiḷusi tusaayugaaġiksuanik uvapkun Jerusalem-mi, iluqaaniḷu Judea-mi, Samaria-miḷu, uŋasigñiqsraŋiññullu nunam.

Acts 19:15

Tavra ilitqusiqł̣uum kiuŋagai, Jesus iḷisimagiga, Paul iḷisimammigiga, aglaan ilivsi kitkuuvisi?

Revelation 12:1

Tavra kamanaqtuaq aliuġnaq salapqiŋaruq qiḷaŋmi. Aġnaq annuġaalik siqiñiġmik, tatqiq isigaŋisa ataaniiłłuni, suli niaqqumiñi niaquġutiqaqłuni qulit malġugnik uvluġianik.