Matthew 1:6 - Iñupiatun Mumiksat Uqalugiksuat

⁶ Jesse aapagigaa Umialgum David. David-li aapagigaa Solomon-gum, aakaqaqtuam Uriah-m nuliakkaluaŋanik.

Matthew 1:6 Iomraidhean Croise

2 Samuel 11:3

Tavraasii tilisimaruq kiliktuirimik iḷitchuġitquvlugu kiummagaan, aasii iḷitchuġivluni Bathsheba-autilaaŋanik, paniŋa Eliam-gum suli tuvaaqataumaruaq Uriah-mun Hit-miuguruamun.

2 Samuel 23:1

David iġñiŋa Jesse-m, God-gum kamanaqsiraupkaqtaŋa, God-iŋata Jacob-gum umialiksraqtaaġiraŋa, suli ilaa atuutilluatanik atuusiuŋammiuq Israel-mun. Uvva ukua David-gum aqulliich uqaluŋich:

2 Samuel 23:39

Uriah Hit-miuguruaq. Iñugiaktigiŋarut iñuiññaq akimiaq malġuktun (37) taapkua suaŋaruat aŋuyaktit.

1 Kings 15:5

Atanġum tainna nalautitinŋagaa David-kii savaguuŋavluni iviġaumagiraŋiñik suli kamagiŋitchuiñŋavlugu piraksriutiŋiñik, aglaan kisian nalautinŋaruaq Uriah-kun Hit-miuguruakun.

Psalms 72:20

Tavra isukłitchut aŋaiyyutai David iġñiŋata Jesse-m.

Matthew 1:5

Salmon-li aapagigaa Boaz-gum, Rahab-mik aakaqaqtuam. Boaz-li aapagigaa Obed-gum, aakaqaqtuam Ruth-mik. Obed-li aapagigaa Jesse-m.

Romans 8:3

God-im piŋagaa pitqurat qaisauruat Moses-kun piyumiñaisaŋat. Pitqurat iñuk suuramikunnii nalaunŋasiyumiñaiñŋagaat, qanuq piḷuusiqirauvluni kamagilaitkai pitqurat. Aglaan God-im tiliŋagaa Iġñini timiqaġlugu iñuutquvlugu uvaptiktun, piḷuksiŋaitchuq aglaan. God-im Iġñiŋan akiḷiŋagai piḷuutivut, aasii taamna pikamiuŋ, suaŋŋataiŋagaa piḷuun aŋalatchiyumiñaiqł̣ugu uvaptiŋnik.

1 Samuel 16:1

Ataniq uqallaktuq Samuel-mun “Qanutun imña qiñuniaqpiuŋ Saul? Umialiguŋaiŋagiga Israel-mun. Aglaan akkupak olive uqsruŋanik piḷutin Bethlehem-mugiñ, aŋunmun atiqaqtuamun Jesse-mik, qanukkii iġñiġutiiŋisa iḷaŋat umialiksraqtaaġigiga.”

1 Samuel 17:12

David iġñiġigaa Jesse-m, Ephrath-miuguruam Bethlehem-miñ Judah-miittuamiñ. Jesse iġñiqaġniqsuq tallimat piŋasunik, aasii taimani Saul umialgumman, ilaa aŋayuqaksraġuaniŋamaruq.

1 Samuel 17:58

Saul-gum apiqsruġaa, “Nukatpiaq, kia iġñiġivatin?” “Iġñiġigaaŋa kivgaqpich Jesse-m Bethlehem-miuguruam,” David-gum kiugaa.

1 Samuel 22:8

Tainnamik uvva sivunniuqpisi akiḷḷiġuġluŋa? Nallivsiunnii uqallautiŋaitkaanŋa uvaŋa nanmiñiq iġñiġa piqasiutiŋatilaaŋanik David-mun. Kia unnii isumaalugiŋitkaaŋa naaggaunnii uqallautiluŋa David-gum, iḷaŋat iñugma, qiñaatilaaŋanik akkupak tuqutchukłuŋa, suli uvaŋa nanmiñiq iġñiġma qapiŋaisaaġmivḷugu!”