Matthew 1:21 - Iñupiatun Mumiksat Uqalugiksuat

²¹ Iġñiqaġniaqtuq, aasii atchiġisigiñ Jesus-mik, qanuq ilaan annautiniaġai iñuŋni piḷuutiŋiññiñ.

Matthew 1:21 Iomraidhean Croise

Genesis 17:19

Aglaan God uqallaktuq, “Naumi. Tuvaaqatin Sarah iġñiqaġniaqtuq aasii atchiġñiaġiñ Isaac-mik. Inillagniaġiga sivunniuġutiga ilaanun kiŋuvaaġiniaqtaŋiññullu taimuŋa isuitchuamun. Sivunniuġun inniaqtuq isuksraiḷaamun.

Genesis 17:21

Aglaan sivunniuġutiga inniaqtuq iġñiġnun Isaac-mun, aniñiaqtuamun Sarah-miñ innaiḷikpan ukiutqigu.”

Genesis 18:10

Iḷaŋat uqallaktuq, “Ukiutqigu tainnaiḷikpan qaitqiġñiaqtuŋa, aasii tuvaaqatin Sarah iġñiqaŋaniaqtuq.” Sarah tunuanniiłłuni taapkua inuich, tupqum paaŋani, naalaġniŋaruq.

Matthew 1:25

Aglaan aŋalanŋaitkaa nuliaġiruatun iġñianigataqtillugu aŋunmik, aasii Joseph-gum atchiŋagaa Jesus-mik.

Luke 1:13

Tavra isaġulgum uqallautiŋagaa, Iqsiñak Zechariah, qanuq God-im tusaaŋagaa aŋaiyyutin, aasii nulian Elizabeth iġñiqaġniaqtuq. John-mik atchiġñiaġiñ.

Luke 1:31

Uvvaasii siŋaiyauniaqtutin aasii iġñiqaġlutin. Atchiġumagiñ Jesus-mik.

Luke 2:11

Qanuq uumani unnuami aniruq annaurriksi, iniqpaŋani David, Christ-guruaq Ataniq.

Luke 2:21

Tavra tallimat piŋasut uvlut naanmata, nalunaiñŋutchiqsauganiŋman, atchiqsauŋaruq Jesus-mik, atchiutiksrirrutaanik isaġulgum siŋaiyaagusaŋaiñŋaan.

John 1:29

Uvlutqiŋman John-gum tautuŋagaa Jesus qairuaq tuŋimiñun, aasii uqallaŋaruq, Avva, Imnaiyaaŋa God-im piiqsiruaq piḷuutiŋiññik nunam iñuŋisa.

John 4:42

Tavra uqallautiŋagaat aġnaq, Ukpiliŋaitchugut uqaluktin pisigigiññaġlugich, qanuq naalaġniŋagikput uvaptiŋnik, aasii iḷitchuġirugut ilaa iḷumutun Annaurriginiġaat iñuich.

Acts 13:23

Iḷaŋat David kiŋuniŋisa, Jesus, God-im unniqsuqłiisigiŋagaa annaurrigitquvlugu Israel-guruanun.

Acts 3:26

Tavraasii God piksraŋaruq, aasii tilivḷugu kivgani ilivsiññun, sivulliġivlusi anniqsuġukłusi iluqasi isumalitqiksillusi piḷuktuaniñ piḷġusivsiññiñ.

Acts 4:12

Iñuitchuq allamik annaurriksraptiŋnik, qanuq allamik iñuitchuq iluqaani nunami God-im atchiŋakkaŋanik uvagut annaurrigiyumiñakkaptiŋnik.

Acts 5:31

God-im kamanaqsipkaŋagaa inillakługu taliqpiŋmi tuŋaanun Aullarriġuqługu Annaurriġuqługulu, iñuich Israel-guruat isumalitqikkumiñaqsivḷugich, piḷuutitiŋ suliqutigiŋaiqsaupkaġlugich itqaumayumiñaiġḷugich.

Titus 2:14

Tuquvluni aitchuutigiŋaruq inmiñik uvaptiŋnun atanniqsimaŋaiqsitchaqłuta iluqaanun pigiitchuamun, ilaaguaqsaqłuta ilaan iñugisukłuta, kipiġniuqtuaguut nakuurualiqisukłuta.

Hebrews 7:25

Tainnaiłłuniasii ilaan ataramik annautiyumiñaġai tamatkua qalliḷaaqtuat God-mun inmigun, qanuq iñuuruq ataramik qiññuaqtuutisukługich God-mun.

1 John 1:7

Aglaan iñuuniaqtuagugupta qaummaġmi, ilaatun qaummaġmiittuatun, piqaqtugut iḷammiuġunmik avanmun, suli auŋata Jesus ilaan Iġñiŋan salummaqsimaaġaatigut piḷuutipayaaniñ.

1 John 3:5

Iḷisimarusi Christ salapqiŋatilaaŋanik piiġiaqługich piḷuutivut, aasii ilaa piḷuutaitchuq.

Revelation 7:14

Ilaa kiuŋagiga, Ilivich iḷisimarutin. Aasii ilaan uqallautiŋagaaŋa, Tamarra taapkuagurut pilluktuat kamanaqtuamiñ nagliksaaġutiqpaŋmiñ, iqaġiŋagaich annuġaatiŋ aasii qatiqsivḷugich auŋanik Imnaiyaam.

1 Samuel 1:20

Tavraasii siŋaiyauŋaruq aasii iġñivḷuni aŋutaiyaamik. Atchiŋagaa Samuel-mik innaqłuni, “Apiqsriaġiŋaraġa Ataniġmiñ.”