Matthew 1:18 - Iñupiatun Mumiksat Uqalugiksuat

¹⁸ Tavra aniñiŋa Jesus Christ piŋaruq inna. Aakaŋa Mary piksrausiutauganikami Joseph-mun, tuvaaqatigiiksinŋaiñŋaġmik, iḷitchuġiŋaruq siŋaiyautilaamiñik Ilitqusiġiksuakun.

Matthew 1:18 Iomraidhean Croise

Genesis 3:15

Uumikkutigiiksinniaġivsik aġnaġlu; iluqasik kiŋuvaasik uumikkutigiiguuniaqtut. Kiŋuvaaŋata karugniaġaa niaqqun, aasiiḷi kiŋuvaaqpich kiiñiaġaa kimmiŋa.”

Makpiġaaŋa Job-gum 14:4

Suuramik unnii salumaruaq qaiyumiñaitchuq salumaisigiruaniñ iñugniñ.

Makpiġaaŋa Job-gum 15:14

Iñugruiññaq imña piḷuutaipiaġumiñaqpa? Iñuksuli nalaunŋaruaguyumiñaqpa sivuġaani God-im?

Matthew 1:1

Uvva aglaich maŋŋuŋigun Jesus Christ, kiŋunġuruam David-mun, Abraham-mullu.

Matthew 12:46

Jesus uqaġniaqtillugusuli iñuŋnun, aakaŋalu aniqatiiŋiḷu makitaŋarut siḷami, apiqsrivḷutiŋ uqaqatigisukługu.

Matthew 2:11

Aasii isiqłutiŋ iglumun tautuŋagaat miqłiqtuuraq aakaŋalu Mary, aasii sitquqłutiŋ nanġaŋagaat. Tavra aŋmaqługich suġalitiŋ, aitchuŋagaat aitchuutinik, manigñik kaviqsuanik, tivraġiksuaniglu, myrrh-niglu.

Luke 1:25

Ataniq savaŋaruq aliuġnaqtuamik uvamnun. Paŋmapak kanŋusukkumiñaiqsuŋa miqłiqtuiññiġa pisigilugu.

Luke 2:5

Joseph atchiiyyaqatigiŋagaa Mary, tuvaaqatiksrautini, siŋaiyauruaq.

Deuteronomy 22:23

“Aŋunsuli aŋuraukpan allatuqatiqaġluni allam aŋutim nuliaksrautaanik.

Hebrews 10:5

Tainnainniġmata, Christ nunamukami, ilaa uqallaŋaruq God-mun, “Kipiġniuttaġiŋaitkitin ikipkautit aitchuutillu, aglaan timimik itqanaiqsisiŋagiŋma tuquyumiñaquvluŋa.

Hebrews 7:26

Qanuq nalaunŋaruq tainnatchimik aŋaiyyuliqsiqpaich qaukłiannik piqaġupta, ilaaguaqtauruamik God-mun, pasiñaġumiñaitchuamik, piġuaġniġitchuamik, ilaaguaŋaruamik piḷuusiqiriniñ, kamanaqsipkaqtauruamik qiḷaŋmi.