Matthew 1:11 - Iñupiatun Mumiksat Uqalugiksuat

¹¹ Josiah-li aapagigaa Jechoniah-vlu aniqatiŋisalu. Taimani iñuich Israel-guruat aullaurrausaġmata Babylon-mun.

Matthew 1:11 Iomraidhean Croise

2 Kings 23:31

Joahaz iñuiññaq piŋasutun (23) ukiuqtutigiŋaruq umialiguqami Judah-mi, aasii umialguvluni Jerusalem-mi piŋasuni tatqiñi. Aakaŋata atiŋa Hamutal, pania Jeremiah-m iniqpaŋaniñ Libnah-m.

2 Kings 24:14

Nebuchadnezzar-m aullautiŋagaich tigutaaqtauvlugich iñuŋich Jerusalem, iluqaisa umialgum iġñiŋich, iluqaisalu aullarriuruat aŋutit, 10,000-tun katiłługich iñugiaktigiruat. Aullautiŋammigaich sanaturuat savaktit, iḷagivlugich savił̣hanik savaktit, kisiŋŋuqługich iḷiappauniqtauruat iñuich Judah-mi.

2 Kings 25:11

Tavraasii Nebuzaradan-gum aullautivlugich Babylonia-mun iñuich kisiŋŋuqtauŋaruat iniqpagmi, uniktinŋaruallu, suli tamatkua maliqsraliŋaruat Babylonia-ġmiunik.

Matthew 1:12

Iñuich aasii aullaurrauganiŋmata Babylon-mun ukuali aniŋarut. Jechoniah aapagigaa Shealtiel-gum. Shealtiel-li aapagigaa Zerubbabel-gum.

Matthew 1:17

Tavra kiŋuniġiich Abraham-miñ David-mun akimiaġuutaiḷauŋarut. Suli David-miñ aullaurrauniŋannunaglaan Babylon-mun kiŋuniġiich akimiaġuutaiḷauŋarut. Aasiiḷi aullaurrauniŋanniñaglaan akimiaġuutaiḷauŋammiut kiŋuniġiich aniñiŋanunaglaan Christ-guruam.