Matthew 1:1 - Iñupiatun Mumiksat Uqalugiksuat

¹ Uvva aglaich maŋŋuŋigun Jesus Christ, kiŋunġuruam David-mun, Abraham-mullu.

Matthew 1:1 Iomraidhean Croise

Genesis 12:3

Anniqsuusiaqaqtinniaġitka ikayuiruat iliŋnun, Aglaan piaġiiḷḷiuqtinniaġitka piaġiiḷḷiuqtitchiruat ilignun. Aasii ilikkuaġlugu anniqsuusiaqaqtinniaġitka iñupayauraŋi nunam.”

Genesis 2:4

Tavraasii tainna savaaġiŋagaik God-im qiḷaglu nunalu. Atanġum God-auruam savaaġimmagik qiḷaglu nunalu,

Genesis 22:18

Kiŋuvaatin nunaqpaguŋaruat ikayuusiaqpaqaġniaqtut sutigulliqaa qanukkii kamagiŋagigma.”

Genesis 5:1

Ukua uvva Adam-gum kiŋuvaaŋisa atiŋich. (God iñuliuqami, savaŋagaik ilimisun irrusiqaqługik.

Psalms 132:11

God-iiŋ, unniqsuqłiiŋarutin David-mun unniqsuqłiiñmik tasuġniaŋisaġnik: “Iḷaŋat iġñiġiraqpich umialiguqtinniaġiga, atanniqsimariġuġniaqtuq aqukkun.

Psalms 89:3

Uqallaŋarutin, “Inillaiŋaruŋa sivunniuġunmik iñuksraqtaġiŋaramnun; Unniqsuqłiiŋaruŋa kivgaġiramnun David-mun,

Psalms 89:36

David taimuŋaaglaan kiŋuvaaqaġuuniaqtuq, suli munaġiniaġiga ilaan umialgutaa siqiñiq siqiññaaġuraġniaqpan.

Matthew 1:18

Tavra aniñiŋa Jesus Christ piŋaruq inna. Aakaŋa Mary piksrausiutauganikami Joseph-mun, tuvaaqatigiiksinŋaiñŋaġmik, iḷitchuġiŋaruq siŋaiyautilaamiñik Ilitqusiġiksuakun.

Matthew 1:2

Abraham aapagigaa Isaac-gum. Isaac-li aapagigaa Jacob-gum. Jacob-li aapagigaat Judah-vlu aniqatiiŋisalu.

Matthew 15:22

Tavra aġnaq Canaan-miu iñuuruaq tamaani ullautiŋaruq nipimigun, Naglikkutiqaġiñ uvamnun Ataniiq, Iġñiŋa David. Paniga atqunaqługu ilitqusiqł̣uqaqtuq.

Matthew 3:16

Tavra Jesus paptaiqsauganikami, tavrauvvaa qakiŋaruq immamiñ. Tavra qiḷak aŋmaqłuni, John tautuŋagaa Ilitqusiġiksuaŋa God-im atqaqtuaq tiŋmiatun, aasii mitchaaqłuni ilaanun.

Matthew 9:27

Tavra Jesus iglaupkaqtillugu tavraŋŋa, malġuk ayauŋaruak maliŋagaak, ququullatigillaan, Iġñiġuruatiin David-mun naglikkutiqaġiñ uvaptiŋnun.

Luke 1:33

Aasii ilaa umialguniaqtuq isuitchuamun kiŋuniŋiñun Jacob, aasiisuli ilaan atanniqsimmataa isuiññiaqtuq.

John 7:42

Bible uqaluŋich uqaŋaitpat Christ maŋŋuqaġnivḷugu David-mik, aasii qaiḷuni Bethlehem-miñ, nunaaqqimiñ David iñuuvigiŋaraaniñ?

Acts 2:30

David God-im uqaqtigiŋagaa, suli iḷisimaŋaruq God-im unniqsuqłiisaanik inmiñun. God-im unniqsuqłiiŋagaa David iḷaŋat kiŋuniŋisa umialiguqtinniaġnivḷugu ilaatuttauq.

Romans 1:3

Taapkua tusaayugaaġiksuat quliaqtuaqaqtut God-im Iġñiŋanik aniŋaruamik David kiŋuniŋiññiñ,

Romans 4:13

God-im unniqsuqłiiŋagaa Abraham kiŋuniŋiḷu kiŋuvaannagniaġnivḷugich nunamik. Taamna unniqsuqłiiñ unniqsuqłiisauŋaitchuq God-im qaiñmagich aglausimaruat pitqurani Moses-kun, aglaan unniqsuqłiisauŋaruq Abraham-mun God-im nalaunŋasipkaġmagu ukpiġutaa pisigivlugu.

Romans 9:5

Maŋŋuqaqtut kamanaqtuanik aapanik, maŋŋuqaqatigimmigaat timikun Christ, atanniqsimanniktuaq supayaanik, God-auruaq nanġagaksrauruq isuitchuamun. Amen.

Galatians 3:16

Tavra God-im unniqsuqłiisigiŋagaa quviasaaġusiaq Abraham-mun kiŋuniŋanullu. Una nalunaigilugu. Unniqsuqłiiñ quviasaaġusiakun unniqsuqłiisauŋaitchuq iñugiaktuanun kiŋuniġiiñun, aglaan atausisualuŋmun kiŋunġuruamun, aasii taamna kiŋunġuruaq Christ-guruq.

1 Timothy 2:5

Qanuq atausiuruq God, suli atausiq atisipkaiñiaqti God-miglu iñuŋniglu, iñuk Christ Jesus,

2 Timothy 2:8

Itqaumauŋ Jesus Christ, aŋipkaqtauŋaruaq tuqqunmiñ, maŋŋuqaqtuaq David-miñ, alġaqsruutiptun tusaayugaaġiksuanik.

Revelation 22:16

Uvaŋa Jesus tiliŋagiga isaġuliga iliŋnun quliaqtuaksrił̣ł̣ugu aŋaiyyuliqiruanun. Uvaŋa maŋŋuuruŋa kiŋuniġigaaŋalu David, qaummaġiksuaq uvluġiaq nuisuuruaq uvlum sivuuraŋani.