Mark 7:4 - Iñupiatun Mumiksat Uqalugiksuat

⁴ Aasii tauqsiġñiaġviŋñiñ aikamiŋ niġiḷaitchut iqaġiŋaunnatiŋ. Suli iñugiaktuat allat akuqtuaġiŋagaich piḷġusiġisukługich, iqaġiniŋich qallugaurat, niuqqiutillu, uvluyuiḷallu utkusiich.

Mark 7:4 Iomraidhean Croise

Psalms 26:6

Ataniiq, Argatka iqaġigitka nalunaiqsaqługu patchisaisilaaġa avluġaaqłuŋalu nanġaqłutin kiavallakługu ikipkaiviiñ.

Matthew 23:25

Qanutun naglignaqtigirusi ilivsi iḷisaurriich pitquranik, Pharisees-lu, ukpiŋŋuaqtuasii. Qanuq ittusi qallugauratun puggutauratullu salummaqtauruatun qaałhiñaŋich, iḷuvsiññi imaqallavsi salumaitchuamik ivayaqtuunmik piḷḷatunmiglu.

Matthew 23:26

Ilivsi ayauŋaruasii Pharisees, salummaqqaaqsiuŋ iḷua qallugauram, aasii siḷataa salumaniaġmiuq.

Matthew 27:24

Tavra Pilate iḷitchuġikami qanuġluni piyumiñaiññiqami, piallagniksraŋat isagutiniuraaqsiññaaqsimman, ilaa tigusiŋaruq imiġmik aasii iqaġivlugich argagni takkuanni iñusalaich, uqallakłuni, Uvaŋa patchisauŋitchuŋa uuma iñuum tuqutauniksraŋagun. Ilivsi pisiuŋ.

Mark 7:8

Jesus uqallavsaaŋaruq, Kamagiŋitkisi God-im pitquraŋi, kamagiłhaaqługich piḷġusiḷiaŋich iñuich.

John 2:6

Tavra itchaksrat uyaġaich qattat tavrani inŋarut. Atausiq immaqtutilaaqallaavluni 20 naagga 30 gallon-tulluunnii. Aasii taapkua qattat imaŋich atuġuuruat Jew-guruat piraġausiannun salummaqtauniġmi.

John 3:25

Tavra Jew-guruaq John-lu iḷitchitquraŋi uqavaaŋarut pisigivlugu salummaqtauniq aŋaiyyuliqiniġmi.

Hebrews 9:10

Aglaan tamatkua piraġautchich aŋalatchirut aŋaiyyuliqiniġmi niqiłhiñaniglu imiłhiñamiglu qanusiḷimaaniglu aŋaiyyuliqinikun salummaksautinik timimun. Tamatkua qaałhiñakun piraġautchich piruksrausuurut tikitchiaġivlugu God-im nakuułhaaqtuaq sivunniuġutaa taŋŋiqsitaŋa Christ-mun.

James 4:8

Qalliḷaaġitchi God-mun, ilaaptauq qalliḷaaġniaġmiuq ilivsiññun. Piḷuusiqirauruasii, isumalitqigitchi piḷuutiniñ savaaġiŋaravsiññiñ. Ilivsi malġuŋnik isumaqaqtuasii, kamagipiaġataqsiuŋ God. Ukpiŋŋuaqtuaguŋaiġitchi.

1 John 1:7

Aglaan iñuuniaqtuagugupta qaummaġmi, ilaatun qaummaġmiittuatun, piqaqtugut iḷammiuġunmik avanmun, suli auŋata Jesus ilaan Iġñiŋan salummaqsimaaġaatigut piḷuutipayaaniñ.