Mark 7:3 - Iñupiatun Mumiksat Uqalugiksuat

³ Qanuq Pharisees, iluqaġmiglu Jews, Iqaġigaluamiiŋaunnagich argatiŋ, niġiḷaitchut, kamagivlugu taimaŋŋaqtaq iḷisaurrutaat maŋŋuuruat.

Mark 7:3 Iomraidhean Croise

Mark 7:13

Tainna pikavsi, God-im uqalua anniqsuutauŋaiġiksi taimaŋŋaqtatigun iḷisaurrutivsigun iḷisaurrutigikkavsigun. Suli tainnatchiñik iñugiaktuanik piusi.

Mark 7:5

Tavra Pharisees-lu iḷisaurriḷḷu pitquranik Jesus apiġiŋagaat, Summan iḷitchitquravich kamagilaitpatigik iḷisaurrutiŋich maŋŋuupta, niġivḷutiŋ iqaġiqqaaġaluaġnagich argatiŋ?

Luke 11:38

Tavra Pharisee allasuŋaruq Jesus iqaġiqqaaġaluaġnagich argagni niġisaġumaaqsimman, tuvraġaluaġnagu Pharisees piḷġusiat.

John 2:6

Tavra itchaksrat uyaġaich qattat tavrani inŋarut. Atausiq immaqtutilaaqallaavluni 20 naagga 30 gallon-tulluunnii. Aasii taapkua qattat imaŋich atuġuuruat Jew-guruat piraġausiannun salummaqtauniġmi.

Galatians 1:14

Kipiġniupiaġataŋaruŋa iñuusukłuŋa tuvraġlugich iḷisaurrutiŋich maŋŋuupta, aasii qaukłiġuutivluŋa qaaŋiqł̣ugich ukiuqtutilaaqatitka iñuuniġmi Jew-guruatun.

Colossians 2:8

Qaunagisitchi. Iḷisausiavsiññiñ asiñuutipkaġnasi iñuŋnun iḷisaurriruanun iñugruiññaich isumattutaatigun, anniqsuutauŋitchut sagluuvlutiŋ. Tainnatchit iñuich iḷisaurrutiqaqtut iñuich isumaŋiññik iñuuniaġluataġnikun, iḷisaurrivḷutiglu ilitqutchiñun aŋalannivḷugich sut God-im savaaŋi, iḷisaurriñiaġnatiŋ Christ iḷisaurrutiŋiñik.

1 Peter 1:18

Qanuq iḷisimarusi suna akiḷiutauŋatilaaŋanik atanġiqsitchaqłusi anniqsuusiqiŋitchuamiñ iñuusiġikkavsiññiñ, iñuutchimiñ pigiitchuamiñ kiŋuvaaġiŋakkavsiññiñ maŋŋuuvsiññiñ. Taavruma akiḷiutauruam akisutilaaŋa akikł̣ipayaaġumiñaitchuq manium qatiqtuam naagga kaviqsuam akikł̣iraġausiatun.