Mark 7:2 - Iñupiatun Mumiksat Uqalugiksuat

² Tavra tautuŋagaich Jesus iḷitchitquraŋisa iḷaŋich niġiruat iqaġiqqaaġaluaġnagich argatiŋ Pharisees piraksriutaatitun iñuŋnun.

Mark 7:2 Iomraidhean Croise

Matthew 15:2

Summan iḷitchitquravich kamagilaitpatigik iḷisaurrutiŋich maŋŋuupta? Qanuq niġiŋaiñŋaġmiŋ iqaġilaitkaich argatiŋ tuvraġlugu piraksriutaat maŋŋuupta.

Mark 7:5

Tavra Pharisees-lu iḷisaurriḷḷu pitquranik Jesus apiġiŋagaat, Summan iḷitchitquravich kamagilaitpatigik iḷisaurrutiŋich maŋŋuupta, niġivḷutiŋ iqaġiqqaaġaluaġnagich argatiŋ?

Luke 11:38

Tavra Pharisee allasuŋaruq Jesus iqaġiqqaaġaluaġnagich argagni niġisaġumaaqsimman, tuvraġaluaġnagu Pharisees piḷġusiat.

Acts 10:28

Tavraasii Peter-m uqallautiŋagai, Ilivsivsauq iḷisimalluataqtusi qanuq nalaunŋaisilaaŋanik pitquratigun Jew-guruaq piqasiqsuutikpan naagga isiqattaaqpan Jew-guŋitchuamun, aglaan uvva God-im iḷisautiŋagaaŋa isummatigitquŋił̣ł̣ugu iñupayaaq salumaiḷḷugu suuvigruaŋiññiḷugulu.

Acts 11:8

Tavra kiuŋagiga, Naagga Ataniiq, qanuq suuramikunnii salumaitchuamik niqimik pitqurat niġitquŋisaŋannik uqummirriŋaitchuŋa.

Romans 14:14

Iḷisimaruŋa ukpiġunmalu Ataniġmun Jesus-mun nalupqisuktinŋitkaaŋa, sumik piisilaaŋanik killuliqutauyumiñaqtuamik niġiruni niqipiamik. Aglaan iñuk isumagumi killuliqiniaġasugaluni niġiruksrauŋitchuq, qanuq killukuaġutauniaqtuq ilaanun.

Hebrews 10:29

Qanutun suaŋałhaaqtuamik tatavsagaksrauruq iñuk tununniktuaq God-im Iġñiŋanik, anniqsuutauŋiññivḷugu Christ tuqqutaa ilaan ilaaguaqtirrusiani God-mun, aasii pisaaŋavlugu Ilitqusiġiksuaq nagliktuutiqpaqaqtuaq inmiñun.

Revelation 21:27

Aglaan sunapayaaq salumaitchuaq isiġumiñaitchuq iniqpaŋmun naaggaunnii kiñaliqaa piḷġusiqaqtuaq naġġunapiaġataqtuanik naagga saglunmik. Aglaan kisimiŋ tamatkua atiŋich aglausimaruat Imnaiyaam makpiġaaŋiñi iñuuruatigun isiġniaqtut iniqpaŋmun.