Mark 2:5 - Iñupiatun Mumiksat Uqalugiksuat

⁵ Jesus puttuqsrikamiuŋ ukpiġutaat, uqallautiŋagaa aulalaitchuaq, Iġñiiŋ, piḷuutitin suliqutigiŋaiqsaurut itqaumayumiñaiqł̣ugich.

Mark 2:5 Iomraidhean Croise

Matthew 9:2

Tavra, qaġġirriŋarut ilaanun aulalaitchuamik, nalavlugu ikuvġamiñi. Tavra Jesus puttuqsrikamiuŋ ukpiġutaat uqallaŋaruq aulalaitchuamun, Quviasugiñ, iġñiiŋ. Piḷuutitin suliqutigiŋaiqsaurut itqaumayumiñaiqł̣ugich.

James 5:15

Aasii ukpiġutiqaqłutiŋ aŋaiyyutaata iłuaqsipkaġniaġaa naŋittuaq, aasii Atanġum naŋinŋaiqsinniaġaa, aasii piḷuusiqiŋaniqpan suliqutigiŋaiqsauniaqtut itqaumayumiñaiġḷugich.

Matthew 9:22

Tavra Jesus kiŋiaŋaruq, aasii tautukługu uqallaŋaruq, Quviasugiñ paniuruatiin, ukpiġurvich iłuaqsipkaġaatin. Tavra tavraŋŋatchiaq aġnaq iłuaqsiŋaruq.

Ephesians 2:8

Qanuq God-im nagliktuutiqpaŋagun annaurrauŋarusi ukpiliqavsi. Annautiŋaitchusi ilivsiññik sunik piḷusi. Taamna annaun God-im aitchuutaa ilivsiññun.

Acts 5:31

God-im kamanaqsipkaŋagaa inillakługu taliqpiŋmi tuŋaanun Aullarriġuqługu Annaurriġuqługulu, iñuich Israel-guruat isumalitqikkumiñaqsivḷugich, piḷuutitiŋ suliqutigiŋaiqsaupkaġlugich itqaumayumiñaiġḷugich.

John 5:14

Taavruma aquagun Jesus paqinŋagaa aŋaiyyuvikpaŋmi, aasii uqallautivlugu, Uumaa, iłuaqsirutin. Piḷuksitqigñak iḷaanni pigiił̣haaqtuam kasuqpiaġaatin.

Luke 5:20

Tavra Jesus puttuqsrikamiuŋ ukpiġutaat taapkua iñuich, ilaa uqallaŋaruq aulalaitchuamun, Iñuuk, piḷuutitin suliqutigiŋaiqsaurut itqaumayumiñaiqł̣ugich.

Colossians 3:13

piaqłuktautiŋaiġḷusi avanmun. Iñuk uqaallatiksraqaġaluaġumi allamun iñuŋmun, suliqutigiŋaiġḷiuŋ itqaumaŋaiġḷugu uqaallatiksraq. Atanġuptauq suliqutigiŋaiŋammagich piḷuutivut itqaumayumiñaiqł̣ugich, tainnatulli uvagut suliqutigiŋaigaksraġigivut allat pimaqłuutiŋich uvaptiŋnun.

2 Corinthians 2:10

Kialiqaa killuliqiaŋa suliqutigiŋaikkaqsi itqaumaŋaiqł̣ugu, uvaŋaptauq suliqutigiŋaiġmigiga itqaumaŋaiqł̣ugu. Suliqutigiŋaiŋagupku killuliqun itqaumayumiñaiġḷugu, suliqutigiŋaiġiga pisigivlusi, suli pisivlugu Christ.

1 Corinthians 11:30

Tainnauvva piŋavlutiŋ iñugiaktuat iḷasi sayaitchut, naŋittuagurullu, suli iḷasi tuquvlutiŋ.

Acts 14:9

Ilaa naalaġniŋaruq Paul-mun uqaqtuamun. Aasiivsauq Paul-gum qiñipiaġataqługu, iḷitchuġivlugu ukpiġutiqaqtilaaŋa iłuaqsirauyumiñaqłuni,

Acts 11:23

Tikiññami iḷitchuġikami God-im quviasaaġniġmagich iñuich, ilaa quyatchaŋaruq, suli qapiŋaisaaŋagai iluqaisa ukpiġnaqtuagutquvlugich iḷumullu illutiŋ Ataniġmun iḷumiŋniñ.

John 2:25

Iñuŋmik uqallaurrituŋitchuq qanuq iñuich isummatiqaqtilaaŋannik inmigun, inmiñi iḷisimavluni qanuq isumaqaqtilaaŋannik.

Luke 8:48

Tavra ilaan uqallautiŋagaa, Aġnaaq, ukpiġurvich iłuaqsipkaġaatin. Aullaġiñ tutqiksiḷutin.

Mark 5:34

Tavra ilaan uqallautiŋagaa, Paniuruatiin, ukpiġurvich iłuaqsipkaġaatin. Aullaġiñ tutqiksiḷutin, suli iłuaqsiraulutin naŋirrutiŋniñ.

Psalms 103:3

Suliqutigiŋaiġuugaich iluqaisa piḷuutitka suli iluaqsivḷugich iluqaisa naŋirrutipayaatka.

Genesis 22:12

“Anniġñagu nukatpiaġruk naakkaunnii qanuq piññagu,” uqallaktuq. “Tavra iḷitchuġiruŋa iliŋnun qutchiksuaġitilaaŋa God qanukkii anniġiŋiññiġiñ aitchuutigiyumiñaqługuunnii iġñitualuiñ uvamnun.”

Matthew 9:5

Nalliak uvva siġḷiġnaił̣haaqpa uqallaktuni inna, Piḷuutitin suliqutigiŋaiqsaurut, naagga uqallaktuni, Makillutin pisuaġiñ?

Mark 2:6

Iḷaŋich iḷisaurrit pitquranik aquppiruat tavrani isummatiqaŋarut inna,